Popular Bible Verses from Mateus 4

Share

Nge Jesus a pölüeni, “A mak lon ekewe Toropwe mi Pin, ‘Aramas resap manau ren mongö chök, pwe ra manau ren iteiten kapas Kot a apasa.’”

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Jesus a pölüeni, “A pwal mak lon ekewe Toropwe mi Pin, ‘Kosap sotuni ewe Samol om we Kot.’”

Iwe, mürin Ngünmifel a emwenala Jesus lon ewe fanüapö pwe epwe küna sosot me ren Tefil. Nge pokiten Jesus esap mongö och lon ükükün faik rän me faik pwin, a mefi echik.

Jesus a üreniir, “Oupwe tapweto müri pwe üpwe aiti ngenikemi usun ämi oupwe attaua aramas.” Lon ewe chök otun ra likitala nöür kewe chew o tapwela mürin Jesus.

Seni ena fansoun Jesus a popuetä le eäni ei afalafal, “Oupwe aier seni ämi tipis, pun a arap Mwün Läng!”