Popular Bible Verses from लुका 7

Share

ओदोङ भाअ्सिङ का नेलाइहेङ दोअ्खा कि उङको बेबालको हेन्जा पापगेलाइ स्यामा जेङका हि, एसापा गिखे कि वा हेन्जा प्रेम तिङपाहि जाइहेङ आधे पाप स्यामा पापिखे वा आतुइसा मायारु बाखाराइखे। कालाउ न्हुसो येसु उङको बेजानहेङ दोअ्हि, नाङको पापगेलाइ स्यामा जेङका हि।

येसु उङको बेजानहेङ दोअ्हि, परमेस्वर नासेहेङ बान्चिपाहि हाइपालिपानु नाअ् का ह्रुता खाङधुरि पान्हा, सान्तिसो सिता हाने।

उङको बेजान येसुको न्हु पाहा जाअ्तेङ खारकाताङ येसुको खोकोइहेङ मितिहोइ भिजाइलि तेङहि, कालाउ ताइको पुसुङहोइ मोकाताङ वाको खोकोइता चुमाइतेङ कालाउ वाको खोकोइता आत्तर मलिपिहि।

ओदोङ भाअ्सिङ का ताइमिङ बुङ नाङको दोफा मान इज्‍जत भाइपा हानिलि सोबाइका मान्थुघा, नाअ् आग्या खिनिङ पि काङको चाकारिया एलावा। इदोइ का गिखा कि हाइपालिपानु का बुङ बार्का आधिकारिगेलाइको खाबाराता हिघा। कालाउ काङको खाबाराता सिपालाइ हि। का एमिहेङ हाने दोअ्खा कालाउ वा हानिखे, कालाउ भेनेङहेङ लौउ दोनु कालाउ वा लोखे। काङको चाकारियाहेङ एसा पाअ्‌ दोअ्खा कालाउ वा पाखे। जेलाउ इङको काथा हिङहि, येसु आवाइ तुअ्हि, कालाउ ताइको दोफा लोकालाइहेङ घुरितेङ दोअ्हि, जातिङ भारि का नेलाइहेङ दोअ्खा का इसिका इस्राएल सारभिता बुङ इदोइ झोको बार्का खाङधुरि तिङका मान्थुघा जेदोङ इदोइ गैर-यहुदिकोता हि।

ओदोङ बेला येसु हेन्जा द्‍याङगेलाइहेङ इम्बालाइको मिसा एल्पा पिहि कालाउ इम्बालाइसो भुत-आत्मा लाअ्पापिहि, वा हेन्जा कान्हाँ द्‍याङगेलाइहेङ बुङ मिसियाँ तिङपालि दोपाका बानाइहि। येसु युहान्नाको चात्यागेलाइहेङ जोबाफ पिहि, हानेसु जेदोङ हिङका कालाउ तिङका काथागेलाइ दोअ्सु। कान्हाँगेलाइ तिङदोङखे, बैरागेलाइ हिङदोङखे, कालाउ रोग्या खोअ्कालाइ एल्दोङखे। सिकालाइ आरोङ सिन्हुतेङ ल्होदोङखे, लेङग्रागेलाइ तेदोङखे, कालाउ गरिब द्‍याङगेलाइहेङ प्राचार पादोङखे।