Ā ə́dá ngán *Israel gə̄ kadə̄ adə̄nī yibə̄ olibə kə́ kásə̄ kə́ *unjə̄ njáý njáý tām̄ yā ɗəra hor tə́ kadə̄ əndān̄neé hor kə dɔ ndɔ̄ gə̄. *Aaro̰ nin̄ kə ngánən gēé a əndān̄ ɗəra hor i kem *kújə kənge naā tə́ no kūbə̄ ń gāngə̄n̄neé gír loo ń ndū najə̄ gə̄ kə́ ndang gidə bar mbal̄ tə́ a ton̄ tū tə́ ní. Hor gə̄ ń a tə́ndān̄ ta ɗəra hor tə́ ní, a unjə̄n̄ noḿ tə́ ndɔ̄ɔ́ bátə́ kadə̄ loo tīī dɔ tə́. Nge ń noō i ndū najə̄ kə́ a to ngándáńg tām̄ yā ngán *Israel gə̄ tə́.