პოპულარული ბიბლიური მუხლები Mattaay 6-დან

გაზიარება

Laakiin hankaab bariitooh tehadꞌaayi hariwna, bariitooh tooshbu hariwna. Teen teena kasteeh aree imaar tiyadna.

Aflaay lhayt iikti tindiit toona haay baahasiikna, batuuh tuukna tehisik tindi. Bꞌeebka ooknaay gwirha mhaab ibari.” idi Yasuuꞌa.

Oontꞌaaneet ani andi hookna: ukwiraayiisookna baahasiikna, naan tamteeneeb tari gwꞌiteeneeb tari igarooyeekna naan teetkwiineeb baahasiikna. Umidhhan tumꞌariitiika daayikaab kiiki han? Ugaru aree yhalakaayeeka daayikaab kiiki han?

Laakiin baruuk siileeltiniyihoob, ugawook shuumaa, udheefa assaat Baabiyookna dehaay siileelaa! Baruuh baalawayu. Malya Baabuukna toona tukwabaas rhiiniib, ijir iyaaw hook indi.

Bak aree siileelteeneet toonaatu: Baabuun tibreeteeb eefeeb, uusmuuk hamooysamaab baꞌiikti, Tehadꞌaayeetuuk baꞌeeti, baruuk harriiweet tuuna tubuutiib batiikti, tibreeteeb tꞌiiteenaayt

amsi oombꞌi yhadhiyeen hiiyya hoon.

Tumaagnaaytoon afooyaa hoon, hinin han toomaag hoon sakeen afoona.

Jarrabamtiib baashuumsaa hoon, laakiin wꞌamaag oongaal hooy shidhhana hoon.

Uudehay toomaag hookna idꞌanihoob afooteeneek, Baabuukna tibreeteeb eefi han afooyiini hookna.

Eekilay tibreeteeb dhaabeen shibibna, baraah kateeraayaana, kiiwikna, tari geesaay harroob kiidibilna, masi Baabuukna tibreeteeb eefi bareeh tamsiini. Baraakna bareesoohka alyakaab kitteena han?

Igarooyeekna dehaay tubuutiib miraay baadibiina, dꞌoobwa buutwa tamtini. Gwihara aree kitꞌatiit eegwihariin. Laakiin baraak miraay tibreeteeb dehookna dibiina. Beentooy dꞌoobwa buutwa katamiyaana, gwihara han kitꞌatiit kiigwiharna. Umraayuukna daayiiniyeeb oomhiin, iginꞌaayaakna han daayeen.

Gaal kishiya malu ankwana kashagaamiya. Baruuh tari gaal areeyi indi, tari ooraaw aree iirib indi. Tari oongaal daayiib shagaamiini, ooraaw aree abaabiini. Ukwaasanaawwa imhallagaawwa mhalleehna hiddaab shagaamtiib kaꞌadgirtaana.

Ukwaasana umingaayi siyaam bak istookwiyeek, amsi tooy haayee, tulhaytooh nꞌeetiib itoogiideek, baruuh bareek daayikaab istuukw hookna kiidi han? Wooh baraakna ishalik iimaani!

Laakiin baruuk oodehay yꞌaniw tiniiwihoob, wꞌayuuk umaykwaab iniiweet toona, wꞌayook utalhaab baasookiina! Shaawti umiyaawook kwibisa. Malya Baabuukna toona tukwabaas rhiiniib, ijir iyaaw hook indi.

Yasuuꞌa “Tudaayiinaayti shagaayookna oodehayi suurii baadꞌiina! Digwagwna oodehay baarhamaana. Een tiwariineek, Baabookna tibreeteeb eefeenaay ijir imaar kitdiina.

Baraak baaskiiteenihoob, wharaay ar idꞌaneet tunaatiit hamash fiireeb baaꞌakeena. Baraah oodehay tubaaskiitoohna rhistiib yhariwna akay eefiir hamashooyaab ikwasiin. Oosdik andi hookna: baraah wꞌijroohna timmiima ahaaba. Laakiin baraak baaskiiteenihoob, tehamooteekna lꞌasaana, ifiireekna aree shigwidhna. Aflaay baraak baaskiitiib tikatiineet toona uudehay iikan kiidiin. Laakiin Baabookna Oongaalnaay dehaay baaskiitaana. Baabuukna ubaalaway, aree Baabuukna toona tukwabaas rhiiniib, ijir iyaaw hookna indi.