Popular Bible Verses from Lukas 22

Share

un säd: Voda, wan du daut soo west, dan nemm dit Liedenskuffel von mie; oba daut saul nich soo woaren aus ekj well, oba soo aus du west.

Oba ekj hab fa die jebät, daut du dienen Gloowen nich velieren muchst. Un wan du ieescht trigj no mie jekomen best, dan stoakj diene Breeda.

Un dan neem hee Broot, dankt doafäa un bruak daut, un jeef an daut un säd: Dit es mien Kjarpa dee fa junt jejäft woat; doot dit om aun mie to denkjen.

Jrod soo neem hee no Owentkost uk daut Kuffel un säd: Dit Kuffel es de niea Bunt en mien Bloot, daut fa junt vegoten woat.

Un en siene Doodesangst bäd hee noch iernsta. Sien Schweet wort soo aus groote Blootdreppen, dee opp de Ieed follen.)

Bie junt oba, saul daut aundasch sennen! Wäa mank junt de jratsta es, saul soo sennen aus de jinjsta, un de väanämsta soo aus een Deena.

Dan säd Jesus: Petrus, ekj saj die: Ea de Hon vondoag zemorjes kjreien woat, woascht du daut aul dree Mol veloagen haben, daut du mie kjanst.