ទំនុកតម្កើង 113

113

ព្រះជាជំនួយរបស់មនុស្សទុគ៌ត

1ចូរសរសើរតម្កើងព្រះ‌យេហូវ៉ា

ឱពួកអ្នកបម្រើនៃព្រះ‌យេហូវ៉ាអើយ

ចូរសរសើរចុះ ចូរសរសើរតម្កើង

ព្រះ‌នាមព្រះ‌យេហូវ៉ា!

2៙ សូមឲ្យព្រះ‌នាមព្រះ‌យេហូវ៉ា

ប្រកបដោយព្រះ‌ពរ

ចាប់តាំងពីឥឡូវនេះ រហូតអស់‌កល្បតទៅ!

3ចាប់តាំងពីទីថ្ងៃរះ រហូតដល់ទីថ្ងៃលិច

ព្រះ‌នាមព្រះ‌យេហូវ៉ាត្រូវបានសរសើរតម្កើង!

4ព្រះ‌យេហូវ៉ាគង់នៅខ្ពស់លើអស់ទាំងសាសន៍

ហើយសិរី‌ល្អរបស់ព្រះ‌អង្គ ខ្ពស់ជាងផ្ទៃមេឃ!

5៙ តើមានអ្នកណាឲ្យដូចព្រះ‌យេហូវ៉ា

ជាព្រះនៃយើង?

ព្រះ‌អង្គគង់នៅស្ថានដ៏ខ្ពស់

6ព្រះ‌អង្គឱនទតមើលផ្ទៃមេឃ និងផែនដី។

7ព្រះ‌អង្គលើកមនុស្សក្រីក្រឡើងចេញពីធូលីដី

ហើយមនុស្សកម្សត់ទុគ៌តចេញពីគំនរសំរាម

8ដើម្បីតាំងឲ្យគេអង្គុយជាមួយពួកអ្នកធំ

គឺជាមួយពួកអ្នកធំនៃប្រជា‌រាស្ត្រព្រះ‌អង្គ។

9ព្រះ‌អង្គប្រទានឲ្យស្ត្រីអារមានផ្ទះសំបែង

ហើយឲ្យនាងមានកូនដោយរីក‌រាយ

ហាលេលូយ៉ា !

ទើបបានជ្រើសរើសហើយ៖

ទំនុកតម្កើង 113: គកស១៦

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី ព្រះគម្ពីរបរិសុទ្ធកែសម្រួល ២០១៦