Kejadian 2
2
1Winibuka sirya kwepdeibukopura, im ap, tukwak mutuku nirya ap, anoutam ulye ning aning-aning nirya, nukmanto kum ulye touk, Allah arye, aning-aning nirya kwepdeibukce, sirya dakuk. 2Like tonok ton, tek sum akunum ubukura, Allah arye, tenebuk pil nirya akunum sirya dakuka ati, tek sum ara, el pil nirya batakukce, dikdik sebuk.
3Tonda Allah arye, teleb yupu nyabuka, tek sum ati, “Pia teleb,” nyabukce, pia weik sum ati wipdeibuk. Ara, Allah arye, aning-aning nirya, yala-yala weik kwepdeibuka unmoka ani, akunum sirya dakukopura, tek sum arye, dikdik sebuka ati, asum ara weik sum kipdeibukce, wipdeibuk. 4Ayupu nyabuka sekipmasuk yupu nirya ara, Allah el si Yahweh#2:4 Yahweh – Allah el si koproba ara, ‘Yahweh’ ulule. Allah arye Musa ati, ayupu lakak arye nyabuk (Keluaran 3:14). Ibrani yupu deice arye ahuruf ‘YHWH’ aninguk sekenyake. Ibrani yupu nyanyak ninye arye, ‘Allah el si koproba lakak kum nyaptibye’ tenen, ilil ulule. Ilil ulula ati ara, sikce huruf ‘YHWH’ aninguk sekenyake. Bukni, Allah arye Musa ati, “Kume na si ara, ‘Yahweh’ unune. Asi Yahweh bikmunce asi uk erebuka nati kinamnululume,” nyabuk. Ibrani kili sal arye huruf YHWH sekenyak bukni, ‘Ahuruf uk sekipyopura, ayupu nyana ara, walwal upsilyak’ tenen, nunce ‘Yahweh’ sekenyabe. Indonesia Alkitab noutam ara, Allah el si Yahweh kum sekenyake. Sikda, ‘TUHAN’ sekenyake. Bukni, Indonesia Alkitab noutamak nirya, ‘TUHAN’ eipmunyopura, ‘Ara Allah el si Yahweh sekamik sukum,’ tenenamlulume. Allah el si Yahweh nyana ara, pia teleb uke. Tonda, laka nyana yupu nomor 49 dipdelulume. arye, im deice nirya ap, tukwak mutuku im sirya, mutuku sirya nirya ap, ‘Winibuka kwepdeibuke,’ tenena ati sekeipsine.
Adam ap, Hawa ap, kwepdeiamuk yupu
5Aning-aning nirya talibuka, Weik Deiyoknye Allah arye, im noutamak ap, tukwak mutuku ap kwelilamuk talak noutamak ara, ninye ton kwepdeiamuk. Ara, yata yala ning do, tuku deice arye talye palamle ning ap, wa win dam palamle ning yala nirya ap, min kum pamuk. Deiyok ara, aning-aning nirya talibuka Weik Deiyoknye Allah, el si Yahweh arye, min kum nyapdeibuka arye, mok ton kum celamuk. Tonda, atalak ara, ninye min kum kwepdeibuka ati, wa wina ap, tuku palibuka yala ning koulamak ning ap, pil dopmantonye ton kum uamuk. 6Ninye min kum kwepdeibuk bukni, tuku pum bisik arye, mek pu weik kutukukce, mek dana-dana nirya biyuk deice arye, tuku namin kibukce, teleb ubuk. 7Atalak noutam arye, Weik Deiyoknye Allah, el si Yahweh arye, tukwak mikamuk tuku doprobukce, tuku pinibuka, ninye nong tonok kwepdeibukce, el u pum bisik si pito pubukba, isin ubuk. Winibuka deice arye, anye kam una deiyok ning arebukba, isin wekukce, kam bukuk.
8Ura, atalak noutamak ara, Allah el si Yahweh arye, keting yangan tam noutamak ara, pia teleb wa akunum wibuka yal ning koubuka, kintinipmokak winiryuk kwepdeibuknye dobuka awa noutamak deibuk. Amutuku si ap, awa tuku si ap ara, Eden mutuku.#2:8 Eden – Ayupu deiyok ara, ‘Pia teleb mutuku’ tenen, amutuku si ati, ‘Eden mutuku,’ nyabik. 9Ura, Allah el si Yahweh arye nyapdeibukba, yo aning-aning nirya tikuk. Ayo nirya ara, urasin pia teleb yo uamuk. Tonda, ayo moulamuk yo duk nirya ara, dina teleb yo duk uamuk. Allah arye, kintinip deibuk wa noutamak ara, pia teleb yo bitinye tikrik. Ton yo ara, Kam Una Deiyok Yo tikuk. Bitinye ning ara, Malye Winina ap, Teleb Winina ap Kel Bikna Deiyok Yo tikuk.
10Ura, Eden mutuku arye, tonok weik mek yangayukba, Allah arye kwepdeibuk wa noutamak ton biyuk. Eden mutuku noutamak ara, amek bokukabukce, mek yuk-yuk pamubarye kipdeibukba, biyuk. 11Min yuma mek si ara, Pison. Pison mek ara, Hawila mutuku noutamak nirya kwanepdanen biyuk. Hawila mutuku noutamak ara, emas ton ubukce, tuba ulule. 12(Amutuku emas ara, pia teleb ning ulule. Tonda dekna weik ning, nintong teleb cang yo ap, dekna weik mil ulamle keil, el si ara, dangman keil urasin atonun ning ap ubukce, tuba ulule.)
13Eden mutuku noutamak bukni, pu dobukce, abitinye biyuk mek, el si ara Gihon mek biyuk. Amek ara, Kus mutuku noutamak nirya kwanepdanen biyuk. 14Winilinye mek si ara, Tigris mek. Ara, Asyur mutuku bukni, keting yangan atamuk balamuk mek uamuk. Dumbarye bokuka balamuk mek si ara, Efrat mek biyuk.
15Weik Deiyoknye Allah, el si Yahweh arye, ‘Eden mutuku noutamak wiamse wa ara, talibuka pil donamle’ tenen, elce kwepdeiamuknye dobuka, awa noutamak deibuk. 16Dobuka deibukce anye biti, Allah el si Yahweh arye, nyabuk. “Awa noutamak ulye yo nirya ara, yo duk dakuka dina telebe. 17Bukni, tonok yo ara, ayo duk dakuka kum dinalyame. Ayo duk dina ara, meme. Ara, Malye Winina ap, Teleb Winina ap, Kel Bikna Deiyok Yo duk dakuka dipminyopura, dipkoprob dipnamlame. Ayo duk tonok ara meme, pia kum dinalyame, nyapkine.” Allah arye, nyabuk.
18Aminyan ara, Weik Deiyoknye Allah, el si Yahweh arye, utenebukce, nyabuk. “Kume. Tukwaknye kwepdeipsinye, el yuk ulula ara, teleb kume. Ati ara, el melina ati, el ap pia teleb ubuka neika upmanto ning ton, kwepdeipnune,” nyabuk. 19Ura, Allah el si Yahweh arye, tuku doprobukce, tukwak mutuku deice balamle ning, aning-aning nirya ap, im deice lakuka balamle maka, aning-aning nirya ap, akunum kwepdeipmoka anya arye, elce nyapdeibukba, akam ulye ning nirya tukwaknye dam banmek. Allah arye, aning winibuka deiyok ara, ‘Anye birye, akam ulye ning nirya ati, yata si sipnul do?’ tenen, anye dam dopreibuk. Anye birye, “Aning el si aning ara anye, aning ara, anye,” nyapdeibuk touk, aning-aning ati, asiuk sisinyabe.
20Akam ulamuk ning nirya, Adam dam banmekba, elce aning ayala-yala nirya ati, sisibuka arebuk. Ara ninye arye, weilamak ning ap, im deice lakuka balamle maka yala nirya ap, talye buru tam ulye ning nirya ap, sisibuk. Adam arye, si sinmoka ani, akunum sirya dakuk bukni, el ap, koprop neika teleb ubuka upmanto ning, el melipmanto ning ton, kum eibuk.
21El bidamnye ati, melipmanto ning kum ati, Allah el si Yahweh arye, el mikip deice arye, Adam ati mapdeibukba, pia kanye bona kumce mabuk. Mapmokbuk, Allah arye, anye el yace yok tonok doprobukce, yace yok dopropmokak ara, tamubuka ansinipdongobuk. 22Allah el si Yahweh arye, Adam el yace yok tonok dopmokce, kil tonok kwepdeibuk. Kil kwepdeibukce, anye dam yanuka arebuk. 23Arebukura, Adam arye, nyabuk. “Kume. Akil ara, el yok ara, na yok anya. El tup ara, na tup uka. Sal nong noutamak arye, dobuka kwepdeipmal ning anya arye, el si ara, ‘Kil,’ nyapne.” Adam arye, nyabuk. 24Ati ara, yatanye do nirya, el li koprop ap, el lin koprop ap, sik aik batakuka, el doplye kil ati, kanye deibuka, sik tonok neika unamdake. Sik nong tonok atonun unamdake. 25Ura, anang bitinye kwepdeibuk talak ara, anye babye, el kil babye, sik talye bananguk unmarik bukni, alye una kum diparyuk, talye kanye bobuka unmarik.
ទើបបានជ្រើសរើសហើយ៖
Kejadian 2: EIPA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. All rights reserved.
Kejadian 2
2
1Winibuka sirya kwepdeibukopura, im ap, tukwak mutuku nirya ap, anoutam ulye ning aning-aning nirya, nukmanto kum ulye touk, Allah arye, aning-aning nirya kwepdeibukce, sirya dakuk. 2Like tonok ton, tek sum akunum ubukura, Allah arye, tenebuk pil nirya akunum sirya dakuka ati, tek sum ara, el pil nirya batakukce, dikdik sebuk.
3Tonda Allah arye, teleb yupu nyabuka, tek sum ati, “Pia teleb,” nyabukce, pia weik sum ati wipdeibuk. Ara, Allah arye, aning-aning nirya, yala-yala weik kwepdeibuka unmoka ani, akunum sirya dakukopura, tek sum arye, dikdik sebuka ati, asum ara weik sum kipdeibukce, wipdeibuk. 4Ayupu nyabuka sekipmasuk yupu nirya ara, Allah el si Yahweh#2:4 Yahweh – Allah el si koproba ara, ‘Yahweh’ ulule. Allah arye Musa ati, ayupu lakak arye nyabuk (Keluaran 3:14). Ibrani yupu deice arye ahuruf ‘YHWH’ aninguk sekenyake. Ibrani yupu nyanyak ninye arye, ‘Allah el si koproba lakak kum nyaptibye’ tenen, ilil ulule. Ilil ulula ati ara, sikce huruf ‘YHWH’ aninguk sekenyake. Bukni, Allah arye Musa ati, “Kume na si ara, ‘Yahweh’ unune. Asi Yahweh bikmunce asi uk erebuka nati kinamnululume,” nyabuk. Ibrani kili sal arye huruf YHWH sekenyak bukni, ‘Ahuruf uk sekipyopura, ayupu nyana ara, walwal upsilyak’ tenen, nunce ‘Yahweh’ sekenyabe. Indonesia Alkitab noutam ara, Allah el si Yahweh kum sekenyake. Sikda, ‘TUHAN’ sekenyake. Bukni, Indonesia Alkitab noutamak nirya, ‘TUHAN’ eipmunyopura, ‘Ara Allah el si Yahweh sekamik sukum,’ tenenamlulume. Allah el si Yahweh nyana ara, pia teleb uke. Tonda, laka nyana yupu nomor 49 dipdelulume. arye, im deice nirya ap, tukwak mutuku im sirya, mutuku sirya nirya ap, ‘Winibuka kwepdeibuke,’ tenena ati sekeipsine.
Adam ap, Hawa ap, kwepdeiamuk yupu
5Aning-aning nirya talibuka, Weik Deiyoknye Allah arye, im noutamak ap, tukwak mutuku ap kwelilamuk talak noutamak ara, ninye ton kwepdeiamuk. Ara, yata yala ning do, tuku deice arye talye palamle ning ap, wa win dam palamle ning yala nirya ap, min kum pamuk. Deiyok ara, aning-aning nirya talibuka Weik Deiyoknye Allah, el si Yahweh arye, min kum nyapdeibuka arye, mok ton kum celamuk. Tonda, atalak ara, ninye min kum kwepdeibuka ati, wa wina ap, tuku palibuka yala ning koulamak ning ap, pil dopmantonye ton kum uamuk. 6Ninye min kum kwepdeibuk bukni, tuku pum bisik arye, mek pu weik kutukukce, mek dana-dana nirya biyuk deice arye, tuku namin kibukce, teleb ubuk. 7Atalak noutam arye, Weik Deiyoknye Allah, el si Yahweh arye, tukwak mikamuk tuku doprobukce, tuku pinibuka, ninye nong tonok kwepdeibukce, el u pum bisik si pito pubukba, isin ubuk. Winibuka deice arye, anye kam una deiyok ning arebukba, isin wekukce, kam bukuk.
8Ura, atalak noutamak ara, Allah el si Yahweh arye, keting yangan tam noutamak ara, pia teleb wa akunum wibuka yal ning koubuka, kintinipmokak winiryuk kwepdeibuknye dobuka awa noutamak deibuk. Amutuku si ap, awa tuku si ap ara, Eden mutuku.#2:8 Eden – Ayupu deiyok ara, ‘Pia teleb mutuku’ tenen, amutuku si ati, ‘Eden mutuku,’ nyabik. 9Ura, Allah el si Yahweh arye nyapdeibukba, yo aning-aning nirya tikuk. Ayo nirya ara, urasin pia teleb yo uamuk. Tonda, ayo moulamuk yo duk nirya ara, dina teleb yo duk uamuk. Allah arye, kintinip deibuk wa noutamak ara, pia teleb yo bitinye tikrik. Ton yo ara, Kam Una Deiyok Yo tikuk. Bitinye ning ara, Malye Winina ap, Teleb Winina ap Kel Bikna Deiyok Yo tikuk.
10Ura, Eden mutuku arye, tonok weik mek yangayukba, Allah arye kwepdeibuk wa noutamak ton biyuk. Eden mutuku noutamak ara, amek bokukabukce, mek yuk-yuk pamubarye kipdeibukba, biyuk. 11Min yuma mek si ara, Pison. Pison mek ara, Hawila mutuku noutamak nirya kwanepdanen biyuk. Hawila mutuku noutamak ara, emas ton ubukce, tuba ulule. 12(Amutuku emas ara, pia teleb ning ulule. Tonda dekna weik ning, nintong teleb cang yo ap, dekna weik mil ulamle keil, el si ara, dangman keil urasin atonun ning ap ubukce, tuba ulule.)
13Eden mutuku noutamak bukni, pu dobukce, abitinye biyuk mek, el si ara Gihon mek biyuk. Amek ara, Kus mutuku noutamak nirya kwanepdanen biyuk. 14Winilinye mek si ara, Tigris mek. Ara, Asyur mutuku bukni, keting yangan atamuk balamuk mek uamuk. Dumbarye bokuka balamuk mek si ara, Efrat mek biyuk.
15Weik Deiyoknye Allah, el si Yahweh arye, ‘Eden mutuku noutamak wiamse wa ara, talibuka pil donamle’ tenen, elce kwepdeiamuknye dobuka, awa noutamak deibuk. 16Dobuka deibukce anye biti, Allah el si Yahweh arye, nyabuk. “Awa noutamak ulye yo nirya ara, yo duk dakuka dina telebe. 17Bukni, tonok yo ara, ayo duk dakuka kum dinalyame. Ayo duk dina ara, meme. Ara, Malye Winina ap, Teleb Winina ap, Kel Bikna Deiyok Yo duk dakuka dipminyopura, dipkoprob dipnamlame. Ayo duk tonok ara meme, pia kum dinalyame, nyapkine.” Allah arye, nyabuk.
18Aminyan ara, Weik Deiyoknye Allah, el si Yahweh arye, utenebukce, nyabuk. “Kume. Tukwaknye kwepdeipsinye, el yuk ulula ara, teleb kume. Ati ara, el melina ati, el ap pia teleb ubuka neika upmanto ning ton, kwepdeipnune,” nyabuk. 19Ura, Allah el si Yahweh arye, tuku doprobukce, tukwak mutuku deice balamle ning, aning-aning nirya ap, im deice lakuka balamle maka, aning-aning nirya ap, akunum kwepdeipmoka anya arye, elce nyapdeibukba, akam ulye ning nirya tukwaknye dam banmek. Allah arye, aning winibuka deiyok ara, ‘Anye birye, akam ulye ning nirya ati, yata si sipnul do?’ tenen, anye dam dopreibuk. Anye birye, “Aning el si aning ara anye, aning ara, anye,” nyapdeibuk touk, aning-aning ati, asiuk sisinyabe.
20Akam ulamuk ning nirya, Adam dam banmekba, elce aning ayala-yala nirya ati, sisibuka arebuk. Ara ninye arye, weilamak ning ap, im deice lakuka balamle maka yala nirya ap, talye buru tam ulye ning nirya ap, sisibuk. Adam arye, si sinmoka ani, akunum sirya dakuk bukni, el ap, koprop neika teleb ubuka upmanto ning, el melipmanto ning ton, kum eibuk.
21El bidamnye ati, melipmanto ning kum ati, Allah el si Yahweh arye, el mikip deice arye, Adam ati mapdeibukba, pia kanye bona kumce mabuk. Mapmokbuk, Allah arye, anye el yace yok tonok doprobukce, yace yok dopropmokak ara, tamubuka ansinipdongobuk. 22Allah el si Yahweh arye, Adam el yace yok tonok dopmokce, kil tonok kwepdeibuk. Kil kwepdeibukce, anye dam yanuka arebuk. 23Arebukura, Adam arye, nyabuk. “Kume. Akil ara, el yok ara, na yok anya. El tup ara, na tup uka. Sal nong noutamak arye, dobuka kwepdeipmal ning anya arye, el si ara, ‘Kil,’ nyapne.” Adam arye, nyabuk. 24Ati ara, yatanye do nirya, el li koprop ap, el lin koprop ap, sik aik batakuka, el doplye kil ati, kanye deibuka, sik tonok neika unamdake. Sik nong tonok atonun unamdake. 25Ura, anang bitinye kwepdeibuk talak ara, anye babye, el kil babye, sik talye bananguk unmarik bukni, alye una kum diparyuk, talye kanye bobuka unmarik.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. All rights reserved.