Luke 2
2
Emana Jesus
(Matthew 1.18-25)
1Ke ini odo John akamanade, Augstus, akamba adaukara ke Rome, ɔdɔhɔ ete ewed kpukpru owo enyiŋ esin ke ŋwed.
2Ami ede akpa iwed enyiŋ owo nsin ke ŋwed ke ini Quirinus edede adaukara ke Syria.
3Ndien kpukpru owo aka ke obio emana mmɔ ekesin enyiŋ ke ŋwed.
4Joseph oto ke Nazareth, ami odude ke Galilee, oduk ke Judea, obio David, ami ekerede Bethlehem, siak eketode ubon David.
5Ntoro se esaŋa ma Mary eke mmɔ ɔkɔŋwɔŋɔde inɔ-e ke ndɔ ami asaŋade ke idubi, aka do isin enyiŋ ke ŋwed usin enyiŋ.
6Ntoro nte mmɔ odude do, ekem ini anade nte Mary aman eyen.
7Ndien e-man akpan nsie, ada mmem-mmem ɔfɔŋ awaŋ-e ke idem onum-e ke usin udia ufene koro ufaŋ idue inɔ mmɔ ke ufɔk echen-owo.
Angel Atiŋ Emana Jesus
8Ndien mme ekpeme erɔŋ odu do ke aŋwa, suhɔ ke obio odo, eke etiede ekpeme erɔŋ mmɔ ke itudoyo.
9Nde-nde odo, angel Ɔbɔŋ ada mmɔ ke iso, ndien ubɔŋ Abasi ayama akan mmɔ okuk, ndik anam mmɔ ɔkpɔsɔŋ.
10Angel ɔdɔhɔ mmɔ ete, “ikifɔhɔ ndik, koro mmada etimbuk akwa idaraechid, eke enyenede kpukpru owo nsɔk mbufo.
11Mfin eken andiyaŋa amana ɔnɔ mbufo ke obio David eke edede Christ Ɔbɔŋ.
12Ndien ami ede idiɔŋɔ ɔnɔ mbufo, ndien mbufo ikokud eyen eke ewaŋde ke mmem-mmem ɔfɔŋ anade ke usin udia ufene.”
13Nde-nde odo udum mme angel edem ɔnyɔŋ odu ma Angel odo, otoro Abasi ete,
14“Itoro enyene Abasi ke ata ɔnyɔŋ,
Emem odu ma uben nsie, eke enyenede eti uduak nsie.”
15Ntoro ke ini angel adahade ɔkpɔŋ mmɔ ɔdɔk ke ɔnyɔŋ, mme ekpeme erɔŋ ɔdɔhɔ ete, “yak nnyin ika ke Bethlehem ikokud ŋkpɔ eke ɔwɔre osu eke Ɔbɔŋ akatiŋde ɔnɔ nnyin.”
16Ndien mmɔ ɔsɔsɔp aka okokud Mary ma Joseph ma nsek eyen odo nte anade ke usin udia ufene.
17Ke ini mmɔ okutde eyen, mmɔ ɔbuk aŋwaŋwa se angel akatiŋde ɔnɔ mmɔ abaŋa eyen eken.
18Idem akpa kpukpru mmɔ eke ekopde ŋkpɔ eke mme ekpeme erɔŋ atiŋde ɔnɔ mmɔ.
19Ede Mary omum kpukpru mme ŋkpɔ eketubede, afiak ekere mmɔ ke echid nsie.
20Ndien mme ekpeme erɔŋ afiak edem ɔnyɔŋ itie ukpeme erɔŋ mmɔ, enɔ Abasi ubɔŋ ma itoro abaŋa kpukpru ŋkpɔ eke mmɔ okopde ma nte mmɔ okutde, nte angel akatiŋde.
Unum Mbobi Jesus
21Ede ke usen itiaita ama okosum ekem ini mmɔ onumde-e mbobi, mmɔ osio-e enyiŋ Jesus, suhɔ enyiŋ eke angel ɔkɔnɔde-e ke ini edude ke idubi.
Mmɔ Ada Jesus Edidiɔŋ Ke Temple
22Ede ke usen inam Mary asana ekwerede, nte mbet Moses etemede, Joseph ma Mary ada eyen edi ke Jerusalem iyak nnɔ ɔbɔŋ.
23Nte ewed-de ke mbet Abasi, “kpukpru akpa eyen eden eke amanade, ana nte ayak ɔnɔ Abasi.”
24Ede awa uwa nte mbet Abasi etemede, “obomo-nkuku mme ibiom iba.”
Simeon Okud Edinyaŋa Abasi
(Luke 2.25-35)
25Ede owo chied odu ke Jerusalem eke ekerede Simeon, owo eken ede nnen-nnen owo eke abakde Abasi, etie ebed messiah eke Abasi ɔkɔnwɔŋɔde inɔ Israel, ndien edisana spirit odoro-e ke idem.
26Ede Edisana spirit ama ayarade ɔnɔ-e ete imakpa-a tutu ekut Christ otode Ɔbɔŋ.
27Ede ke ini eka ma ete Jesus adade Eyen edi, inam nte ido mmɔ ma mbet Abasi edede, ntoro edisana spirit ada Simeon usuŋ oduk temple.
28Simeon emen eyen akama ke ubɔk otoro Abasi ete:
29“Ɔbɔŋ, kami yak owo mfo ɔnyɔŋ ke emem,
Nte ikɔ mfo asaŋade;
30Siak anyin mi omokud edinyaŋa Mfo
31Eke ofo okonumde ke iso kpukpru owo,
32Enye ede Unwana eke ayarade fin ɔnɔ mben eke idaha Jew,
Ma ubɔŋ ɔnɔ ikɔt mfo Israel.”
33Ede Idem akpa Joseph ma Mary, ke ŋkpɔ eke etiŋde abaŋa eyen.
34Ndien Simeon ɔdiɔŋ mmɔ, edɔhɔ Mary, eka eyen, “Che-che eyen eken inanam uwak owo ɔduɔŋɔ afiak adadaha ke Israel, ma idiɔŋɔ eke mmɔ itiŋde idian-e.
35(Ntoro ekikere echid uwak owo ayarade) ofo Mary, mbuŋɔ echid isosum fin.”
Anna Atiŋ Ikɔ Abaŋa Jesus
(Luke 2.36-38)
36Asiak uduak aŋwan chied ekerede Anna odu do ke Temple, eyen aŋwan Phanuel ke ubon Asher, ɔchɔŋ ke isua emana, odu ma ebe nsie ke isua itiahaba ke ndɔ, mbomiso ebe akpa.
37Anna amade ebekpa, ede isua anaŋ ma inaŋ, ikpɔŋke temple, ede atuak ibuod ɔnɔ Abasi ke uture udia ma akam uwemoyo ma itudoyo.
38Ede ke ukem ini odo, eduk edi Temple, e-kɔm Abasi, ndien etiŋ ikɔ abaŋa eyen odo ɔnɔ kpukpru owo, eke etiede ebed edifak Jerusalem.
Mmɔ Afiak Ɔnyɔŋ Nazareth
(Luke 2.39-40)
39Ntoro se mmɔ anam kpukpru ŋkpɔ ama, nte asaŋade ke mbet Abasi. Mmɔ afiak ɔnyɔŋɔ ke Nazareth, obio mmɔ ke Galilee.
40Ede eyen odo ɔkɔri afiak okpon ke spirit, ɔyɔhɔ ma eti ibuod; ede mfan Abasi odu ma-e.
Jesus Odu ke Temple
(Luke 2.41-50)
41Ete ma eka, aka Jerusalem kpukpru isua ke uchɔrɔ passover.
42Ndien ke ini Jesus osumde isua duopeba, mmɔ ɔdɔk aka uchɔrɔ nte ido mmɔ edede ke Jerusalem.
43Ndien ke ini uchɔrɔ ekwerede, nte mmɔ afiakde ɔnyɔŋ ufɔk, Jesus ɔsuɔhɔ ke Jerusalem, ete ma eka idiɔŋɔke.
44Mmɔ ekere ke eyen mmɔ odu ke otu mben isaŋ eke ebede iso. Mmɔ asaŋa isaŋ usen chied eyem Jesus ke mme otu ɔruk ma ufan mmɔ.
45Ndien ke ini mmɔ ikwe-e mmɔ afiak aka Jerusalem, iyem-e do.
46Ke usen ita ebede, mmɔ okud-e ke temple nte etiede ke ufuɔd mme ekpep mbet Moses, akpaŋutɔŋ okop se mmɔ ekpepde, ebip mmɔ mbime.
47Ede idem akpa kpukpru owo, mmɔ eke okopde ikɔ nsie ma eti ibuod eke edade ɔbɔrɔ mmɔ.
48Ke ini eka ma ete okud-e, idem akpa mmɔ, eti-eti, Mma nsie ɔdɔhɔ-e ete, “nso-anam anamde nte-e ma nnyin? Ami ma ntete mfo imasaŋa iyem fin ɔkpɔsɔŋ.”
49Ndien ebɔrɔ mmɔ ete, nso-anam mbufo iyemde min, nte mbufo idiɔŋɔke ite ana nte ndu ke ufɔk Ntete mmi?
50Ede mmɔ idiɔŋɔke se ikɔ nsie ɔwɔrɔde.
Jesus Ɔkɔri Ke Ifiɔk Ma Mfaniso
(Luke 2.51-52)
51Ndien esaŋa ma mmɔ ɔsuhɔde edi ke Nazareth ede ɔsuk ibuod ɔnɔ mmɔ, Ede mma nsie omum kpukpru ikɔ odo, ekere ke echid nsie.
52Ndien Jesus ɔkɔri ke eti ibuod ma idaha, afiak enyene mfan ke iso Abasi ma owo.
ទើបបានជ្រើសរើសហើយ៖
Luke 2: UKQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ukwa Bible by Beyond Translation is licensed under Creative Commons Attribution-ShareAlike 4.0 License.
Luke 2
2
Emana Jesus
(Matthew 1.18-25)
1Ke ini odo John akamanade, Augstus, akamba adaukara ke Rome, ɔdɔhɔ ete ewed kpukpru owo enyiŋ esin ke ŋwed.
2Ami ede akpa iwed enyiŋ owo nsin ke ŋwed ke ini Quirinus edede adaukara ke Syria.
3Ndien kpukpru owo aka ke obio emana mmɔ ekesin enyiŋ ke ŋwed.
4Joseph oto ke Nazareth, ami odude ke Galilee, oduk ke Judea, obio David, ami ekerede Bethlehem, siak eketode ubon David.
5Ntoro se esaŋa ma Mary eke mmɔ ɔkɔŋwɔŋɔde inɔ-e ke ndɔ ami asaŋade ke idubi, aka do isin enyiŋ ke ŋwed usin enyiŋ.
6Ntoro nte mmɔ odude do, ekem ini anade nte Mary aman eyen.
7Ndien e-man akpan nsie, ada mmem-mmem ɔfɔŋ awaŋ-e ke idem onum-e ke usin udia ufene koro ufaŋ idue inɔ mmɔ ke ufɔk echen-owo.
Angel Atiŋ Emana Jesus
8Ndien mme ekpeme erɔŋ odu do ke aŋwa, suhɔ ke obio odo, eke etiede ekpeme erɔŋ mmɔ ke itudoyo.
9Nde-nde odo, angel Ɔbɔŋ ada mmɔ ke iso, ndien ubɔŋ Abasi ayama akan mmɔ okuk, ndik anam mmɔ ɔkpɔsɔŋ.
10Angel ɔdɔhɔ mmɔ ete, “ikifɔhɔ ndik, koro mmada etimbuk akwa idaraechid, eke enyenede kpukpru owo nsɔk mbufo.
11Mfin eken andiyaŋa amana ɔnɔ mbufo ke obio David eke edede Christ Ɔbɔŋ.
12Ndien ami ede idiɔŋɔ ɔnɔ mbufo, ndien mbufo ikokud eyen eke ewaŋde ke mmem-mmem ɔfɔŋ anade ke usin udia ufene.”
13Nde-nde odo udum mme angel edem ɔnyɔŋ odu ma Angel odo, otoro Abasi ete,
14“Itoro enyene Abasi ke ata ɔnyɔŋ,
Emem odu ma uben nsie, eke enyenede eti uduak nsie.”
15Ntoro ke ini angel adahade ɔkpɔŋ mmɔ ɔdɔk ke ɔnyɔŋ, mme ekpeme erɔŋ ɔdɔhɔ ete, “yak nnyin ika ke Bethlehem ikokud ŋkpɔ eke ɔwɔre osu eke Ɔbɔŋ akatiŋde ɔnɔ nnyin.”
16Ndien mmɔ ɔsɔsɔp aka okokud Mary ma Joseph ma nsek eyen odo nte anade ke usin udia ufene.
17Ke ini mmɔ okutde eyen, mmɔ ɔbuk aŋwaŋwa se angel akatiŋde ɔnɔ mmɔ abaŋa eyen eken.
18Idem akpa kpukpru mmɔ eke ekopde ŋkpɔ eke mme ekpeme erɔŋ atiŋde ɔnɔ mmɔ.
19Ede Mary omum kpukpru mme ŋkpɔ eketubede, afiak ekere mmɔ ke echid nsie.
20Ndien mme ekpeme erɔŋ afiak edem ɔnyɔŋ itie ukpeme erɔŋ mmɔ, enɔ Abasi ubɔŋ ma itoro abaŋa kpukpru ŋkpɔ eke mmɔ okopde ma nte mmɔ okutde, nte angel akatiŋde.
Unum Mbobi Jesus
21Ede ke usen itiaita ama okosum ekem ini mmɔ onumde-e mbobi, mmɔ osio-e enyiŋ Jesus, suhɔ enyiŋ eke angel ɔkɔnɔde-e ke ini edude ke idubi.
Mmɔ Ada Jesus Edidiɔŋ Ke Temple
22Ede ke usen inam Mary asana ekwerede, nte mbet Moses etemede, Joseph ma Mary ada eyen edi ke Jerusalem iyak nnɔ ɔbɔŋ.
23Nte ewed-de ke mbet Abasi, “kpukpru akpa eyen eden eke amanade, ana nte ayak ɔnɔ Abasi.”
24Ede awa uwa nte mbet Abasi etemede, “obomo-nkuku mme ibiom iba.”
Simeon Okud Edinyaŋa Abasi
(Luke 2.25-35)
25Ede owo chied odu ke Jerusalem eke ekerede Simeon, owo eken ede nnen-nnen owo eke abakde Abasi, etie ebed messiah eke Abasi ɔkɔnwɔŋɔde inɔ Israel, ndien edisana spirit odoro-e ke idem.
26Ede Edisana spirit ama ayarade ɔnɔ-e ete imakpa-a tutu ekut Christ otode Ɔbɔŋ.
27Ede ke ini eka ma ete Jesus adade Eyen edi, inam nte ido mmɔ ma mbet Abasi edede, ntoro edisana spirit ada Simeon usuŋ oduk temple.
28Simeon emen eyen akama ke ubɔk otoro Abasi ete:
29“Ɔbɔŋ, kami yak owo mfo ɔnyɔŋ ke emem,
Nte ikɔ mfo asaŋade;
30Siak anyin mi omokud edinyaŋa Mfo
31Eke ofo okonumde ke iso kpukpru owo,
32Enye ede Unwana eke ayarade fin ɔnɔ mben eke idaha Jew,
Ma ubɔŋ ɔnɔ ikɔt mfo Israel.”
33Ede Idem akpa Joseph ma Mary, ke ŋkpɔ eke etiŋde abaŋa eyen.
34Ndien Simeon ɔdiɔŋ mmɔ, edɔhɔ Mary, eka eyen, “Che-che eyen eken inanam uwak owo ɔduɔŋɔ afiak adadaha ke Israel, ma idiɔŋɔ eke mmɔ itiŋde idian-e.
35(Ntoro ekikere echid uwak owo ayarade) ofo Mary, mbuŋɔ echid isosum fin.”
Anna Atiŋ Ikɔ Abaŋa Jesus
(Luke 2.36-38)
36Asiak uduak aŋwan chied ekerede Anna odu do ke Temple, eyen aŋwan Phanuel ke ubon Asher, ɔchɔŋ ke isua emana, odu ma ebe nsie ke isua itiahaba ke ndɔ, mbomiso ebe akpa.
37Anna amade ebekpa, ede isua anaŋ ma inaŋ, ikpɔŋke temple, ede atuak ibuod ɔnɔ Abasi ke uture udia ma akam uwemoyo ma itudoyo.
38Ede ke ukem ini odo, eduk edi Temple, e-kɔm Abasi, ndien etiŋ ikɔ abaŋa eyen odo ɔnɔ kpukpru owo, eke etiede ebed edifak Jerusalem.
Mmɔ Afiak Ɔnyɔŋ Nazareth
(Luke 2.39-40)
39Ntoro se mmɔ anam kpukpru ŋkpɔ ama, nte asaŋade ke mbet Abasi. Mmɔ afiak ɔnyɔŋɔ ke Nazareth, obio mmɔ ke Galilee.
40Ede eyen odo ɔkɔri afiak okpon ke spirit, ɔyɔhɔ ma eti ibuod; ede mfan Abasi odu ma-e.
Jesus Odu ke Temple
(Luke 2.41-50)
41Ete ma eka, aka Jerusalem kpukpru isua ke uchɔrɔ passover.
42Ndien ke ini Jesus osumde isua duopeba, mmɔ ɔdɔk aka uchɔrɔ nte ido mmɔ edede ke Jerusalem.
43Ndien ke ini uchɔrɔ ekwerede, nte mmɔ afiakde ɔnyɔŋ ufɔk, Jesus ɔsuɔhɔ ke Jerusalem, ete ma eka idiɔŋɔke.
44Mmɔ ekere ke eyen mmɔ odu ke otu mben isaŋ eke ebede iso. Mmɔ asaŋa isaŋ usen chied eyem Jesus ke mme otu ɔruk ma ufan mmɔ.
45Ndien ke ini mmɔ ikwe-e mmɔ afiak aka Jerusalem, iyem-e do.
46Ke usen ita ebede, mmɔ okud-e ke temple nte etiede ke ufuɔd mme ekpep mbet Moses, akpaŋutɔŋ okop se mmɔ ekpepde, ebip mmɔ mbime.
47Ede idem akpa kpukpru owo, mmɔ eke okopde ikɔ nsie ma eti ibuod eke edade ɔbɔrɔ mmɔ.
48Ke ini eka ma ete okud-e, idem akpa mmɔ, eti-eti, Mma nsie ɔdɔhɔ-e ete, “nso-anam anamde nte-e ma nnyin? Ami ma ntete mfo imasaŋa iyem fin ɔkpɔsɔŋ.”
49Ndien ebɔrɔ mmɔ ete, nso-anam mbufo iyemde min, nte mbufo idiɔŋɔke ite ana nte ndu ke ufɔk Ntete mmi?
50Ede mmɔ idiɔŋɔke se ikɔ nsie ɔwɔrɔde.
Jesus Ɔkɔri Ke Ifiɔk Ma Mfaniso
(Luke 2.51-52)
51Ndien esaŋa ma mmɔ ɔsuhɔde edi ke Nazareth ede ɔsuk ibuod ɔnɔ mmɔ, Ede mma nsie omum kpukpru ikɔ odo, ekere ke echid nsie.
52Ndien Jesus ɔkɔri ke eti ibuod ma idaha, afiak enyene mfan ke iso Abasi ma owo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ukwa Bible by Beyond Translation is licensed under Creative Commons Attribution-ShareAlike 4.0 License.