Luke 3
3
John Eneŋede usuŋ onum
(Luke 3.1-6; Matthew 3.1-6; Mark 1.2-6; John 1.19-23)
1Ke ɔyɔhɔ isua efud eke akamba ɔbɔŋ Tiberius edede adaukara ke Rome ma mme obio eken. Pontius Pilate edede adaukara ke Judea, ndien Herod edede adaukara ke Galilee, ndien Philip eyen eka Herod edede adaukara ke Ituraea ma edem Trachonitis ma Lysanias edede adaukara ke Abilene.
2Ke ini Anna ma Caiaphas edede ikpɔ oku, uyo Abasi osum John eyen Zachariah ke ini eduŋde ke nchad isɔŋ.
3Ndien John okop uyo Abasi, asaŋa ke efiri obio inyaŋ Jordan, ɔkwɔrɔ ete mmɔ akabarechid, afiak ɔduɔk mmuɔŋ, ma efen mme idiɔk ŋkpɔ mmɔ.
4Nte ewedd-e ke ŋwed asiak uduak Isaiah ete:
“Uyo owo ekefieride ke nchad isɔŋ ete,
Mbufo idiɔŋ usuŋ Ɔbɔŋ,
Ineŋere usuŋ nsie.
5Inanam kpukpru itihere itie ɔyɔk, mmɔ
Inanam kpukpru ikpɔ ma nditɔ ɔbud ɔsuhɔde,
Inam nkwakwaŋa usuŋ eneŋede,
Mkputuk-mkputuk usuŋ ɔdɔnɔ
6Kpukpru owo ikokud edinyaŋa Abasi.”
John Ɔkwɔrɔ Ikɔ Ɔnɔ Mme Owo
(Matthew 3.7-12; Mark 1.7,8; John 1.24-28)
7Ntoro John ɔdɔhɔ mme otu owo eke ɔwɔŋɔde edi inum uduɔk mmuɔŋ ke ubɔk nsie ete, “mbufo mme abak ibak nte uduk ikɔt, n-eteme mbufo ke mbufo ikakan ifɔhɔ ibɔhɔ iyadechid Abasi eke idide.
8Isioŋo ndien mfri nte ekemde ma ikabarechid, ikidɔhɔ ke echid mbufo ite nnyin imeyene Abraham ke ete. Ami ndɔhɔ mbufo nte, Abasi ekeme inam mme itiad eken adadaha ede nditɔŋ Abraham.
9Ede Abasi ebeŋeidem inɔ mben eke ikabakede echid ufen, ntoro etie nte owo akamade ekuri, ikpi kpukpru eto eke iŋwumke mfri iduɔk imen isin ke ikaŋ.”
10Mme otu owo ebip ete “nnyin inam nso?”
11Ndien enye ɔbɔrɔ mmɔ ete, “yak owo eke enyenede ɔfɔŋidem iba, emen chied ɔnɔ eke inyeneke, owo eke enyenede udia anam suhɔ ntoro.”
12Ndien mme ɔbɔ utip isɔŋ edinum uduɔk mmuɔŋ mmɔ ɔdɔhɔ-e ete, “nna, mbɔk nnyin inam nso.”
13E-ɔdɔhɔ mmɔ ete “kubɔ owo ŋkpɔ ukan nte anade ɔnɔ mbufo ibɔ.”
14Ndien mben ekɔŋ ebib-e ke ukpono ete, “mbɔk nnyin inam nso” ede ete mmɔ “ikibɔ owo ŋkpɔ ke nkanubɔk, ikidori owo ikɔ ke nsu, inemechid ke ŋkpɔ eke enɔde mbufo nte utip.”
15Edi ke ini mme owo etiede ke idoranyin, kpukpru mmɔ ekere ke echid mmɔ ete, mme John ekpede Christ eke Abasi ɔdɔŋde.
16Ndien John ɔdiɔŋɔ ekikere echid mmɔ, ɔbɔrɔ mmɔ ete, “Ami nda mmuɔŋ num mbufo uduɔk mmuɔŋ; ede owo eke enyenede odudu akan Min idedi, eke ndotke itad uruk ikpukod nsie, inonum mbufo baptism ke Edisana Spirit ma ikaŋ.
17Christ etie nte ɔtɔ iŋwɔŋ eke akamade usak ŋkpɔ nsie ke ubɔk, ida nnam itie ubek ikuokuod nsie ɔtum asana, ndien ibobon ikuokuod nsie ke ubed, ede ifɔfɔp mbio ke ikaŋ eke imonumeke.”
18Ntoro se John ada uwak etimbuk ɔkwɔrɔ ɔnɔ mmɔ, ma mmɔ akabade echid.
19Ndien John asua ɔnɔ Herod adaukara, abaŋa Heriodias aŋwan eyen ete, edade ɔdɔ, ma kpukpru idiɔk eke enamde.
20Ndien Herod ada idiɔk enyemi adian ma idiɔk ŋkpɔ afin ɔkɔbi John ke ufɔk ŋkpɔkɔbi.
John Ɔduɔk Jesus Mmuɔŋ
(Matthew 3.13-17; Mark 1.9-11; John 1.29-34)
21Ekem ke ini John ɔduɔkde mme owo mmuɔŋ ama, Jesus edi suhɔ iduɔk mmuɔŋ, nte ebɔŋde akam, ɔnyɔŋ abahade iba.
22Ndien edisana spirit ɔsuhɔde nte ibiom, odoro-e ke idem, ndien uyo oto ke ɔnyɔŋ ete, “Afo ede eyen eke mmade menem echid eti-eti ma ofo.”
Mbuk Emana Jesus
23Jesus ke idem nsie ede eyen isua edipmanduop ke ini etɔŋɔde ikpep owo ŋkpɔ aŋwa-aŋwa, nte mmɔ ekere ete ede eyen Joseph eyen Heli.
24Eyen Maathat, eyen Levi, Melchi, eyen Jannai, eyen Joseph.
25Eyen Mattathias, eyen Amos, eyen Nahum, eyen Esli, eyen Naggai.
26Eyen Maath, eyen Mattathiah, eyen Semei, eyen Joseph, eyen Judah.
27Eyen Joannas, eyen Rhesa, eyen Zerubbabel, eyen Salathiel, eyen Neri.
28Eyen Melchi, eyen Addi, eyen Cosam, eyen Elmodam, eyen Er.
29Eyen Jose, eyen Eliezer, eyen Jorim, eyen Matthat, eyen Levi.
30Eyen Simeon, eyen Judah, eyen Joseph, eyen Jonan eyen Eliakim.
31Eyen Melea, eyen Menna, eyen Mattatha, eyen Nathan, eyen David.
32Eyen Jesse, eyen Obed, eyen Boaz, eyen Salmon, eyen Nahshon.
33Eyen Ammiadab, eyen Ram, eyen Arni, eyen Hezron, eyen Perez, eyen Judah.
34Eyen Jacob eyen Isaac, eyen Abraham, eyen Terah, eyen Nahor.
35Eyen Serug, eyen Reu, eyen Peleg, eyen Eber, eyen Shelah.
36Eyen Cain, eyen Arphaxad, eyen Shem, eyen Noah, eyen Lamech.
37Eyen Methuselah, eyen Enoch, eyen Jared, eyen Mahalaleel, eyen Cainan.
38Eyen Enosh, eyen Seth, eyen Adam eyen Abasi.
ទើបបានជ្រើសរើសហើយ៖
Luke 3: UKQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ukwa Bible by Beyond Translation is licensed under Creative Commons Attribution-ShareAlike 4.0 License.
Luke 3
3
John Eneŋede usuŋ onum
(Luke 3.1-6; Matthew 3.1-6; Mark 1.2-6; John 1.19-23)
1Ke ɔyɔhɔ isua efud eke akamba ɔbɔŋ Tiberius edede adaukara ke Rome ma mme obio eken. Pontius Pilate edede adaukara ke Judea, ndien Herod edede adaukara ke Galilee, ndien Philip eyen eka Herod edede adaukara ke Ituraea ma edem Trachonitis ma Lysanias edede adaukara ke Abilene.
2Ke ini Anna ma Caiaphas edede ikpɔ oku, uyo Abasi osum John eyen Zachariah ke ini eduŋde ke nchad isɔŋ.
3Ndien John okop uyo Abasi, asaŋa ke efiri obio inyaŋ Jordan, ɔkwɔrɔ ete mmɔ akabarechid, afiak ɔduɔk mmuɔŋ, ma efen mme idiɔk ŋkpɔ mmɔ.
4Nte ewedd-e ke ŋwed asiak uduak Isaiah ete:
“Uyo owo ekefieride ke nchad isɔŋ ete,
Mbufo idiɔŋ usuŋ Ɔbɔŋ,
Ineŋere usuŋ nsie.
5Inanam kpukpru itihere itie ɔyɔk, mmɔ
Inanam kpukpru ikpɔ ma nditɔ ɔbud ɔsuhɔde,
Inam nkwakwaŋa usuŋ eneŋede,
Mkputuk-mkputuk usuŋ ɔdɔnɔ
6Kpukpru owo ikokud edinyaŋa Abasi.”
John Ɔkwɔrɔ Ikɔ Ɔnɔ Mme Owo
(Matthew 3.7-12; Mark 1.7,8; John 1.24-28)
7Ntoro John ɔdɔhɔ mme otu owo eke ɔwɔŋɔde edi inum uduɔk mmuɔŋ ke ubɔk nsie ete, “mbufo mme abak ibak nte uduk ikɔt, n-eteme mbufo ke mbufo ikakan ifɔhɔ ibɔhɔ iyadechid Abasi eke idide.
8Isioŋo ndien mfri nte ekemde ma ikabarechid, ikidɔhɔ ke echid mbufo ite nnyin imeyene Abraham ke ete. Ami ndɔhɔ mbufo nte, Abasi ekeme inam mme itiad eken adadaha ede nditɔŋ Abraham.
9Ede Abasi ebeŋeidem inɔ mben eke ikabakede echid ufen, ntoro etie nte owo akamade ekuri, ikpi kpukpru eto eke iŋwumke mfri iduɔk imen isin ke ikaŋ.”
10Mme otu owo ebip ete “nnyin inam nso?”
11Ndien enye ɔbɔrɔ mmɔ ete, “yak owo eke enyenede ɔfɔŋidem iba, emen chied ɔnɔ eke inyeneke, owo eke enyenede udia anam suhɔ ntoro.”
12Ndien mme ɔbɔ utip isɔŋ edinum uduɔk mmuɔŋ mmɔ ɔdɔhɔ-e ete, “nna, mbɔk nnyin inam nso.”
13E-ɔdɔhɔ mmɔ ete “kubɔ owo ŋkpɔ ukan nte anade ɔnɔ mbufo ibɔ.”
14Ndien mben ekɔŋ ebib-e ke ukpono ete, “mbɔk nnyin inam nso” ede ete mmɔ “ikibɔ owo ŋkpɔ ke nkanubɔk, ikidori owo ikɔ ke nsu, inemechid ke ŋkpɔ eke enɔde mbufo nte utip.”
15Edi ke ini mme owo etiede ke idoranyin, kpukpru mmɔ ekere ke echid mmɔ ete, mme John ekpede Christ eke Abasi ɔdɔŋde.
16Ndien John ɔdiɔŋɔ ekikere echid mmɔ, ɔbɔrɔ mmɔ ete, “Ami nda mmuɔŋ num mbufo uduɔk mmuɔŋ; ede owo eke enyenede odudu akan Min idedi, eke ndotke itad uruk ikpukod nsie, inonum mbufo baptism ke Edisana Spirit ma ikaŋ.
17Christ etie nte ɔtɔ iŋwɔŋ eke akamade usak ŋkpɔ nsie ke ubɔk, ida nnam itie ubek ikuokuod nsie ɔtum asana, ndien ibobon ikuokuod nsie ke ubed, ede ifɔfɔp mbio ke ikaŋ eke imonumeke.”
18Ntoro se John ada uwak etimbuk ɔkwɔrɔ ɔnɔ mmɔ, ma mmɔ akabade echid.
19Ndien John asua ɔnɔ Herod adaukara, abaŋa Heriodias aŋwan eyen ete, edade ɔdɔ, ma kpukpru idiɔk eke enamde.
20Ndien Herod ada idiɔk enyemi adian ma idiɔk ŋkpɔ afin ɔkɔbi John ke ufɔk ŋkpɔkɔbi.
John Ɔduɔk Jesus Mmuɔŋ
(Matthew 3.13-17; Mark 1.9-11; John 1.29-34)
21Ekem ke ini John ɔduɔkde mme owo mmuɔŋ ama, Jesus edi suhɔ iduɔk mmuɔŋ, nte ebɔŋde akam, ɔnyɔŋ abahade iba.
22Ndien edisana spirit ɔsuhɔde nte ibiom, odoro-e ke idem, ndien uyo oto ke ɔnyɔŋ ete, “Afo ede eyen eke mmade menem echid eti-eti ma ofo.”
Mbuk Emana Jesus
23Jesus ke idem nsie ede eyen isua edipmanduop ke ini etɔŋɔde ikpep owo ŋkpɔ aŋwa-aŋwa, nte mmɔ ekere ete ede eyen Joseph eyen Heli.
24Eyen Maathat, eyen Levi, Melchi, eyen Jannai, eyen Joseph.
25Eyen Mattathias, eyen Amos, eyen Nahum, eyen Esli, eyen Naggai.
26Eyen Maath, eyen Mattathiah, eyen Semei, eyen Joseph, eyen Judah.
27Eyen Joannas, eyen Rhesa, eyen Zerubbabel, eyen Salathiel, eyen Neri.
28Eyen Melchi, eyen Addi, eyen Cosam, eyen Elmodam, eyen Er.
29Eyen Jose, eyen Eliezer, eyen Jorim, eyen Matthat, eyen Levi.
30Eyen Simeon, eyen Judah, eyen Joseph, eyen Jonan eyen Eliakim.
31Eyen Melea, eyen Menna, eyen Mattatha, eyen Nathan, eyen David.
32Eyen Jesse, eyen Obed, eyen Boaz, eyen Salmon, eyen Nahshon.
33Eyen Ammiadab, eyen Ram, eyen Arni, eyen Hezron, eyen Perez, eyen Judah.
34Eyen Jacob eyen Isaac, eyen Abraham, eyen Terah, eyen Nahor.
35Eyen Serug, eyen Reu, eyen Peleg, eyen Eber, eyen Shelah.
36Eyen Cain, eyen Arphaxad, eyen Shem, eyen Noah, eyen Lamech.
37Eyen Methuselah, eyen Enoch, eyen Jared, eyen Mahalaleel, eyen Cainan.
38Eyen Enosh, eyen Seth, eyen Adam eyen Abasi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ukwa Bible by Beyond Translation is licensed under Creative Commons Attribution-ShareAlike 4.0 License.