២ ថេស្សាឡូនិក 3:1-7 នៅទីបំផុត បងប្អូនអើយ សូមអធិស្ឋានឲ្យយើងផង ដើម្បីឲ្យព្រះ‌បន្ទូលរបស់ព្រះ‌អម្ចាស់បានផ្សព្វ‌ផ្សាយយ៉ាងឆាប់រហ័សតទៅទៀត និងបានរុងរឿងដូចនៅក្នុងចំណោមបងប្អូនដែរ។ សូមអធិស្ឋានឲ្យយើងគេ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

២ ថេស្សាឡូនិក 3:1-7 គខប

នៅទីបំផុត បងប្អូនអើយ សូមអធិស្ឋានឲ្យយើងផង ដើម្បីឲ្យព្រះ‌បន្ទូលរបស់ព្រះ‌អម្ចាស់បានផ្សព្វ‌ផ្សាយយ៉ាងឆាប់រហ័សតទៅទៀត និងបានរុងរឿងដូចនៅក្នុងចំណោមបងប្អូនដែរ។ សូមអធិស្ឋានឲ្យយើងគេចផុតពីមនុស្សពាល ពីមនុស្សអាក្រក់ ដ្បិតមិនមែនគ្រប់គ្នាទេដែលមានជំនឿ។ ព្រះ‌អម្ចាស់មានព្រះ‌ហឫទ័យស្មោះត្រង់ ព្រះអង្គនឹងប្រោសប្រទានឲ្យបងប្អូនមានជំហររឹង‌ប៉ឹង និងការពារបងប្អូនកុំឲ្យធ្លាក់ទៅក្នុងកណ្ដាប់ដៃរបស់មេកំណាច។ នៅចំពោះព្រះ‌ភ័ក្ត្រព្រះ‌អម្ចាស់ យើងទុកចិត្តបងប្អូនថា បងប្អូនតែងតែប្រព្រឹត្តតាមពាក្យរំឭកដាស់‌តឿនរបស់យើង ហើយបងប្អូនក៏នឹងប្រព្រឹត្តតាមតទៅមុខទៀតដែរ។ សូមព្រះ‌អម្ចាស់ដឹកនាំចិត្តគំនិតបងប្អូន ឲ្យស្រឡាញ់ព្រះ‌ជាម្ចាស់ និងមានចិត្តស៊ូ‌ទ្រាំដែលព្រះ‌គ្រិស្តប្រទានឲ្យ។ បងប្អូនអើយ យើងសូមរំឭកដាស់‌តឿនបងប្អូន ក្នុងព្រះ‌នាមព្រះ‌យេស៊ូ‌គ្រិស្តជាអម្ចាស់នៃយើងថា ចូរចៀសចេញឲ្យឆ្ងាយពីបងប្អូនណាដែលរស់នៅដោយឥតសណ្ដាប់‌ធ្នាប់ ផ្ទុយនឹងរបៀបដែលយើងបានទទួលយកមកបង្រៀនបងប្អូន។ បងប្អូនជ្រាបស្រាប់ហើយថា ត្រូវយកតម្រាប់តាមយើងបែបណា ដ្បិតយើងពុំបានរស់នៅក្នុងចំណោមបងប្អូន ដោយឥតសណ្ដាប់‌ធ្នាប់នោះឡើយ

អាន ២ ថេស្សាឡូនិក 3

ស្ដាប់នូវ ២ ថេស្សាឡូនិក 3