Luku 22
22
1Lomba icitenje cafimpwampwa ifyakuwulo'musuŋga calipalamine, copele'co icailicilwe ati Muciluko. 2Peŋka aŵapapatilisi aŵakulu neŵalembesi ŵalifwaile umwakuŵepaila; pakuti ŵalitinine aŵantu.
3Lomba Satana aliinjile muli Juda, uwailicilwe ati nilsikaliote, umbi uwapeŵumba lyaŵaŵo ikumi naŵaŵili. 4Naye alikumbulucile nekulukwambala neŵapapatilisi aŵakulu nefilolo fyafita umwakuŵaloŵela kuli ŵo. 5Naŵo ŵalitemenwe, nekulayana nakwe ukumupele'ndalama. 6Naye alisumine, nekulukufwaya-fwaya impindi ielelwe iyakuŵaloŵela kuli ŵo apakuŵula'maŵumba aŵantu.
7Lomba palificile akasuŵa kafimpwampwa ifyakuwulo'musuŋga, ako akelelwe ukwipayo'Muciluko. 8Naŵo ŵaYesu ŵalitumine Petilo naYoane, nekulaŵila ati: Kamuyeni, mutwansicile Umuciluko ati tulye. 9Naŵo ŵalilaŵile kuli ŵo ati: Mulukufwaya ati twansicile kulipi? 10Kumfwa ŵalaŵila kuli ŵo ati: Ŵoneni, ili mwakwinjila mumusi, lomba umuntu umbi akukumana nenu, upintile umutondo wamenda; mwakumulo nda nekwinjila muŋanda iyo iyi alukuya-mo. 11Lomba mwakulaŵila kumwine wananda ati: Aŵasambisi ŵalaŵila kuli mweŵo ati: Mbecipinda caŵensu cili kulipi, muli ceco emo nakulila Umuciluko pamo neŵasambile ŵanji? 12Naye akumulaŋgeni icipinda icikulu icapeulu icili nefintu ifiŵambanisiwe: mopele umo emo mwakwansika. 13Naŵo ŵaliile, nekusaŋga fyopele'fyo ifi ŵalaŵile kuli ŵo; peŋka nekwansika Umuciluko.
14Lomba, ili yaficile impindi, ŵaliikele pamo nentanjisi. 15Naŵo ŵalilaŵile kuli syo ati: Ukufwaya, nalukufwaya ukulya Umuciluko uyu pamo namweŵo, ili nsiŋgasomenwa: 16pakuti ndukumuŵuleni ati nsikaulya-po liŵili ili tauŋgakonsiwa muŴufumu bwaŵaLesa. 17Eli ŵapokele iŋkomeci, ili ŵatotele, nekulaŵila ati: Pokeni iyi, mutantakane; 18pakuti ndukumuŵuleni ati, ukufuma kumpindi ino nsikanwa-po ifyafisepo fyamufaina, ili tawuŋgesa Uŵufumu bwaŵaLesa. 19Lomba ŵaliŵulile siŋkwa: popele, ili ŵatotele, ŵalimukumawile, nekuŵapela, ati: Uyu muŵili wanji ulukupelwa pakuti pali mweŵo; ifi mukalukucita ukundaŋguluka neŵo. 20Fyopele'fyo neŋkomeci, ili ŵaliile; nekulaŵila ati: Iŋkomeci iyi kulayana kwaŵukumo mumilopa yanji ipokomokele pakuti pali mweŵo.
21Sombi ŵoneni, ukuŵoko kwawoyo ulukundoŵela kuli naneŵo petebulu. 22Pakuti icine Umwana waMuntunsi alukuya, koti nifyopele'fyo ifyaansicilwe akale; sombi alisyeme uyo-muntu ukamuloŵela! 23Naŵo ŵalitaticile ukulukwipusyansyanya ati: Pali fweŵo mbaninani uwakucite'fyo?
24Peŋka kwaliŵucile nekupicisya pakati pali ŵo ati: Pali fweŵo mbaninani uweŵelweati wakucilo'ŵukulu? 25Naŵo ŵalilaŵile kuli ŵo ati: Imfumu syaŵenafyalo sili nebwikalicisi pali ŵo, naŵaŵo aŵali neŵukulu pali ŵo ŵaliilicilwe ati ŵakuŵacitile'fiweme. 26Sombi mweŵo koku; sombi uyo ucilile pali mweŵo, ŋgaawe koti mwanice-ŵantu; nayeyo-mfumu ŋgaiwe koti yakupyunjila. 27Pakuti mbaninani ucilile, kani niwoyo ulukusamina ukulukulya, kani niwoyo ulukutaŵataŵa? Kansi taali niwoyo ulukusamina ukulukulya? Sombi neŵo ndipakati pali mweŵo koti wakutaŵataŵa.
28Sombi mweŵo emwemwaikele naneŵo mufyakwesya fyanji; 29lomba ndukumuŵicileni Uŵufumu, koti nifyopele'fyo ifi naŵaTata ŵambicile neŵo; 30ati mukalye nekunwa kwitebulu lyanji muŴufumu bwanji; nakaŵili mukekala pamateŵe aŵufumu nekulukusololola nemikoka yaŵaIsilaeli ikumi naiŵili.
31Simoni, Simoni, ŵona, Satana alilombele ati amupokeni ati esiwe ukumweleni koti nitiligu; 32sombi nalikutembelele ati kwiŋgesa-kusila ukucetekela koŵe: peŋka weŵo, pakwaluluka ukubwela liŵili, ukaŵakosye aŵakwanu. 33Naye alilaŵile kuli ŵaYesu ati: MweŵaSikulu, nasumina ukuya nenu kwikati nakukufwa. 34Sombi naŵo ati: Ndukukuŵula, Petilo, ati kombolwe taakalila-po lelo, ili tauŋgaŋkana litatu ati nsimwisi-po.
35Lomba ŵalilaŵile kuli ŵo ati: Ili namu tumineni aŵakuŵula icipokolo, netumba, neŋkwawilo, kani mwalipeŋgele akantu? Naŵoati: Koku! 36Peŋkaŵalilaŵile kuli ŵo ati: Sombi ŵukumo, uyo uli necipokolo, ŋgaaciwule, nafyopele'fyo netumba; nawoyo utaakwete impoko, ŋgaapose umwinjila wakwe, akayule. 37Pakuti ndukumuŵuleni ati ukwelelwa ati ifyo ifyalembelwe fikapelelwe pamo muli neŵo, ati: Kaŵili alieŵelwe pamo neŵakupulaisya. Pakuti ifyo ifyakuli neŵo fikacitwa icine. 38Naŵo ati: Sikulu ŵoneni, impoko siŵili nsi! Naŵo ŵalilaŵile kuli ŵo ati: Silikumene.
39Peŋka'po ŵalifumine nekuya koti kwisiŵila kwaŵo kulupili lwaMaolife; neŵasambile naŵo ŵaliŵalondele. 40Ili ŵaficile kopele uko, ŵalilaŵile kuli ŵo ati: Mulukutembela mwiŋgesa-kwinjila mukwesiwa. 41Peŋka ŵalilekene naŵo umusinso ukumene ukuposa-po ibwe nekufukama, nekulukutembela, 42ati: Tata, kani mulukusumina, ŋgamumtumisye neŵo iŋkomeci iyi: naŋgawe'fyo takuli kufwaya kwanji, sombi ukufwaya kwenu kucitwe. 43Lomba yalibwenekele kuli ŵo iŋkalamba yakwiulu, iyalukuŵakosya. 44Peŋka pakusomenwo' kwakuti ŵalitembele nemuŋkonsya uwakucila; nematukuta aŵo aliŵele koti mindondo ikulu iyamilopa, ilukuponaila pansi. 45Lomba ili ŵaimine pakuleko' kutembela, ŵaliisile kuŵasambile, nekuwasaŋga ŵalilele mutulo pakuti pansoni; 46nekulaŵila kuli ŵo ati: Mbanindo mulalile? Ŵukeni, mulukutembela, mwiŋgesa-kwinjila mukwesiwa.
47Lomba, ili ŵacilaŵila, lyalificile neŵumba lyaŵantu; nawoyo, uwailicilwe ati niJuda, umbi uwapali ŵaŵo ikumi naŵaŵili, alukuŵatanjilila; naye alipalamine kuli ŵaYesu mukuŵafyonta. 48Sombi ŵa Yesu ŵalilaŵile kuli ye ati: Juda, ulukumuloŵela Umwana waMuntunsi kucifyonto? 49Sombi aŵo, aŵaŵasiŋgulucile, ili ŵafibwene'fyo ifilukwisa, ŵalilaŵile ati: Sikulu, kani tuŵapame kumpoko? 50Peŋka umbi alimupamine umupyunjisi wamupapatilisi umukulu, nekumukwempula nekutwi ukwalwine. 51Sombi ŵaYesu ŵaliasucile ati: Fyeŋke'fi, filekeni! Peŋka ŵalimutintile pakutwi nekuciposya. 52Lomba ŵaYesu ŵalilaŵile kuŵapapatilisi aŵakulu nefilolo fyamwitempuli neŵakulu aŵaŵemine, ati: Mwafumina koti nikumuno nempoko neŋkoli? 53Neli nali nenu mwitempuli insiku syonse, lomba tamŵaŋkanticile-po amaŵoko enu, koku; sombi impindi ino yenu, nemakosa amfinsi.
54Lomba ŵaliŵasamatile nekuŵakulika, nekuŵatwala kunanda yamupapatilisi umukulu: sombi Petilo naye alilondele patali patali. 55Lomba ili ŵakuncile umulilo mukati kaluŵansa nekwikala pamo, Petilo naye aliikele pakati pali ŵo. 56Peŋka umbi umupyunjisi umwanakasi alimubwene, ili ekele mukutuŵa, nekumutontomekesya, nekulaŵila ati: Nemuntu uyu naye ali nakwe. 57Sombi alikene ati: Wemwanakasi, nsimwisi-po. 58Lomba pantanjile panini umbi naye alimubwene, nekulaŵila ati: Weŵo uli wapali ŵo. Sombi Petilo ati: Ii, wemuntu, nsili-po nineŵo! 59Ili yapitile impindi koti imo, umbi naye alilaŵile ilaŵilila ati: Icinenene uyu-muntu ewopele ewali nakwe, pakuti ye muGalili. 60Sombi Petilo ati: Wemuntu, neŵo nsifiisi-po ifyo ifi ulukulaŵila! Impindi iyo yopele, ili acilaŵila, nakombolwe naye nekulila. 61Lomba ŵaSikulu ŵalisyolokele, nekumutontomeka Petilo. Naye Petilo alilaŋgulucile isiwi lyaŵaSikulu, ilyo ili ŵalaŵile kuli ye ati: Ili taaŋgalila lelo kombolwe, lomba wakuŋkana neŵo litatu. 62Peŋka alifumine, nekulukulila nensoni'syakuti.
63Lomba aŵantu aŵo aŵalukuŵekatisya ŵaYesu ŵaliŵasekele nekuŵapama. 64Peŋka ŵaliŵasiŵaticile, nekuŵepusya ati: Kofisimika! Mbaninani uwakupama? 65Nefintu fimbi nafyo ifinji ŵaliŵalaŵisye, ili wawatoŋgala.
66Lomba, pakuco'ŵusiku, icitenje caŵakulu ŵaŵantu caliwuŋgene, aŵapapatilisi aŵakulu neŵalembesi; naŵo ŵaliŵakulicile kwiwuŋgano lyaŵo, nekulaŵila ati: 67Kani uli niKlistu?
Ŋgotuŵule! Sombi naŵo ŵalilaŵile kuli ŵo ati: Naŋkamuwuleni, tesi muficetekele. 68Nakaŵili kani njipusye, tesi mwasuke-po. 69Sombi ukufuma kumpindi ino Umwana waMuntunsi akalukwikele kulwine lwamakosa aŵaLesa. 70Naŵo ŵonse ati: Kansi weŵo eweMwana waŵaLesa? Naŵo ŵalilaŵile kuli ŵo ati: Mulukulaŵile'fyo ifi ndi. 71Naŵo ati: Mbatulukufwaile'ndo nasimbi imboni? Pakuti fweŵene twaliumfwila mukanwa kakwe!
ទើបបានជ្រើសរើសហើយ៖
Luku 22: AAL59
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lamba Bible Version © United Bible Societies, 1959.
Luku 22
22
1Lomba icitenje cafimpwampwa ifyakuwulo'musuŋga calipalamine, copele'co icailicilwe ati Muciluko. 2Peŋka aŵapapatilisi aŵakulu neŵalembesi ŵalifwaile umwakuŵepaila; pakuti ŵalitinine aŵantu.
3Lomba Satana aliinjile muli Juda, uwailicilwe ati nilsikaliote, umbi uwapeŵumba lyaŵaŵo ikumi naŵaŵili. 4Naye alikumbulucile nekulukwambala neŵapapatilisi aŵakulu nefilolo fyafita umwakuŵaloŵela kuli ŵo. 5Naŵo ŵalitemenwe, nekulayana nakwe ukumupele'ndalama. 6Naye alisumine, nekulukufwaya-fwaya impindi ielelwe iyakuŵaloŵela kuli ŵo apakuŵula'maŵumba aŵantu.
7Lomba palificile akasuŵa kafimpwampwa ifyakuwulo'musuŋga, ako akelelwe ukwipayo'Muciluko. 8Naŵo ŵaYesu ŵalitumine Petilo naYoane, nekulaŵila ati: Kamuyeni, mutwansicile Umuciluko ati tulye. 9Naŵo ŵalilaŵile kuli ŵo ati: Mulukufwaya ati twansicile kulipi? 10Kumfwa ŵalaŵila kuli ŵo ati: Ŵoneni, ili mwakwinjila mumusi, lomba umuntu umbi akukumana nenu, upintile umutondo wamenda; mwakumulo nda nekwinjila muŋanda iyo iyi alukuya-mo. 11Lomba mwakulaŵila kumwine wananda ati: Aŵasambisi ŵalaŵila kuli mweŵo ati: Mbecipinda caŵensu cili kulipi, muli ceco emo nakulila Umuciluko pamo neŵasambile ŵanji? 12Naye akumulaŋgeni icipinda icikulu icapeulu icili nefintu ifiŵambanisiwe: mopele umo emo mwakwansika. 13Naŵo ŵaliile, nekusaŋga fyopele'fyo ifi ŵalaŵile kuli ŵo; peŋka nekwansika Umuciluko.
14Lomba, ili yaficile impindi, ŵaliikele pamo nentanjisi. 15Naŵo ŵalilaŵile kuli syo ati: Ukufwaya, nalukufwaya ukulya Umuciluko uyu pamo namweŵo, ili nsiŋgasomenwa: 16pakuti ndukumuŵuleni ati nsikaulya-po liŵili ili tauŋgakonsiwa muŴufumu bwaŵaLesa. 17Eli ŵapokele iŋkomeci, ili ŵatotele, nekulaŵila ati: Pokeni iyi, mutantakane; 18pakuti ndukumuŵuleni ati, ukufuma kumpindi ino nsikanwa-po ifyafisepo fyamufaina, ili tawuŋgesa Uŵufumu bwaŵaLesa. 19Lomba ŵaliŵulile siŋkwa: popele, ili ŵatotele, ŵalimukumawile, nekuŵapela, ati: Uyu muŵili wanji ulukupelwa pakuti pali mweŵo; ifi mukalukucita ukundaŋguluka neŵo. 20Fyopele'fyo neŋkomeci, ili ŵaliile; nekulaŵila ati: Iŋkomeci iyi kulayana kwaŵukumo mumilopa yanji ipokomokele pakuti pali mweŵo.
21Sombi ŵoneni, ukuŵoko kwawoyo ulukundoŵela kuli naneŵo petebulu. 22Pakuti icine Umwana waMuntunsi alukuya, koti nifyopele'fyo ifyaansicilwe akale; sombi alisyeme uyo-muntu ukamuloŵela! 23Naŵo ŵalitaticile ukulukwipusyansyanya ati: Pali fweŵo mbaninani uwakucite'fyo?
24Peŋka kwaliŵucile nekupicisya pakati pali ŵo ati: Pali fweŵo mbaninani uweŵelweati wakucilo'ŵukulu? 25Naŵo ŵalilaŵile kuli ŵo ati: Imfumu syaŵenafyalo sili nebwikalicisi pali ŵo, naŵaŵo aŵali neŵukulu pali ŵo ŵaliilicilwe ati ŵakuŵacitile'fiweme. 26Sombi mweŵo koku; sombi uyo ucilile pali mweŵo, ŋgaawe koti mwanice-ŵantu; nayeyo-mfumu ŋgaiwe koti yakupyunjila. 27Pakuti mbaninani ucilile, kani niwoyo ulukusamina ukulukulya, kani niwoyo ulukutaŵataŵa? Kansi taali niwoyo ulukusamina ukulukulya? Sombi neŵo ndipakati pali mweŵo koti wakutaŵataŵa.
28Sombi mweŵo emwemwaikele naneŵo mufyakwesya fyanji; 29lomba ndukumuŵicileni Uŵufumu, koti nifyopele'fyo ifi naŵaTata ŵambicile neŵo; 30ati mukalye nekunwa kwitebulu lyanji muŴufumu bwanji; nakaŵili mukekala pamateŵe aŵufumu nekulukusololola nemikoka yaŵaIsilaeli ikumi naiŵili.
31Simoni, Simoni, ŵona, Satana alilombele ati amupokeni ati esiwe ukumweleni koti nitiligu; 32sombi nalikutembelele ati kwiŋgesa-kusila ukucetekela koŵe: peŋka weŵo, pakwaluluka ukubwela liŵili, ukaŵakosye aŵakwanu. 33Naye alilaŵile kuli ŵaYesu ati: MweŵaSikulu, nasumina ukuya nenu kwikati nakukufwa. 34Sombi naŵo ati: Ndukukuŵula, Petilo, ati kombolwe taakalila-po lelo, ili tauŋgaŋkana litatu ati nsimwisi-po.
35Lomba ŵalilaŵile kuli ŵo ati: Ili namu tumineni aŵakuŵula icipokolo, netumba, neŋkwawilo, kani mwalipeŋgele akantu? Naŵoati: Koku! 36Peŋkaŵalilaŵile kuli ŵo ati: Sombi ŵukumo, uyo uli necipokolo, ŋgaaciwule, nafyopele'fyo netumba; nawoyo utaakwete impoko, ŋgaapose umwinjila wakwe, akayule. 37Pakuti ndukumuŵuleni ati ukwelelwa ati ifyo ifyalembelwe fikapelelwe pamo muli neŵo, ati: Kaŵili alieŵelwe pamo neŵakupulaisya. Pakuti ifyo ifyakuli neŵo fikacitwa icine. 38Naŵo ati: Sikulu ŵoneni, impoko siŵili nsi! Naŵo ŵalilaŵile kuli ŵo ati: Silikumene.
39Peŋka'po ŵalifumine nekuya koti kwisiŵila kwaŵo kulupili lwaMaolife; neŵasambile naŵo ŵaliŵalondele. 40Ili ŵaficile kopele uko, ŵalilaŵile kuli ŵo ati: Mulukutembela mwiŋgesa-kwinjila mukwesiwa. 41Peŋka ŵalilekene naŵo umusinso ukumene ukuposa-po ibwe nekufukama, nekulukutembela, 42ati: Tata, kani mulukusumina, ŋgamumtumisye neŵo iŋkomeci iyi: naŋgawe'fyo takuli kufwaya kwanji, sombi ukufwaya kwenu kucitwe. 43Lomba yalibwenekele kuli ŵo iŋkalamba yakwiulu, iyalukuŵakosya. 44Peŋka pakusomenwo' kwakuti ŵalitembele nemuŋkonsya uwakucila; nematukuta aŵo aliŵele koti mindondo ikulu iyamilopa, ilukuponaila pansi. 45Lomba ili ŵaimine pakuleko' kutembela, ŵaliisile kuŵasambile, nekuwasaŋga ŵalilele mutulo pakuti pansoni; 46nekulaŵila kuli ŵo ati: Mbanindo mulalile? Ŵukeni, mulukutembela, mwiŋgesa-kwinjila mukwesiwa.
47Lomba, ili ŵacilaŵila, lyalificile neŵumba lyaŵantu; nawoyo, uwailicilwe ati niJuda, umbi uwapali ŵaŵo ikumi naŵaŵili, alukuŵatanjilila; naye alipalamine kuli ŵaYesu mukuŵafyonta. 48Sombi ŵa Yesu ŵalilaŵile kuli ye ati: Juda, ulukumuloŵela Umwana waMuntunsi kucifyonto? 49Sombi aŵo, aŵaŵasiŋgulucile, ili ŵafibwene'fyo ifilukwisa, ŵalilaŵile ati: Sikulu, kani tuŵapame kumpoko? 50Peŋka umbi alimupamine umupyunjisi wamupapatilisi umukulu, nekumukwempula nekutwi ukwalwine. 51Sombi ŵaYesu ŵaliasucile ati: Fyeŋke'fi, filekeni! Peŋka ŵalimutintile pakutwi nekuciposya. 52Lomba ŵaYesu ŵalilaŵile kuŵapapatilisi aŵakulu nefilolo fyamwitempuli neŵakulu aŵaŵemine, ati: Mwafumina koti nikumuno nempoko neŋkoli? 53Neli nali nenu mwitempuli insiku syonse, lomba tamŵaŋkanticile-po amaŵoko enu, koku; sombi impindi ino yenu, nemakosa amfinsi.
54Lomba ŵaliŵasamatile nekuŵakulika, nekuŵatwala kunanda yamupapatilisi umukulu: sombi Petilo naye alilondele patali patali. 55Lomba ili ŵakuncile umulilo mukati kaluŵansa nekwikala pamo, Petilo naye aliikele pakati pali ŵo. 56Peŋka umbi umupyunjisi umwanakasi alimubwene, ili ekele mukutuŵa, nekumutontomekesya, nekulaŵila ati: Nemuntu uyu naye ali nakwe. 57Sombi alikene ati: Wemwanakasi, nsimwisi-po. 58Lomba pantanjile panini umbi naye alimubwene, nekulaŵila ati: Weŵo uli wapali ŵo. Sombi Petilo ati: Ii, wemuntu, nsili-po nineŵo! 59Ili yapitile impindi koti imo, umbi naye alilaŵile ilaŵilila ati: Icinenene uyu-muntu ewopele ewali nakwe, pakuti ye muGalili. 60Sombi Petilo ati: Wemuntu, neŵo nsifiisi-po ifyo ifi ulukulaŵila! Impindi iyo yopele, ili acilaŵila, nakombolwe naye nekulila. 61Lomba ŵaSikulu ŵalisyolokele, nekumutontomeka Petilo. Naye Petilo alilaŋgulucile isiwi lyaŵaSikulu, ilyo ili ŵalaŵile kuli ye ati: Ili taaŋgalila lelo kombolwe, lomba wakuŋkana neŵo litatu. 62Peŋka alifumine, nekulukulila nensoni'syakuti.
63Lomba aŵantu aŵo aŵalukuŵekatisya ŵaYesu ŵaliŵasekele nekuŵapama. 64Peŋka ŵaliŵasiŵaticile, nekuŵepusya ati: Kofisimika! Mbaninani uwakupama? 65Nefintu fimbi nafyo ifinji ŵaliŵalaŵisye, ili wawatoŋgala.
66Lomba, pakuco'ŵusiku, icitenje caŵakulu ŵaŵantu caliwuŋgene, aŵapapatilisi aŵakulu neŵalembesi; naŵo ŵaliŵakulicile kwiwuŋgano lyaŵo, nekulaŵila ati: 67Kani uli niKlistu?
Ŋgotuŵule! Sombi naŵo ŵalilaŵile kuli ŵo ati: Naŋkamuwuleni, tesi muficetekele. 68Nakaŵili kani njipusye, tesi mwasuke-po. 69Sombi ukufuma kumpindi ino Umwana waMuntunsi akalukwikele kulwine lwamakosa aŵaLesa. 70Naŵo ŵonse ati: Kansi weŵo eweMwana waŵaLesa? Naŵo ŵalilaŵile kuli ŵo ati: Mulukulaŵile'fyo ifi ndi. 71Naŵo ati: Mbatulukufwaile'ndo nasimbi imboni? Pakuti fweŵene twaliumfwila mukanwa kakwe!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lamba Bible Version © United Bible Societies, 1959.