Lagano hya

<div class="version vid1035 iso6393ziw" data-vid="1035" data-iso6393="ziw">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Mvyele agwiligwe mwe ugonyi</div><div class="p"> 1Yesu niyo aita ko lugulu lwa Mizeituni. 2Mtondo wakwe niyo aita vituhu kwe Nyumba nkulu ya Chohile, wantu wose niyo wambasa, naye niyo ekala awahinya. 3Wahinya sigilizi na Mafalisayo wamwigaila mvyele yumwenga afingigwe mwe ugonyi, wamchimalisa hagatigati hawo. 4Wamgamba Yesu, &#8220;Mhinya! Mvyele yuno kafingwa akagonywa. 5Mwe Sigilizi yetu Musa achilagizaga mvyele esavino atoigwe mayuwe. Haluse weye wagaze?&#8221; 6Walonga ivyo chani wamtegele, chani wamlahe. Mna Yesu enama hasi, awandika hasi nedidole dyakwe.</div><div class="p"> 7Umo wachimale aho wakamuza, Yesu enuka, awagamba, &#8220;Mntu hena masa mgati mwenyu namtowe yuwe dya nkongo.&#8221; 8Akaheza enama vituhu, awandika hasi. 9Weze weve ivyo, niyo wakonga kuhalawa yumwe yumwe, wakalongola wadalahala. Yesu niyo asigala ichedu, na yudya mvyele, kachimala ahadya. 10Yesu eze enuke, amuza yudya mvyele, &#8220;Wadya wantu wekuhi? Togola, hahali hata yumwenga akukantile?&#8221;</div><div class="p"> 11Uyo mvyele niyo amhitula, &#8220;Zumbe, hahali hata yumwenga!&#8221;</div><div class="p">Yesu naye amgamba, &#8220;Miye nami sahukantile. Hita kwako, na kukongela vino haluse usekudamanya masa vituhu.&#8221;</div><div class="s">Yesu Ulangazi we isi</div><div class="p"> 12Yesu eze alonge nawo vituhu, awagamba, &#8220;Miye nuyo ulangazi we isi. Mntu yoyose akunitimila miye hajende mwechiza, mna natende na ulangazi wa ujima.&#8221;</div><div class="p"> 13Mafalisayo wamgamba, &#8220;Weye weukwila mwenye, kwaivyo kwelongela kwako siyo chindedi.&#8221;</div><div class="p"> 14Yesu awahitula, &#8220;Hata hegu nelongela mwenye, ulongelo wangu ni wachindedi kwaviya miye simanya kudya nilaile na kudya hwita. Mna nyuwe hammanyize uko hulawa hegu kudya hwita. 15Nyuwe mwakanta kwa fanyanyi za chimtu, mna miye sikumkantila mntu. 16Hata hakanta, nkanto dyangu ni dya chindedi kwaviya miye sichedu, Tate, anisigile ehamwenga na miye. 17Iwandikwa mwe Isigilizi yenyu kugamba ukuzi wa wantu waidi ni wachindedi. 18Miye neukwila mwenye, Tate naye anisigile, anukwila ivyo.&#8221;</div><div class="p"> 19Aho niyo wamwuza, &#8220;Tati yako ekuhi?&#8221;</div><div class="p">Yesu awahitula, &#8220;Uneva nyuwe hamnimanyize miye iviya hamummanyize Tate.&#8221;</div><div class="p"> 20Yesu alongaga milosi iyo mwe chumba che hazina endaga akahinya mwe Nyumba nkulu ya Chohile. Naho hahali mntu amgwile, kwaviya chipindi chakwe chendaga hachinati kubula.</div><div class="s">Hamkudaha kwita kudya miye hwita</div><div class="p"> 21Yesu niyo awagamba vituhu, &#8220;Naita, nanywi namnilonde, mna nambanike mwe masa yenyu. Uko hwita miye nyuwe hamkudaha kubula.&#8221;</div><div class="p"> 22Vilongozi wa Wayahudi niyo wagamba, &#8220;Togola, nekome mwenye? Ni mbwani agamba, &#8216;Uko hwita nyuwe hamkudaha kubula?&#8217; &#8221;</div><div class="p"> 23Yesu niyo awagamba, &#8220;Nyuwe mlawa ahano hasi, miye silaila kulanga, nyuwe ni we isi ino, miye suyo we isi ino. 24Nivyo vikuleka siwagambilani nambanike mwe masa yenyu. Uneva hamnazumile kugamba &#8216;Miye Nuyo&#8217;, nambanike mwa masa yenyu.&#8221;</div><div class="p"> 25Wowo niyo wamwuza, &#8220;Weye ni yuhi?&#8221;</div><div class="p">Yesu ahitula, &#8220;Siwagambilani kukongela nkongo! 26Nina yalozize ya kulonga, na kuwakantila. Yudya anisigile ni chindedi, miye nami nawagambila wantu wose we isi mbuli ziya du nivile kulaila kwakwe.&#8221;</div><div class="p"> 27Hawavimanyaga kugamba Yesu endaga akalonga nawo ya Tati yakwe. 28Yesu awagamba, &#8220;Umo namheze kumwinula Mwana ywa Mntu, aho naho nammanye kugamba, &#8216;Miye Nuyo&#8217;, naho kugamba sikudamanya chochose kwa udahi wangu, mna nalonga du yadya Tate anihinyize. 29Yudya anisigile ehamwenga na miye, uyo hanilekile ichedu kwaviya mazuwa yose nadamanya yadya yakumwelela.&#8221;</div><div class="p"> 30Eze alonge ayo wantu walozize niyo wamzumila.</div><div class="s">Chindedi nachikutende ulekeilwe</div><div class="p"> 31Yesu niyo awagamba wadya Wayahudi wamzumile, &#8220;Uneva mnayatoza mahinyo yangu, namtende wanampina wangu chindedindedi. 32Ivyo nammanye chindedi, naho chindedi nachiwalekeileni.&#8221;</div><div class="p"> 33Wowo wamhitula, &#8220;Suwe ni welekwa wa Bulahimu, naho hachinati chitende watumwa wa mntu yoyose yudya. Ni mbwani ukugamba namlekeilwe?&#8221;</div><div class="p"> 34Yesu awahitula, &#8220;Nawagambilani chindedi, chila mntu yoyose akudamanya masa ni mtumwa ywa masa. 35Mtumwa hana wikazi wa mnyumba mazuwa yose, mna Mwana ana wikazi wa mazuwa yoseni. 36Uneva Mwana awalekeileni namtende mlekeilwa chindedi. 37Simanya kugamba nyuwe mwi lukolo lwa Bulahimu. Mna mwaunga mnikome kwaviya hamnati kuzumila mahinyo yangu. 38Miye nalonga yadya anisigile Tate, mna nyuwe mwadamanya yadya mgambilwe ni tati yenyu.&#8221;</div><div class="p"> 39Wowo wamhitula, &#8220;Suwe chi wana wa Bulahimu!&#8221;</div><div class="p">Yesu awagamba, &#8220;Uneva nyuwe mwendile wana wa Bulahimu namdamanya saviya adamanye Bulahimu. 40Miye siwagambilani ichindedi nivile kwa Chohile, mna nyuwe mwaunga mnikome. Bulahimu hatendile ivyo! 41Nyuwe mwadamanya mbuli iziya adamanye tati yenyu.&#8221;</div><div class="p">Wowo niyo wamgamba, &#8220;Suwe hachi wana wa halamu! China Tati yetu yumwenga du nuyo Chohile.&#8221;</div><div class="p"> 42Yesu awagamba, &#8220;Uneva Chohile endile Tati yenyu chindedi, namkanunga miye, kwaviya miye nasilawa kwa Chohile haluse ni hano. Sizile kwa udahi wangu miye mwenye, mna kwa uyo anisigile. 43Ni mbwani hammanyize ayo hulonga? Ni kwaviya hamkudaha kwetegeleza ulosi wangu. 44Nyuwe mwi wana wa tati yenyu Mwavu naho mwonga du kudamanya tama za tati yenyu. Uyo endaga mkomi kukongela nkongo, hana uchimailo mwe chindedi, kwaviya chindedi hachimuli mndani mwakwe. Chila aho akulongela lulimi, alonga kulawana na ihali yakwe yo kumbigwa, kwaviya mwenye ni mlulimi naho tati yamntu ywa udanti wose. 45Mna kwaviya miye nalonga chindedi, nivyo vikuleka nyuwe hamkunizumila. 46Ni yuhi mgati mwenyu akudaha kulagisa kugamba miye sidamanya masa? Uneva nalonga chindedi, ni mbwani hamkunizumila? 47Mntu ywa Chohile ategeleza mbuli za Chohile, mna nyuwe hamkutegeleza kwaviya nyuwe hamwi wantu wa Chohile.&#8221;</div><div class="s">Yesu neyaho Bulahimu henati kwelekwa</div><div class="p"> 48Wayahudi wamhuluta Yesu wamgamba, &#8220;Togola, hachilongile chindedi kugamba weye wi Msamaliya, naho una mpepo?&#8221;</div><div class="p"> 49Yesu ahitula, &#8220;Miye sina mpepo. Miye namtunya Tate, mna nyuwe hamkunitunya. 50Miye sikwelondela ntunyo yangu mwenye, eyuko yumwenga mta kuilonda ntunyo iyo, uyo ni mkanti. 51Nawagambilani chindedi, mntu yoyose akutozesa mahinyo yangu habanike mazuwa yose.&#8221;</div><div class="p"> 52Wayahudi wagamba, &#8220;Weye una mpepo! Bulahimu abanikaga, na wawoni nawo wabanikaga. Nawe wagamba, akutozesa mahinyo yangu habanike mazuwa yose! 53Togola, wetenda mkulu kujinka tati yetu Bulahimu yudya abanikaga, hata wawoni wabanikaga. Weye wetenda wi yuhi?&#8221;</div><div class="p"> 54Yesu awahitula, &#8220;Hegu nasetunya miye mwenye, ntunyo yangu siyo chintu. Tate yudya nyuwe mkugamba ni tati ywenyu, Chohile nuyo akunitunya. 55Nyuwe hamwammanyaga, mna miye simmanya. Mna ninagamba simmanyize, nanitende mlulimi saviya nyuwe. Miye simmanya naho natoza ulosi wakwe. 56Bulahimu, tati yenyu endaga na chinyemi awone idizuwa dyangu dyokwizila, adionaga, niyo elelwa.&#8221;</div><div class="p"> 57Wayahudi wamgamba, &#8220;Weye hunati kubuza mihilimo milongo mishano, weye nawe kumwona Bulahimu?&#8221;</div><div class="p"> 58Yesu awagamba, &#8220;Nawagambilani chindeni, Bulahimu hanati kwelekwa, &#8216;Miye Niyaho&#8217; &#8221;</div><div class="p"> 59Aho niyo walogota mayuwe chani wamtowe, mna Yesu niyo agila, alawa mwe Nyumba nkulu ya Chohile.</div>
 </div>
 </div>
</div>

Yesu niyo aita ko lugulu lwa Mizeituni. Mtondo wakwe niyo aita vituhu kwe Nyumba nkulu ya Chohile, wantu wose niyo wambasa, naye niyo ekala awahinya. Wahinya sigilizi na Mafalisayo wamwigaila mvyele yumwenga afingigwe mwe ugonyi, wamchimalisa hagatigati hawo. Wamgamba Yesu, “Mhinya! Mvyele yuno kafingwa akagonywa. Mwe Sigilizi yetu Musa achilagizaga mvyele esavino atoigwe mayuwe. Haluse weye wagaze?” Walonga ivyo chani wamtegele, chani wamlahe. Mna Yesu enama hasi, awandika hasi nedidole dyakwe.
Umo wachimale aho wakamuza, Yesu enuka, awagamba, “Mntu hena masa mgati mwenyu namtowe yuwe dya nkongo.” Akaheza enama vituhu, awandika hasi. Weze weve ivyo, niyo wakonga kuhalawa yumwe yumwe, wakalongola wadalahala. Yesu niyo asigala ichedu, na yudya mvyele, kachimala ahadya. Yesu eze enuke, amuza yudya mvyele, “Wadya wantu wekuhi? Togola, hahali hata yumwenga akukantile?”
Uyo mvyele niyo amhitula, “Zumbe, hahali hata yumwenga!”
Yesu naye amgamba, “Miye nami sahukantile. Hita kwako, na kukongela vino haluse usekudamanya masa vituhu.”

Yesu eze alonge nawo vituhu, awagamba, “Miye nuyo ulangazi we isi. Mntu yoyose akunitimila miye hajende mwechiza, mna natende na ulangazi wa ujima.”
Mafalisayo wamgamba, “Weye weukwila mwenye, kwaivyo kwelongela kwako siyo chindedi.”
Yesu awahitula, “Hata hegu nelongela mwenye, ulongelo wangu ni wachindedi kwaviya miye simanya kudya nilaile na kudya hwita. Mna nyuwe hammanyize uko hulawa hegu kudya hwita. Nyuwe mwakanta kwa fanyanyi za chimtu, mna miye sikumkantila mntu. Hata hakanta, nkanto dyangu ni dya chindedi kwaviya miye sichedu, Tate, anisigile ehamwenga na miye. Iwandikwa mwe Isigilizi yenyu kugamba ukuzi wa wantu waidi ni wachindedi. Miye neukwila mwenye, Tate naye anisigile, anukwila ivyo.”
Aho niyo wamwuza, “Tati yako ekuhi?”
Yesu awahitula, “Uneva nyuwe hamnimanyize miye iviya hamummanyize Tate.”
Yesu alongaga milosi iyo mwe chumba che hazina endaga akahinya mwe Nyumba nkulu ya Chohile. Naho hahali mntu amgwile, kwaviya chipindi chakwe chendaga hachinati kubula.

Yesu niyo awagamba vituhu, “Naita, nanywi namnilonde, mna nambanike mwe masa yenyu. Uko hwita miye nyuwe hamkudaha kubula.”
Vilongozi wa Wayahudi niyo wagamba, “Togola, nekome mwenye? Ni mbwani agamba, ‘Uko hwita nyuwe hamkudaha kubula?’ ”
Yesu niyo awagamba, “Nyuwe mlawa ahano hasi, miye silaila kulanga, nyuwe ni we isi ino, miye suyo we isi ino. Nivyo vikuleka siwagambilani nambanike mwe masa yenyu. Uneva hamnazumile kugamba ‘Miye Nuyo’, nambanike mwa masa yenyu.”
Wowo niyo wamwuza, “Weye ni yuhi?”
Yesu ahitula, “Siwagambilani kukongela nkongo! Nina yalozize ya kulonga, na kuwakantila. Yudya anisigile ni chindedi, miye nami nawagambila wantu wose we isi mbuli ziya du nivile kulaila kwakwe.”
Hawavimanyaga kugamba Yesu endaga akalonga nawo ya Tati yakwe. Yesu awagamba, “Umo namheze kumwinula Mwana ywa Mntu, aho naho nammanye kugamba, ‘Miye Nuyo’, naho kugamba sikudamanya chochose kwa udahi wangu, mna nalonga du yadya Tate anihinyize. Yudya anisigile ehamwenga na miye, uyo hanilekile ichedu kwaviya mazuwa yose nadamanya yadya yakumwelela.”
Eze alonge ayo wantu walozize niyo wamzumila.

Yesu niyo awagamba wadya Wayahudi wamzumile, “Uneva mnayatoza mahinyo yangu, namtende wanampina wangu chindedindedi. Ivyo nammanye chindedi, naho chindedi nachiwalekeileni.”
Wowo wamhitula, “Suwe ni welekwa wa Bulahimu, naho hachinati chitende watumwa wa mntu yoyose yudya. Ni mbwani ukugamba namlekeilwe?”
Yesu awahitula, “Nawagambilani chindedi, chila mntu yoyose akudamanya masa ni mtumwa ywa masa. Mtumwa hana wikazi wa mnyumba mazuwa yose, mna Mwana ana wikazi wa mazuwa yoseni. Uneva Mwana awalekeileni namtende mlekeilwa chindedi. Simanya kugamba nyuwe mwi lukolo lwa Bulahimu. Mna mwaunga mnikome kwaviya hamnati kuzumila mahinyo yangu. Miye nalonga yadya anisigile Tate, mna nyuwe mwadamanya yadya mgambilwe ni tati yenyu.”
Wowo wamhitula, “Suwe chi wana wa Bulahimu!”
Yesu awagamba, “Uneva nyuwe mwendile wana wa Bulahimu namdamanya saviya adamanye Bulahimu. Miye siwagambilani ichindedi nivile kwa Chohile, mna nyuwe mwaunga mnikome. Bulahimu hatendile ivyo! Nyuwe mwadamanya mbuli iziya adamanye tati yenyu.”
Wowo niyo wamgamba, “Suwe hachi wana wa halamu! China Tati yetu yumwenga du nuyo Chohile.”
Yesu awagamba, “Uneva Chohile endile Tati yenyu chindedi, namkanunga miye, kwaviya miye nasilawa kwa Chohile haluse ni hano. Sizile kwa udahi wangu miye mwenye, mna kwa uyo anisigile. Ni mbwani hammanyize ayo hulonga? Ni kwaviya hamkudaha kwetegeleza ulosi wangu. Nyuwe mwi wana wa tati yenyu Mwavu naho mwonga du kudamanya tama za tati yenyu. Uyo endaga mkomi kukongela nkongo, hana uchimailo mwe chindedi, kwaviya chindedi hachimuli mndani mwakwe. Chila aho akulongela lulimi, alonga kulawana na ihali yakwe yo kumbigwa, kwaviya mwenye ni mlulimi naho tati yamntu ywa udanti wose. Mna kwaviya miye nalonga chindedi, nivyo vikuleka nyuwe hamkunizumila. Ni yuhi mgati mwenyu akudaha kulagisa kugamba miye sidamanya masa? Uneva nalonga chindedi, ni mbwani hamkunizumila? Mntu ywa Chohile ategeleza mbuli za Chohile, mna nyuwe hamkutegeleza kwaviya nyuwe hamwi wantu wa Chohile.”

Wayahudi wamhuluta Yesu wamgamba, “Togola, hachilongile chindedi kugamba weye wi Msamaliya, naho una mpepo?”
Yesu ahitula, “Miye sina mpepo. Miye namtunya Tate, mna nyuwe hamkunitunya. Miye sikwelondela ntunyo yangu mwenye, eyuko yumwenga mta kuilonda ntunyo iyo, uyo ni mkanti. Nawagambilani chindedi, mntu yoyose akutozesa mahinyo yangu habanike mazuwa yose.”
Wayahudi wagamba, “Weye una mpepo! Bulahimu abanikaga, na wawoni nawo wabanikaga. Nawe wagamba, akutozesa mahinyo yangu habanike mazuwa yose! Togola, wetenda mkulu kujinka tati yetu Bulahimu yudya abanikaga, hata wawoni wabanikaga. Weye wetenda wi yuhi?”
Yesu awahitula, “Hegu nasetunya miye mwenye, ntunyo yangu siyo chintu. Tate yudya nyuwe mkugamba ni tati ywenyu, Chohile nuyo akunitunya. Nyuwe hamwammanyaga, mna miye simmanya. Mna ninagamba simmanyize, nanitende mlulimi saviya nyuwe. Miye simmanya naho natoza ulosi wakwe. Bulahimu, tati yenyu endaga na chinyemi awone idizuwa dyangu dyokwizila, adionaga, niyo elelwa.”
Wayahudi wamgamba, “Weye hunati kubuza mihilimo milongo mishano, weye nawe kumwona Bulahimu?”
Yesu awagamba, “Nawagambilani chindeni, Bulahimu hanati kwelekwa, ‘Miye Niyaho’ ”
Aho niyo walogota mayuwe chani wamtowe, mna Yesu niyo agila, alawa mwe Nyumba nkulu ya Chohile.

Listen to Yohana 8