Chorote, Iyojwa’ja: Nuevo Testamento Chorote Iyojwa'ja 1997

Texto Nuevo Testamento: Chorote, Iyojwa’ja © Sociedad Bíblicas Unidas 1997 www.sba.org.ar/web/ Grabación de Chorote, Iyojwa’ja ℗ 2021 Hosanna

Sinia' Jlamtis 1997

<div class="version vid371 iso6393crt" data-vid="371" data-iso6393="crt">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Ti Jes&#250;s isima'ak'i papok itijwa'm niwa sikioye times tom'niji jijliujwajnas</div><div class="r">(Mc 3.13-19; Lc 6.12-16)</div><div class="p"> 1Jes&#250;s tane'ni japok itijwa'm niwa sikioye times tom'niji t'eyasajnas ti yikiajle ni jijweye ka inojwank'i kisie'e niwa pini' yijits'i napo i'nio'. Jla'yi ka injwajiete napo niwa jiliaye iyo, siu'neje niwa iyo ni jiliaye ti iliatits'i.</div><div class="p"> 2'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Sim&#243;n, siojo tiwonaja'ni 'neje 'ate Pedro, siu'neje ja jikilia Andr&#233;s. Santiago jla'yi ja ji'yini Juan, Zebedeo jilis. 3Siu'neje japo ijia jleyis iyo'ate, Felipe jla'yi ja Bartolom&#233;, Tom&#225;s siu'neje ja Mateo, siojo isi'm ilia'm niwa inkat'ijnieyejes. Siu'neje ja Santiago Alfeo jlas, siu'neje ja Tadeo, 4siu'neje ja Sim&#243;n 'neje, siojo Sim&#243;n ti teje'yi ilia'm japo Roma jlele, ti iyo anechiyasa k'iye japo Jud&#237;ojos. Siu'neje ja Judas Iscariote, siojo ti janekial ja Jes&#250;s.</div><div class="s">Jes&#250;s ijliu' papo t'eyasajnas ka iwoyis jika'niyeja' pa Sinia' jika anechijiayas</div><div class="r">(Mc 6.7-13; Lc 9.1-6)</div><div class="p"> 5Japoka'ne siojopo itijwa'm niwa sikioye times tom'niji ti Jes&#250;s ijliu', ti 'yiyasane siupa janwoyisi ti iyone 'ate:</div><div class="p">&#8212;K&#225; ajoyeyi siunapo i'nio' je Jud&#237;ojos, ka kiak inwona'a ka ajoyeyi siuniwa isi'il yiji jana Samaria, 6jnayeyi ta'a siuniwa sontas ti netiajne'n yiji jana Israel. 7Joyeyi ti jajwelayi ti siunie Sinia' jika anechijiayas majleye ilia'm. 8Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, k&#225; awoye lajaye siuti kia'iyo jiwoyeyetaja naka.</div><div class="p"> 9&#8220;Siuti jit'iskiuniets'iji'n, k&#225; awoye aska wikiniet'aja, 10ni'ne ka aseliye japa ka atonie, k&#225; a'lonitie puwaka as'wuyeye, k&#225; awoye askiajata. Kajeyepa siunie i'nio' inkijmayewo, tepa jawo ka je in'yekiu'n.#1 Co 9.14; 1 Ti 5.18</div><div class="p"> 11&#8220;Siuti jawayeyi japa isiye, ni'ne ka niwakaye ji'wetis jilis napo i'nio', 'yenayijyi'n siunie i'nio' jlosik po', pak ja awayejiap'ne kiu'. Jawayets'i siupuwa jlomas jininenajyi, ka akinieye'nijpe. 12Siuti jit'iuyeyetaja siojopa 'wuk jloyeyi, ka atejwilayeyijpe siupapo i'nio' sek ji'wet'e. 13Siupapo i'nio' sek ji'wet'e, ti jijwela ka 'esieyiji ka inejiap nak inkamankiye, ijiate napok ja 'wanjliyejap nak inkamankiye. Jlampet siunapo ti jijwela ka je 'esieyiji, siunie inkamankiye inapilie'asenie'e, ja ke inejiap. 14Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis.#Hch 13.51 15Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.#Lc 10.4-12,#G&#233;n 19.24-28; Mt 11.23-24</div><div class="s">Siunie ja tiwonaja napo i'nio' Sinia' jilis ti ja tiliakik</div><div class="p"> 16&#8220;&#161;'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo. 17-18Joskiyeyijna'a napo Jud&#237;ojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Jud&#237;ojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi. 19Siuti kiak jawo ti ja inekiajlayi, ke injlak'alayiji'n siupa kawoyeyi ti ja amtiyets'iji'n, siu'neje pa as'lej jawonayi. Sinia' jla'am janwe'nase'm siupa jawoyeyi ti ja amtiyets'iji'n. 20'Yina ja ke asama ti jant'emina ti ja 'najana as'leje; Inia' jikimet ti 'es japakaye jla'am ti jane'yi aswa'm ti jantamti.</div><div class="p"> 21&#8220;Jajwi'lase'm, siunapo ji'niayi ijwienjli janekiajlayinie'e napo ijia ni jiliayeja', kia'iyojliyi siunapo jiniewot inekiajlayinie'e ni jiliaye napo jilis. Siunapo jilis inapilie'ena'a napo jiniewot ti jawo ka ilajne'n. 22Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'. 23Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.</div><div class="p"> 24&#8220;Je ti'wena wek siunie i'nio' ti inka'neyasajnayewo ka t'eyasanik ka inka'm ape'e; jlampet siunie inkawo, kia'iyo je 'yaka'm ape'e pet siunie jika anechiyas.#Lc 6.40; Jn 13.16; 15.20 25Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzeb&#250;, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.#Mt 9.34</div><div class="s">Siuti jijwe'el siunie iyo ni Sinia', k&#225; atejnisijyi'n paka k'iejliyeyi ka je injweye</div><div class="r">(Lc 12.2-9)</div><div class="p"> 26&#8220;Ja ke napokaye napo i'nio' ti ja joskiyeyi, kajeyepa siunie ti tip'ona ape'e ja tiliena pet ape'e, jlampet siuniwa ti tijwekieta'ni ja'nakajak'iji ape'e. 27Siuniwa ti ajwe'lase'm ti ene ajnaja, enayi pet jlomaje' ti ja ajwelak'iji'n; jlampet siuniwa ene ask'ioteje, niwak siuniwa ja amitayi pijia'm ti jajwelayik'iji'n. 28Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.</div><div class="p"> 29&#8220;'Yejne'n, &#191;tepi iyo niwa ajwejnas jilis ti times ti tiwena'ni? Ijiate ijwienjliyetak'i wek japa laja jlase'. 'Yina siuti je jla'am ni Asna' ka intajle ka inetia'n, ijiatjliyi tiwet'ianaja ka injwanjli japa ka inetiane ka 'na'al. 30-31Asa'm ijiate ti asja 'yaka'm ape'e niwak ajwejnas jilis niwa ajwel'ni, ijwil ka je injla'an siuniwa as'wole ti 'yijene pi iyone pa nojwa'm. Tempi it'imina ti kiak awo ti awo'ate, jweyitie.</div><div class="p"> 32&#8220;Siuti japoye ni jawo'ate, ti janijwejla'm napo i'nio', &#8220;Ya'am ti akk'i pet ni Jes&#250;s&#8221;, ijiate kiak jayo'ojyi pet ti jajwijla'm ni Inia' ti yi' poliyi, ti jayo'ate, &#8220;Ijiate nak sa'yi pet&#8221;. 33Jlampet siunie ti ja ke injweye napo i'nio', ti janijwejla'm ti jawo'ate, &#8220;Pak je sitiant'ieje pa Jes&#250;s&#8221;, kiak iyoyeyinie'e pet ti jajwijla'm ni Inia' ti yi' poliyi, ti jayo'ate, &#8220;Nak siu'nie je sitiant'ieje&#8221;.#2 Ti 2.12</div><div class="s">Jes&#250;s jlam ti it'imina ti tejets'i wita'm papo i'nio'</div><div class="r">(Lc 12.51-53; 14.26-27)</div><div class="p"> 34&#8220;K&#225; ajwela ka inkama 'ni ajnat siuti ana'am. Je ana'am ka inkama napo i'nio', 'wenajliyi jla'am siunie jawo ti jantats'i wita'm. 35Ana'am, siunie i'nio' ja inta'yi ilia'm ni jinia', siojona asejnia janta pet ilia'm jana jlet, siojona jijwelis janakaye pet jana jikant'e ti janta'yi ilia'm, 36ja ke 'wenaye napo jitiejiejwasa' ni i'nio', janapokaye ijia jla'am.#Miq 7.6</div><div class="p"> 37&#8220;I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i. 38I'nio' ni je itijlia jana jika cruz, ka ina'm ijyik'i, je 'yu'we ka iwo jika'nionajak'i'm. 39I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.#Jn 12.24-25</div><div class="s">Jikajaye siunapo i'nio' ti takap'ijliuski</div><div class="r">(Mc 9.41)</div><div class="p"> 40&#8220;Siunie isi'm aselia'm, ijiate lapakawo ti ya'am ti isi'm ijyilia'm. Jlampet siunie i'nio' ti isi'm ijyilia'm, kia'iyo lapakawo ti isi'm ilia'm siunie i'nio' sijliu'. 41I'nio' ni isi'm ilia'm ni Sinia' jijwejlanik jiwo, ti iyo'ate, &#8220;Aki'm ilia'm kajeyepa ti naka ti Sinia' jikawo ti 'es&#8221;, jikaja jawo'ate siunie Sinia' jikawo ti ijiate ti 'es, ka titisietana'a siojona jikajaye pet. 42Jane'yi pa jantes, je tiwet'ianaja ka i'niata wek paka inwejna'm ka techajaje', jane'yi pa siu'napo kia'lis ti najmin'ni ijyik'i. Ka wo'ate, &#8220;Ap'elisi'n kajeyepa ti je 'wena, 'naka ni yamk'ijin'ni ni Jes&#250;s&#8221;. Ijiate i'nio ni iyoyi naka, ja jikaja poye.&#8221;</div>
 </div>
 </div>
</div>

Jesús tane'ni japok itijwa'm niwa sikioye times tom'niji t'eyasajnas ti yikiajle ni jijweye ka inojwank'i kisie'e niwa pini' yijits'i napo i'nio'. Jla'yi ka injwajiete napo niwa jiliaye iyo, siu'neje niwa iyo ni jiliaye ti iliatits'i.
'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis. Siu'neje japo ijia jleyis iyo'ate, Felipe jla'yi ja Bartolomé, Tomás siu'neje ja Mateo, siojo isi'm ilia'm niwa inkat'ijnieyejes. Siu'neje ja Santiago Alfeo jlas, siu'neje ja Tadeo, siu'neje ja Simón 'neje, siojo Simón ti teje'yi ilia'm japo Roma jlele, ti iyo anechiyasa k'iye japo Judíojos. Siu'neje ja Judas Iscariote, siojo ti janekial ja Jesús.


Japoka'ne siojopo itijwa'm niwa sikioye times tom'niji ti Jesús ijliu', ti 'yiyasane siupa janwoyisi ti iyone 'ate:
—Ká ajoyeyi siunapo i'nio' je Judíojos, ka kiak inwona'a ka ajoyeyi siuniwa isi'il yiji jana Samaria, jnayeyi ta'a siuniwa sontas ti netiajne'n yiji jana Israel. Joyeyi ti jajwelayi ti siunie Sinia' jika anechijiayas majleye ilia'm. Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, ká awoye lajaye siuti kia'iyo jiwoyeyetaja naka.
“Siuti jit'iskiuniets'iji'n, ká awoye aska wikiniet'aja, ni'ne ka aseliye japa ka atonie, ká a'lonitie puwaka as'wuyeye, ká awoye askiajata. Kajeyepa siunie i'nio' inkijmayewo, tepa jawo ka je in'yekiu'n.
“Siuti jawayeyi japa isiye, ni'ne ka niwakaye ji'wetis jilis napo i'nio', 'yenayijyi'n siunie i'nio' jlosik po', pak ja awayejiap'ne kiu'. Jawayets'i siupuwa jlomas jininenajyi, ka akinieye'nijpe. Siuti jit'iuyeyetaja siojopa 'wuk jloyeyi, ka atejwilayeyijpe siupapo i'nio' sek ji'wet'e. Siupapo i'nio' sek ji'wet'e, ti jijwela ka 'esieyiji ka inejiap nak inkamankiye, ijiate napok ja 'wanjliyejap nak inkamankiye. Jlampet siunapo ti jijwela ka je 'esieyiji, siunie inkamankiye inapilie'asenie'e, ja ke inejiap. Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis. Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

“¡'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo. Joskiyeyijna'a napo Judíojos, asa'am ti jiniamajyin'ni ijyik'i, napoka ti ja inekiajlayi napo jika pa'yijis jlosikis jiwos, ti jank'ajajyi'n yi'i niwa t'ajla'wetis. Siu'neje ti ja ijnoyeyiji napo i'nio' anechiyasas, siu'neje napo anechiyasis wus, siu'neje napo jika kia'lis napo je Judíojos. Jla'yi ti jampe'yaye ti ja sijwela, sekjane'yi ti akatatayi ti ja amtiye'yi. Siuti kiak jawo ti ja inekiajlayi, ke injlak'alayiji'n siupa kawoyeyi ti ja amtiyets'iji'n, siu'neje pa as'lej jawonayi. Sinia' jla'am janwe'nase'm siupa jawoyeyi ti ja amtiyets'iji'n. 'Yina ja ke asama ti jant'emina ti ja 'najana as'leje; Inia' jikimet ti 'es japakaye jla'am ti jane'yi aswa'm ti jantamti.
“Jajwi'lase'm, siunapo ji'niayi ijwienjli janekiajlayinie'e napo ijia ni jiliayeja', kia'iyojliyi siunapo jiniewot inekiajlayinie'e ni jiliaye napo jilis. Siunapo jilis inapilie'ena'a napo jiniewot ti jawo ka ilajne'n. Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'. Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.
“Je ti'wena wek siunie i'nio' ti inka'neyasajnayewo ka t'eyasanik ka inka'm ape'e; jlampet siunie inkawo, kia'iyo je 'yaka'm ape'e pet siunie jika anechiyas. Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzebú, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.


“Ja ke napokaye napo i'nio' ti ja joskiyeyi, kajeyepa siunie ti tip'ona ape'e ja tiliena pet ape'e, jlampet siuniwa ti tijwekieta'ni ja'nakajak'iji ape'e. Siuniwa ti ajwe'lase'm ti ene ajnaja, enayi pet jlomaje' ti ja ajwelak'iji'n; jlampet siuniwa ene ask'ioteje, niwak siuniwa ja amitayi pijia'm ti jajwelayik'iji'n. Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.
“'Yejne'n, ¿tepi iyo niwa ajwejnas jilis ti times ti tiwena'ni? Ijiate ijwienjliyetak'i wek japa laja jlase'. 'Yina siuti je jla'am ni Asna' ka intajle ka inetia'n, ijiatjliyi tiwet'ianaja ka injwanjli japa ka inetiane ka 'na'al. Asa'm ijiate ti asja 'yaka'm ape'e niwak ajwejnas jilis niwa ajwel'ni, ijwil ka je injla'an siuniwa as'wole ti 'yijene pi iyone pa nojwa'm. Tempi it'imina ti kiak awo ti awo'ate, jweyitie.
“Siuti japoye ni jawo'ate, ti janijwejla'm napo i'nio', “Ya'am ti akk'i pet ni Jesús”, ijiate kiak jayo'ojyi pet ti jajwijla'm ni Inia' ti yi' poliyi, ti jayo'ate, “Ijiate nak sa'yi pet”. Jlampet siunie ti ja ke injweye napo i'nio', ti janijwejla'm ti jawo'ate, “Pak je sitiant'ieje pa Jesús”, kiak iyoyeyinie'e pet ti jajwijla'm ni Inia' ti yi' poliyi, ti jayo'ate, “Nak siu'nie je sitiant'ieje”.


“Ká ajwela ka inkama 'ni ajnat siuti ana'am. Je ana'am ka inkama napo i'nio', 'wenajliyi jla'am siunie jawo ti jantats'i wita'm. Ana'am, siunie i'nio' ja inta'yi ilia'm ni jinia', siojona asejnia janta pet ilia'm jana jlet, siojona jijwelis janakaye pet jana jikant'e ti janta'yi ilia'm, ja ke 'wenaye napo jitiejiejwasa' ni i'nio', janapokaye ijia jla'am.
“I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i. I'nio' ni je itijlia jana jika cruz, ka ina'm ijyik'i, je 'yu'we ka iwo jika'nionajak'i'm. I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.


“Siunie isi'm aselia'm, ijiate lapakawo ti ya'am ti isi'm ijyilia'm. Jlampet siunie i'nio' ti isi'm ijyilia'm, kia'iyo lapakawo ti isi'm ilia'm siunie i'nio' sijliu'. I'nio' ni isi'm ilia'm ni Sinia' jijwejlanik jiwo, ti iyo'ate, “Aki'm ilia'm kajeyepa ti naka ti Sinia' jikawo ti 'es”, jikaja jawo'ate siunie Sinia' jikawo ti ijiate ti 'es, ka titisietana'a siojona jikajaye pet. Jane'yi pa jantes, je tiwet'ianaja ka i'niata wek paka inwejna'm ka techajaje', jane'yi pa siu'napo kia'lis ti najmin'ni ijyik'i. Ka wo'ate, “Ap'elisi'n kajeyepa ti je 'wena, 'naka ni yamk'ijin'ni ni Jesús”. Ijiate i'nio ni iyoyi naka, ja jikaja poye.”

Listen to Mateo 10