OHÚTU 22ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Anɔ́ɔ Ébrahām kwú iyē í ce abɔ́ɔ ka “Ɔwɔicō géē je.” Ó jāā kwu eko nēé yɔ̄ ī tá ɔkpá nyā ā, ācɛ gē hī abɔ́ɔ kahíníī, ‘Ɛyí ɛfu kú Ɔwɔicō, nōo géē je.’

Anɔ́ɔ Ɔwɔicō da ɔ́ kahíníī, “Kwú ɔyí uwɔ nɔ̄nyīlɔ ékpónú, Áyísīki nōo he uwɔ ɔtū nɛ̄hi ā ú, ká ā ga ajɛ kú Umórīya. Kwú ɔ̄ ú gwɛ́ɛya oyi ɔlá dúúdú gā um ɛyí ɛfu nɛ̄ n géē mafú gā uwɔ āa.”

Anɔ́ɔ alelékwū-ōtɛ̄hɔ̄ ā da ɔ́ kahíníī, “Ā lɛ abɔ̄ kwu ɔyí ā, ká ā yá ɔ̄ ɔdā dóódu ŋ́! Abālɔbányā n jé ka a gē yúúfi Ɔwɔicō, ɛ́gɛ́nɛ̄ á tá ō je ɔyí uwɔ nɔ̄nyīlɔ ékpónú ā gwɛ́ɛya lɛ ɔ́ ŋ́ mā ā.”

Anɔ́ɔ Ébrahām kahíníī, “Ɔwɔicō abɔ̄yī nū géē je éyi wā.” Anɔ́ɔ uwá ɛplɛ́ɛpa bá gē nyɔ̄ tɔ̄há gɔbū á.

N géē hɔ́hā ce uwɔ, n géē kpó ayááyí ga uwɔ nēe géē lɛwa bɛ̄ɛka aínyílɔ́ɔwɔ kú ɔkpáncō ámāŋ ka ikpɔ̄ɔjɛ kú okónu ísu nɛ̄hi ā. É géē yá aólɛla kú uwā lé klla í mīyɛ ɔlɛ́ uwā tɔ̄ɔkwu É géē hɔ́hā ce odúúdú aéwo kú ɛcɛ oŋmá ɛgiyí ayááyí uwɔ, ohígbū ka a lɛyítáajɛ ga um.”

Eko kpií igbīhi nɛ̄ ɛ̄nyā le yá ā, Ɔwɔicō le Ébrahām jámá. Ó le ɔ́ hīgwú kahíníī, “Ébrahām!” Anɔ́ɔ Ébrahām tóohi kahíníī, “Īī, ami yɔ̄ á!”

Amáŋ alelékwū-ōtɛ̄hɔ̄ kú Ɔwɔicō le igwú hī ɔ̄ ŋmá ɔkpáncō kahíníī, “Ébrahām! Ébrahām!” Ó tóohi kahíníī, “Eé, ami yɔ̄ á.”

Anɔ́ɔ alelékwū-ōtɛ̄hɔ̄ kú Óndú ā hī Ébrahām igwú ŋmá ɔkpáncō igbɔhá, da ɔ́ kahíníī, “Óndú ā kahíníī, ‘N gē bī iyē kú ami abɔ̄yī um lɛ gbɔkpá ka n géē hɔ́hā ce uwɔ nɛ̄ɛ̄nɛ̄hi. Ohígbū ɔdā nɛ̄ a yá nyā, ɛ̄nɛ̄ á tá ō je ɔyínɔ̄nyīlɔ ékpónú kú uwɔ ā gā um ŋ́ mā

Eko nɛ̄ é gā ɛga nɛ̄ Ɔwɔicō ka lɛ ɔ́ ā, Ébrahām le ede gwó, anɔ́ɔ ó le ɛfú pla tū ɛyí nū á. Ó le ɔyí nū, Áyísīki ikpó mɛ́mla abɔ̄ gbō, anɔ́ɔ ó kwú ɔ̄ ū cɛyí ɛfú kú ɛyí ede ā.