Isaías 1ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Tupakwö yöawobe Isabenö Jo̧ma ökwödö israel jojodönö: —Chömöledö, bakobe omukwatakwawö yöda̧lakwawaduwo, otiwanö kwö̧jaduwakobetjö̧. Ökwödöma sulabenö ja̧badö kwö̧jaduwobetjö̧, isabenö yȩbekwadöja chömöledö, wanedö yöta̧la, nöinö sulabenö ja̧köbaduwi̧ma, jwiinö duwinö yȩkekwachibaduwinö ja̧ajabe ichejekwa. Jo̧kwaijayonö, yayonö otiwanö dichawadö bakibaduwobö jo̧be chömöledö, wanedö yöta̧la, obeja öwö'ye dewi̧danö bakwainö dewadö bakibaduwobö ina jo̧be.

Jau chömöledö, isabenö otiwanö omukwatö, –Dios wei̧ a̧ja̧kwö dö̧jo, –jö̧ba̧lö weti̧ a̧ja̧kwö kwö̧jaduwitjö̧ma, isabenö otiwanö pjatatakwo̧sa, jadanö yemidanö kwiteboduwi batjo jawa otiwanö kwukwaduwakwedöja.

Otiwa jawa ja̧bö ja̧kwawa kwöwaisachibaduwo, ja̧danö jweinö lȩekwa weköbaduwo. Ju'wedö sulabenö ja̧tja̧wö̧nö pjabatö, tjo̧'wo ösöwachibanö pjakataduwo. Löyödöbi, tjilekwamunö wobekwinadöbi lȩekwa luwedö tjöba a'o tjö̧jenama, tjöbeba̧löjönö pjakataduwo, jobadönö suli̧ tjöwaedapji jö̧ba̧lö, yöawobe Diosma.

Jo̧kwaijayonö, a̧ja̧kwökönö, weti̧ öpöjödö kwö̧jaduwitjö̧ma, isabenö ju'wedö dȩdȩbö lotjakwawö̧ja. Jau chömöledö, ötjö Isabenö Joma jobekwö yötawajabe, ja̧danö isabenö yötawaja̧danö baledakobe, —jö̧balö laebobe Isabenö Jo̧ yöawi̧ma.

—Isabenö ötjönö kwösödaduwobö jö̧ka̧laduwitjö̧ma, kwidichawaduwo, chöba a'otjö sulabe jwibadö kwö̧jaduwakobetjö̧. Chöba a'otjö sulabenö ja̧köbaduwi̧ kakatibaduwo.

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Ja̧ mikwawökö ji̧ kwiyaduwi̧ma, kabatibaduwi. Jau, okobe jwiinö –Diosnö ösödadösa, –jö̧balö ja̧köbaduwi̧ma chöpöjöda, baikwö yöta̧la: Omewi̧ jawa kwujuwaduwi̧ma chöpöjöda, inesö suli̧, jö̧ba̧lö. Ja̧danö ju'wibi yö̧te jawo̧ yabayo̧ jawa ba'ali junadöja, ja̧danö otikwökö möle ba'alibi junadöja, ja̧danö bakobe ko̧ko̧kwö kwö̧jaduwobö jwöbadöja, –Otiwanö Diosnö ösödadösa, –jö̧ba̧lö. Jo̧kwaijayonö, sulabenö jabö kwö̧jaduwonö jobekwö ko̧ko̧kwö kwö̧jaduwobetjö̧, chome 'dibachibökönö chöpöjöda, tjo̧wita, jö̧ba̧lö.

Isabenö ötjönö tjösödo jö̧tja̧lajabe Juda jojodöma, baikwö yötawa, Pakayadöma idöda tjuluwo̧nö waisadö, ja̧danö bu̧lu̧döma idöda tjuluwo̧ kwakwawa iyajiemi waisadö, jö̧tö? Ja̧danö, jobadö tjöwaisi̧danö, chömöledö israel jojodöma ötjönö tjöwaiso jö̧tja̧lajabe, Isabenö Jo̧ Diosda duluwo̧bo̧ma, jö̧ba̧lö, jo̧kwaijayonö wajwibadö. Jau, chömöledö israel jojodöma okwa jawa ja'yubebi omukwatöködö, pakayadötjöbi, buludötjöbi baikwönönö wajwibadö israel jojodöma.

—Jau, jwiinö chöpöjödobe chöba a'o ba'ali kwujunaduwi̧bi, ju'wi ko̧ko̧kwö kwö̧jaduwi̧bi, ida̧ökö yelösöda ömökinö baibajabe ichejekwa, jwiinö chöpöjödinö baibajabe.