Uñedye' 17ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Muꞌ yi paj chimeꞌ qui muntyiꞌ in quevte in jeñej tocoꞌ tocoꞌ quevacsi jedyeꞌ, vatyquej täjtete jụijyaꞌ in. Muꞌ qui namꞌ úyaꞌ c̣hẹiꞌyaꞌ tsunyaꞌ

Muꞌ jämꞌte tashchety muntyiꞌ, muꞌĉantyiꞌdye shupqui in, dayi räj jacchety muntyiꞌ q̂uinꞌ in, muꞌdye yi paj qui paiꞌ bäꞌyi úcheꞌ jaccheꞌ in, judyeyaꞌ yụꞌtyeyeyacsi tsạꞌsiꞌ, juñucsiꞌ chuc raꞌ yómodyeꞌ bäꞌyi in, chimeꞌdye junanaj chuc raꞌ bäꞌyi in, meꞌ meꞌ yụꞌtacsi Jenꞌ.

Muꞌ Jenꞌ jämꞌtyety ọij jac räjtumdye jedyeꞌ in, muꞌ nash anictyity Ayoꞌ tsun ĉọjcaiꞌtyiꞌ ọij jac judyeyaꞌ mạyedyeꞌ. Muꞌ jam joꞌmesĉan bäꞌyi acaꞌĉan jämꞌtyes muntyiꞌ in

ĉaĉaij na muꞌ aty yụꞌtyeꞌ tupudyeꞌ muꞌ junꞌsiꞌ chuc raꞌ jịꞌcäts yụꞌtacsi juchadyeꞌyaꞌ muntyiꞌ in. Jenꞌ jayuꞌti yirity muntyiꞌ, muꞌ raꞌ jịꞌcäts yụꞌtacsi räj, mijam raꞌ junꞌ cäj jéyacsi muntyiꞌ in. Muꞌ yụꞌtactyiꞌ muntyiꞌ Jenꞌtyiꞌ muꞌ, muꞌ säñity, Jenꞌ qui namꞌ jajiꞌtsaꞌibun muꞌ, mọꞌ jorojĉanjeyacsiꞌ räj muntyiꞌ in muꞌdye Jenꞌ meꞌ jayuꞌti —yi Pablo jéyacsi muꞌĉantyiꞌ in.

Anicdye meꞌ Jenꞌtyiꞌ vóshiꞌ tsun, mọꞌdyes jam raꞌ cäj muꞌ dyijtuja Jenꞌ, muꞌ jam jeñej jämꞌtacdyeꞌ mijam muꞌ oro jämi, mijam plata mijam mij chimeꞌ. Muntyiꞌ in ĉụiꞌsiꞌyaꞌ dyijyedyeꞌ muꞌin jämꞌtyeꞌ jämꞌtacdyeꞌ muꞌin, muꞌ qui namꞌ Jenꞌ jam muꞌ joꞌmes.