Matius 26ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mekambotoomu bhe sambaheaꞌomu, keana nokantibhakoomu kasoba. Daanumo totono lalo neangka, tamaka o mbadha nonale.”

Nopugau ne anaguhuꞌino totoluno maitu, “Nokompeaha sepaliꞌa laloku, kao-kaomo amatemo. Mengkoha-ngkohaomu ne ini, mekambotoomu bhe kodhagaomu pobhai kanauꞌomu.”

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Tangasano dohumaa, Yesus nealamo roti maka nefoampe katumpuno lalo ne Lahataꞌala. Roti anaꞌa nobhebhehaemo maka nowaꞌandae anaguhuꞌino bhe nopugau ambano, “Alaeꞌomu maka humaaꞌeomu, mbadhakumo inia.”

Palusi anaꞌa nealamo dua kampohoꞌuꞌa, nefoampe dua katumpuno lalo ne Lahataꞌala maka nowaꞌandae anaguhuꞌino. Ambano, “Fohoꞌuomu kosasawimiu maiꞌao ne kampohoꞌuꞌa aini.

Pada anaꞌa nosulimo se anaguhuꞌino, gahaꞌa nohatofida doodomo. Nopugaumo ne Petrus ambano, “Pae tumahaomu bhahaa mekambotoomu nasedhamu pobhai kanauꞌomu?

Amohatokoomu, notanda aitu paemo aohoꞌua angguru ampa oleono aohoꞌu angguru buꞌou, apoowa-owa bhe hintimiu weo Kafopahintaꞌano Amaku.”

Petrus nofeꞌulaimo pugauno Yesus, “Paeꞌo nakumakuhua manua, natolu pakumo gumaga miina mandeꞌa kanau.” Pada anaꞌa nolimbamo bhe noꞌae, nokompeaha sepaliꞌa lalono.

Wanumoomu dokalaanaomu! Woha itu, mie so mowa kanau nomaꞌomo.”

Ambano Yesus ne mie anaꞌa, “Pusoloe kampuemu itu, kapaꞌamo kotika mepakeno kampue namateꞌao dua kampue.