Popular Bible Verses from Matthieu 6

ಹಂಚಿಕೊಳ್ಳಿ

Pangani ébuta mane mokumu aNzambé na gôéénda éne ényôngéô angô, na vane angoomba énôkôndéga évo yôma ébutanye.

Nômbiakebangana gô mane mamene. Panda yamene te yamene. Inya n’enya ôndé na yedi panda.

Me Jésus, nanôbeenda mbe, nômbiakebangana gô môyakô ôngaa anye, na meba manganyua anye gô monyoe ôdôô. Nômbiakebangana béyé gô maduani mangaatanye gôékenea yôtô yanyô. ?Monyoe ôsootéa môyakô‐ma? ?Otôe ôsootéa maduani‐a?

Gôndé éwe, vavovo éwe na Nzambé, ingéa gô tsongone yoo na kukéga ôkukée. Vovo na Tétoo andé n’ewe gô tungu éav’esooe. Tétoo amenya mabégô mav’esooe, na angagôétsa môsenda.

Nôeni mônongoe ônyepa évovo na Nzambé. Nôvovo te mbe: Tétasô ôndé g’ôba Nanyôngéô mbe inoo éneegedu. Nanyôngéô mbe ôkumue woo ôviga gôétôma. Nanyôngéô mbe oma eenda va tsina éne ényôngéô éwe, Mônongovo geendô éne ényôngéô éwe g’ôba.

Itsa we môyakô akuanakue n’asô deo noo.

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Okô anye nôsingéyi akanyô kokoo gô mabégô mabévani meendangô anye, Tétanyô ône andé g’ôba anganôsingéa dôta kokoo.

Bononi nyoyi diveeani. Nyoeye dine disagaaba tsaga, na disakuéga migônô. Disakata môyakô gô papa. Na Tétanyô, ône andé g’ôba abôngôa nyoeye dine. ?N’anye oma, na nyoeye, ône ootéa na tsoongo va mbene aNzambé indaa? Te anye oma.

Nômbiavaga ôkitie wanyô éva gô tsengene. Gô tsengene mangbangba na nyanga ébunza éôma. Eésui apada yeba gôébongo éôma. Ivô vagani ôkitie wanyô gô tsenge éag’ôba éaNzambé. G’ôba gôsaba mangbangba na nyanga gôébunza éôma, pengo ta na pesu. Na dôta gôsaba éésui apada yeba gôébongo éôma. Môtémoo ôndéké gô tungune évagewe ôkitie woo.

Môma asoongôa éyanzéa kumu diabaé kuképo. Angadudu épo na anganyôngéô épo. Angagobeda épo na angeenza épo. Okiti ôndéké ga kumu gôétôma môtéma amôma. Anye nôsoongôa égobeda aangô na Nzambé kuképo.

Nzambé aatéda éétété na mabunza magô pindi gô mônongoe waô ônyepani, na éangô te éapitsi épo. Mene éngabéku gô soto. Tambô gôndé anye oma ?Nzambé asangootéa éaatéda anye éamisôba‐a? Gô mane moongôa Nzambé éyanza, pagaye yanyô dipoo.

Ivô vangeetsewe misgua yôma ôbiia te buedi mbe ôétsa v’esooe mbe buéyé mômane woo amôtéma asangamenya éne éétsi éwe. Itsaka misuga yôma ôbiia v’esooe. Na vane, Tétoo ône eena v’esooe angagôétsa ôséngu.

Nômbieenda mayanza manyô mamisôba va miso moma gôébuta éséngu n’ahngô ôséngu. Okô nôéndi nane, nôsangeetsô misenda na Tétanyô, ône andé g’ôba.

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô. Ivô, vakinewe môyakô gôévovo na Nzambé, ôokea meba na ôpatséda tsôgéye, kabaga ônyemôga mbe: Me nanyepa gôndé Nzambé gôkina me môyakô gôévovo n’edi. Tétoo Nzambé andé wangô gô tungu évangi éwe n’edi gôékina môyakô. Tétoo amenya mabégô mav’esooe na angagôétsa môsenda.