SAHRUOTHUNA 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Caacuonakawta ABYIPA ta alyi lie cawsaa a sapa yi kha a ngiepachiy te a palung pha vyi.

ABYIPA ta alyi lie cawsaa pha lina a lenazya hne ama pathiypalung lie ama ruepa hne ama pacuopa bangkhuo a pha lipa selaw ta a cuo paripa kha a hmung.

Cuorasala Noah ca ABYIPA hmiekunglie kha hmiephaa a hmung.

Noah ciypathla ca hingpa zaw hingta ama cuo. Noah ca cawsaa aa dangpa hne a chuo lieta risie a aw lipa hne Khazing hneta a hringpa a cuo.

Caacuonakawta ABYIPA ta, “I sapa cawsaa, saruopa, a pavaw ta a thiylepa hne thliy lie a zupa pavaa bangkhuo hing alyi taata i pahli diy'a yi; tahematapakieca iema i sapa yi hingna i ngiepachiy,” a ta.

Alyi lie cawsaa pungzaa yi te, sacanung zaw kha ama sa tiyta, Khazing sacapaa zaw ta ama puvthepa kha hmung yi te, ama khingpa kha a tlaw yi te napuv ta amaa tue. Cakhutaata ABYIPA ta, “I thlaapa hing cawsaa zaw hrawlie chuozaa ta aw pathla'a vyi, tahematapakieca iema ca thiysaa tana ama cuo; ama kung ca kung 120 cuo se,” a ta. Capa cuo ning hne capa khutaa zaw ca ta Nefilim tie hing alyi lie za aw yi te, Khazing sacapaa zaw ta cawsaa sacanung zaw a hlaw yi te ama sapa saata zaw ta ama cuo. Iema ca a hluo ningta cawsaa riephapa hne mingpathuopa tie ta ama cuo.

Noah ca Khazing ta naw a pipa bangkhuo kha a tue diy.

Caacuonakawta Khazing ta Noah kha, “Cawsaa hing ama bangkhuo ta para diy riypa tana bie i chi tli, tahematapakieca iema nakawta alyi hing tuechiena tana a bi tli, caacuonakawta iema ca alyi hne hing tana i para pakhaw'a yi,” a ta.

Saipres thing ta namata tah tiypalaw suokha sa la a khuo zaw kha tue la achung hne ale taa khata kattazaa thuv diy tie.

Khazing ta alyi ca a ra ta pata a hmung; tahematapakieca alyi lieta cawsaa bangkhuo ama cyicuo ta ama ra diy.

A hringpa saruopa bangkhuo taata a canung hne a capaa kha a ba ta la'a cate nama hneta ama hring ra riypata tiypalaw chung luo ca naa ngiekhyi'a yi.