မးသဲ 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ကၱာ်​ဒီ ပၠၤ​ဓဳၤ​လၤ​ဝှါ မှၱး​တ့း​ဒဳၣ်, ပၠၤ တ​ဖျး လၤ​ကျဳၤ​ပာ်​လှူၣ်​နီး. မၱာ်​ပၠၤ​ဘဲ​ထာ်​အ​ထူၣ်​ခဳး စာ် ဘိ​ထဲၢ်​အ​က​လှၱ ဘဲာ်​ပၠၤ​လဳ​စါ​စဲး​အ​အီၣ်​ရှံၣ်​ပူၤ တ​စီာ်​နဳၤ. မဲၤ​က​နဳၤ​ဒဳၣ်, သံ​တဲၤ လှၱ က​လှၱ ဒီ​ဧဲၤ​ပၠၤ​အ​လှီ​မီၢ်​စာ်​ဘိ​ထဲၢ်​ပၠၤ​က​စာ်​ထၱး​သံ​တဲၤ​ဖၱး တဲၤ​မဲၤ​အ​ဝၱၤ အ​အဲး, ကၱာ်​ပၠၤ​က​ပဲၢ်​တီၤ​ပဲၢ်​သ့း​ပီၢ် သံ​ပာ်​အ​အီၣ်​ဒဳ​မီၢ်​ခဳး​တ​ပွဲၤ​နဳၤ.

“​သံ​မၱာ်​လၢ်​ခဳး​အ​တဲၤ​လှၱ. အူး, ထဲၢ် အ​အီၣ်​ခီ​မူၤ ခဳး​တ​အူး နဳၤ, အ​တ​အီၣ်​ဘံာ်​ဇၤ​နီး.

အ​ဘဲာ်​ဟိး​ဝၱၤ​မၱာ် ပၠၤ​အ​သဳး​ဝၱၤ​သး​စါ တ​စီာ်​နဳၤ. မၤ​နဲၢ်, စ​က​စာ်​ထၱး​ဘဲာ်​ကီ​က​ဘၱာ်​စဲာ်.

အ​ဘဲာ်​ဟိး​ဝၱၤ​မၱာ် ပၠၤ​အ​သး​ဝံာ်​သး​အီ တဲၤ​တၱၢ်​တဲၤ​မှး တ​စီာ်​နဳၤ. မၤ​နဲၢ်, စ​က​အၣ်​ဘဲာ်​ကဳး​အီ​ဘဲာ်​ကဳး​ကီ.

မၱာ်​ယဲၤ​ယဳၤ, ယ​ဒီၣ်​သံ, ဘဲာ်​လီၢ်​ပီၢ်​သံ​ဒ့​ဒီၣ်​ရီၢ်​ခဲး, ကၱာ်​ဒီ​သ​ဘဲ​ပီၢ်​ပၠၤ​အ​လိၤ မဲၤ​ဆဲး​ညဲ သံ ကၱာ် အ​ဒီၣ်​ကဲ​ဒီၣ်​အိး​သံ​မံၤ​သံ​ခဲ​တ​စီာ်​အ​နံၤ​ခံ.

“​အ​ဘဲာ်​ဟိး​ဝၱၤ​မၱာ် ပၠၤ​အ​ဆဲး​ညဲ ဒဳ​အ​သး​ပူၤ​တ​စီာ်​နဳၤ. မၤ​နဲၢ်, မီၢ်​ခဳး​အ​ထံ​အ​က့ၤ​မၱာ်​စ​အဲ.

အ​ဘဲာ်​ဟိး​ဝၱၤ​မၱာ် ပၠၤ​အ​မဲၤ​ယံၢ်​မဲၤ​ဒွါ တဲၤ​တ​စီာ်​နဳၤ. မၤ​နဲၢ်, တဲၤ​က​ယဳၤ​ကီ​စဲာ် က​ဘၱာ်​စဲာ် အ​ဖဳး.

အ​ဘဲာ်​ဟိး​ဝၱၤ​မၱာ် ပၠၤ​အ​သဳး​အဳး​သး အဳး, ယဳၤ​ဟး​တ​စီာ် နဳၤ. မၤ​နဲၢ်, တဲၤ​က​မဲၤ​မီၤ​ထာ်​က့ၤ​ကီ​စ​သး.

အ​ဘဲာ်​ဟိး​ဝၱၤ​မၱာ်​ပၠၤ​အ​ခး​ဘဲာ် တဲၤ​လိၤ​မဲၤ​ဆဲး​ညဲ​တဲၤ​တၱၢ် တဲၤ​မှး​အ​ခဳး​အ​စဲ​တ​စီာ်​နဳၤ. မၤ​နဲၢ်, မီၢ်​ခဳး​အ​ထံ​အ​က့ၤ​မၱာ်​စ​အဲ.

အ​ဘဲာ်​ဟိး​ဝၱၤ​မၱာ် ပၠၤ​အ​ခီၣ်​ဝဲၤ​တဲၤ တ​စီာ်​နဳၤ. မၤ​နဲၢ်, တဲၤ​က​ခီၣ်​ဝဲၤ​မှီး​ဘဲာ်​ကီ​စဲာ်.

“​သံ​ဘဲာ်​ဟိး​ဝၱၤ ဘ့​ယ​ခဳး​ယ​စဲ ပၠၤ​ဒီၣ် ကဲ​ဒီၣ်​အိး​သံ, ပၠၤ​က​လိၤ​မဲၤ ဆဲး​ညဲ​သံ, ကၱာ်​ပၠၤ က​ပၢ်​ဝဲၢ်​ဖြီး​သံ​လီၤ တဲၤ​က​မဲာ်​အ​ရါ​နဳၤ. သး​က​နၢ်​အံာ် ကၱာ်​သး​လဳၢ်​သး​လၤ​အံာ်​ပီၢ်. မၤ​နဲၢ်, သံ​ဆိး​သံ လှဲ​ဓဳၤ​သ့​ပွ့ၤ​ဒဳ​မီၢ်​ခဳး​နဳၤ. မၤ​နဲၢ်​က​ဒီၣ်​ဓဳၤ​ဒဳၣ်, ပၠၤ​လိၤ​မဲၤ​ဆဲး​ညဲ​လံၤ​လံၤ​ထဳ ဝံ​ထဲၢ်​အ​အီၣ်​အူ​ဆူး​ကဲၤ​သံ​တ​စီာ်​နဳၤ.

အ​ဘဲာ်​ဟိး​ဝၱၤ​မၱာ်​ပၠၤ​အ​သဳး​ဘၱာ် သး​ယူၢ်​တ​စီာ်​နဳၤ, မၤ​နဲၢ်, စ​က​နံၤ​ဘဲာ်​ကီ​ထံ​က့ၤ.

“​သံ​မၱာ်​လၢ်​ခဳး​အ​ဒံာ်​သဲာ်. ဒံာ်​သဲာ်​က​တ​ၡံ​မၤ​နီး​ဒဳၣ်, တၤ​က​မဲၤ​ၡံ​ဒီ​စဲာ်​နဲၤ. အ​တ​ဝၤ​နံၤ​ပ့ၤ​တၤ​တ​မံ​နီး, မၱာ်​ပၠၤ​က​ပၢ်​ဖျီး​မံ ကၱာ်​က​ခဲ​ထာ် ယၢ်​ထာ်​အ​ခဳး​ပ့ၤ​လီၤ.

အ​စာ်​ဘိ​သံ​ပာ် အ​အီၣ် ဒဳ​မီၢ်​ခဳး​တ​ပွဲၤ​ဝၱၤ​စါ​ပ့​ထာ်​ဇီၤ​ထာ်​နဳၤ, သံ​မၱာ်​မၱာ် ပ့​ထာ်​ဇီၤ​ထာ်​ပီၢ် က​နဳၤ.”

သံ​တဲၤ​ယၱၢ်​ဘဲာ်​က​မၱာ်​ဒီ​ဧဲၤ, အီၣ်​ဒဳၣ်​အီၣ်, နီး​ဒဳၣ်​နီး. တဲၤ​ယၱၢ်​ဘဲာ် အ​ဖျီး​တ​လိး​ကၱာ်​အ​ဘး ခဳး​နဳၤ​အီၣ် ထာ်​ကိာ်​ကၱာ်​တဲၤ​ကၱ​ကဲာ်​လီၤ.

“​သံ​သၱာ်​ဟဲ​ဘဲာ်​ထဳ​တဲၤ​ဒီၣ်, ‘​ကၢ်​ဓူ တ​ဖျဳး​အ​လံၢ်​ကၢ် ဓူ​တ​ဖျဳး, ကၱာ်​ဒီ​သိ​တ​ဘဲာ် အ​လံၢ်​သိ​တ​ဘဲာ်​နဳၤ.’ မၱာ်​ယဲၤ​ယဳၤ​ယ​ဒီၣ် သံ​မဲၤ က့ၤ​ပီၢ်​မဲး​တဲၤ​ကၱ​ကဲာ် အ​လံၢ်​မဲး. ပၠၤ​တ​ပွဲၤ​က​ဒဲး​န​နၱၤ​ထၱး​အ​တ​ထွဲး တ​ခီ​ဒဳၣ်, ဒး​ဝဲၢ်​နံၤ​ကိာ်​စဲာ်​အ​တ​စၱး​တ​ခီ​ဘဲာ်.

န​ကၢ်​ဓူ​အ​တ​ထွဲး​တ​ဖျဳး က​မၱာ်​မၤ​န​နံၤ​ခံ တဲၤ​ဆဲး ဖြီး​ကျဲး​ဒဳၣ်, စ​ဝၱ​လၤ​တ့ၢ်​ဝှါ, ဝှ့​ဖျီး​မံ​ပီၢ်. မၤ​နဲၢ် က​ဒီၣ်​ဓဳၤ​ဒဳၣ်, အ​အဲး​ဒဳၣ်​ချဳ​မၱာ်​က​ဆူး​က​ပး​က​န့ၤ ဘၱ​စဲာ်​တ​ကီ​တ​ကၱာ် ဒဳၣ်​လံ​ကၱာ် က​လၤ တ့ၢ်​နံၢ် လ​ရာ်​အ​ပူၤ​သ​ဒဲ​ပွဲၤ​ဒဳး​တ​ခီ. ကၱာ်​ဒီ​န​စူး​ခီး အ​တ​ထွဲး​တ​ခီ​က​မဲၤ​လၤ​ခူး​နံၢ်​နဲၤ​တဲၤ​ခီၣ်​ဝဲၤ​အ​ပူၤ​ဒဳၣ်, ကျါ​ထဲ​ဓူၢ်​ဝှါ​ဒဳၣ်​ဝှ့​ဖျီး​မံ​စဲာ်. မၤ​နဲၢ် က​ဒီၣ်​ဓဳၤ​ဒဳၣ်, အ​အဲး​ဒဳၣ်​ချဳ​မၱာ်​န​စူး​န​ခၣ်​တ​အီၣ်​နီး​တ​ခီ​ဒဳၣ်​လံ​ကၱာ်​န​လၤ​တ့ၢ် နံၢ်​လ​ရာ်​အ​ပူၤ​သ​ဒဲ​ဗွဲ​နဳၤ.