रोमीकु 1ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ईङ बेस खभाईर तरअः काईंग लाजोआ, निआँ लःअय ची होना, हुंकू जामा बि-बिसवासकु लःअय पहिल दो जाहुदी फिन एटाअ जाईतकु लःअय, उ-उधार खातिर परमेसर आला समरथ हेके।

एता लःअय ची बेस खभाईर रे परमेसर आला धरमिकता बिसवास तरअः आउर बिसवास लःअय दिसतारोआ, जे लकान पबितर पुथी रे लिखा लअः एदनाआ, “बिसवास तरअः धरमीकु जिवीःड ताही कोआकु।”

हुनी आला का नेलोअ वाला गुन, माने कि हुनी आला जुग-जुग ताहिनोअ वाला समरथ आउर परमेसर आला चाईल-चाकर, दुनिया रेनअः सिरजअः बेरा तरअः परमेसर आला काम तरअः नेनेल रे हिजोआ, नोःआँ जगुत ची हुंकू दुबाःड़े जबाप कनोआँ।

नोःआँ चलते ची परमेसर के पाड़ी केते होः हुंकू परमेसर के परमेसर जुकूर बड़ाई आउर धन्यवाद काकु लिया, बकिर हुंकू आला बिचार रे बेकार ना, नुमिन जगुत ची हुंकू आला निरबुधी मन अंधार ना।

एता लःअय ची हुंकू परमेसर आला सचाई के बदलाव केते झुठा बनाव केदाकु। आउर सिसिरजावी के, जे जुग-जुग स्तुति जुकूर एदानिया! बाई केते सिरजाव लअः के उपासना आउर सेवा लअकु, आमीन।

सिरमा तरअः परमेसर आला खीस हुंकू मनवाकु आला जामे बरन रअः गादुस काम आउर बेलुराकु रे दिसतारोआ, एता लःअय ची हुंकू बुराई तरअः सचाई के दबाव तअकु।

हिना लःअय परमेसर हुंकू के गादुस इकछा आउर घिनाअ केन काम लःअय बाई किदकुआय, नोःआँ जगुत ची हुंकू आलकु आउराईतकु होः होड़ो रेनअः उचित संबंध के बाई केते का-उचित होड़ो संबध एहेःब लआकु। हिना लकान मरदानाकु होः आउराईतकु लोः होड़ो रेनअः उचित संबध के बाई केते अपास रे गादुस इकछा रे लोयोअ तनाकु। आउर मरदानाकु, मरदाना लोः लाज-लाजुवा काम कामी केते अपन बगड़ाल चाईल रेनअः ठीक डांड़ नाम लअकु। हुंकू परमेसर आला गेयान के किमती काकु समझाव नेना, दो परमेसर होः हुंकू के, हुंकू आला गादुस सोंच-बिचार तेंग रे बाई किदकुआय ची हुंकू का-बेस काम कामी एकाय कु।

हुंकू अपन के बुधीमन समझाआकु बकिर हुंकू मुरुख पाड़ीअ नाकु। आउर हुंकू, का-अन्तोः वाला परमेसर आला महिमा बाई केते नासोअ वाला मनवा, आउर ओड़ेकु, आउर चाईर गोड़वा, आउर रेंगाअ खाता जीव-जन्तु आला लकान मुरती रअः भेस रे हुंकू के बदलाव लिकुआकु।