Yona 1
1
Yona nɨ Yehova ti gàjʉ sɨ̀ vɨɨ
1Oꞌdú àloo yɨ̀, Yehova ꞌyo Yona Amitayi mvápi drʉ vɨɨ yɨ́ kɨ́nɨ̀, 2“Mɨ mu àkú ìmgbélé Nineve nɨ vɨɨ alɨa díká mɨ mu ꞌba ndee ɨnɨ bílé lɨ àrɨ̀yɨ̀kʉ ɨ̀zatà ɨnɨ ꞌole vɨɨ ɨnɨ ma nì ra, ànɨyɨ̀ lè ɨnɨ kʉ́ ɨ̀zatà ndee ɨnɨ rá.” 3Te Yona gà Yehova ti sɨ̀, ɨga eꞌyo dujʉ ɨ̀rɨ bʉ vɨɨ yɨ̀ vàlà àngʉ̀ omvele Tarasisi drʉ vɨɨ alɨa. Ànɨ ɨlʉ ɨ̀lèè kúti mélì tujʉ Yopa drʉ vɨɨ alɨa, isú vɨɨ dèè mélì àloo nɨ lèe drì koko. Tèvɨ́nɨ òfè àje àcìka ndee nɨ vɨɨ ra, díká tu mélì ndee alɨa dùjʉ Yehova bʉ vɨɨ yɨ̀ vàlà Tarasisia ra. 4Te Yehova pè vìlìrì nzìzà vɨ́ɨvɨɨ tia lɨjʉ mèrè ndee drìa yɨ̀, ànɨ vìlìrì ndee aꞌya mélì ndee lèjʉ ɨ̀rɨ yɨ́ fèjʉ nɨ àsʉjʉ àsʉ drʉ. 5Eꞌyo ꞌdɨ̀vɨɨ yɨ̀, ꞌba mélì ndee alɨa vɨɨ cá òrìyɨ̀ tʉ, fè ꞌba ndee eꞌdó màa òꞌba àálé oru yɨ̀ orɨa ꞌyowa mgbimgbi vɨɨ ɨnɨ bʉ àzàkoma àꞌíjʉ. Tevɨ́nɨ ꞌba ndee zé térí nzìzà mélì ndee alɨa vɨɨ yíá ànɨ mélì ndee ɨrɨ ca àwúàwú benì. ꞌDìvɨɨ isú dèè Yona fɨ nɨ la kara ava lɨjʉ mélì sotia vɨɨ alɨa oꞌdúko. 6Agú ìmgbélé mélì ndee drìlia drʉ vɨɨ mu Yona nɨ ɨ̀nga ꞌyo ɨ̀rɨ́ yɨ́ kɨ́nɨ̀, “Mɨ oꞌdú koo ɨ ngóningóni yà? Mɨ zi eꞌyo orɨa mɨ àwo vɨɨ tia àrɨ̀yɨ̀kʉ ɨco alóo àma òpa eꞌyo ɨ̀wa drʉ ꞌdɨ̀vɨɨ alɨa nɨ̀ fèjʉ àmanɨ drìjàjʉ kʉ benì.”
7Àzíꞌbá mélì ndee alɨa vɨɨ ꞌyó kɨ́nɨ̀, “Àma ꞌbé ɨ̀ꞌya nìjʉ drìleònzɨ ꞌdɨ̀vɨɨ ɨnga àrɨ ꞌbʉ yà vɨɨ benì díká ꞌbanɨ eꞌyo ndee ꞌbàjʉ ɨ̀rɨ rúá ànɨ.” Ɨnɨ nɨ eꞌyo ꞌdɨ̀vɨɨ ꞌojʉ ꞌba, ɨ̀ꞌya ndee zò Yona drìa. 8Butia zí Yona nɨ kɨ́nɨ̀, “Mɨ jɨ eꞌyo ɨ̀wa drʉ àma drìa vɨ́nɨ àrɨ eꞌyo yɨ̀ yà? Mɨ nga ngʉ̀a yà? Mɨ àrɨkòo nɨ yà? Mɨ ɨnga kárí ngoo alɨa yà? Díká mɨ rɨ àrɨ àzí nga ɨ yà?” 9Yona òmvɨ ɨnɨ yɨ́ kɨ́nɨ̀, “Ma Iburanio nɨ, ma Yehova Orɨ ꞌbù ꞌbàle nyawú be vɨɨ ìnzi ɨ, ꞌdɨ̀vɨɨ Orɨ yí ɨnɨ òꞌbàle nyawú be vɨɨ ɨ.”
10Ànɨyɨ̀ Yona nɨ ꞌyojʉ ꞌba mélì naa alɨa vɨɨ ɨnɨ yɨ́ nɨ dùu Yehova yɨ̀ vɨɨ ꞌba, ꞌba ndee cá òrì yɨ̀ tʉ̀ ànɨ kɨ́nɨ̀, “Eꞌyo mɨnɨ ꞌole ꞌdɨ̀vɨɨ ɨ̀rɨ eꞌyo ònzɨ nɨ.” 11Yí ndee nɨ ace rɨle òkpò ꞌbàle àsúú vɨɨ yɨ̀, ꞌba ndee zí Yona nɨ kɨ́nɨ̀, “Lè àma ꞌó mɨ ngóni yí ꞌdɨ̀vɨɨ nɨ orɨjʉ àma yɨ́ dàà?” 12Yona òmvɨ ɨnɨ yɨ́ kɨ́nɨ̀, “Àmɨ ꞌbé ma yíá ànɨyɨ̀ yí ꞌdɨ̀vɨɨ nɨ ngaa orɨɨ ra. Ma nì ra eꞌyo ꞌdɨ̀vɨɨ ɨnɨ drɨ́á ma fè nɨ̀.” 13ꞌBa ndee léé àꞌbaa Yona nɨ ꞌbe yíá kʉ, ráaka rɨ́ drìci lèjʉ mélì ndee tia jijʉ kúkutia àjalele drʉ. Te oꞌbí kpé àrɨ̀yɨ̀kʉ yí ndee òkpoa nɨ tule àsúú vɨɨ yɨ̀. 14ꞌDànaa butia zí Yehova nɨ àálé oru yɨ̀ kɨ́nɨ̀, “Kɨ́rɨ́kɨ̀rɨ̀ Yehova lá, mɨ fè àmayɨ́ panga agú eꞌyo koko ꞌdɨ̀vɨɨ drìa jàle vɨɨ yɨ̀ kʉ. Yehova lá, eꞌyo ꞌdɨ̀vɨɨ ꞌonɨ kòꞌbò mɨnɨ òtìle vɨɨ lé.” 15Tèvɨ́nɨ ꞌba ndee ꞌdú Yona nɨ ꞌbe mèrè ꞌole ngʉ̀làngʉ̀là vɨɨ alɨa ra díká mèrè ndee orɨ ace dàà. 16Ànɨyɨ̀ ꞌba ndee òrí Yehova nɨ tʉ̀, ɨté ɨtetaa Yehova yɨ́ rá díká só òyò ɨ̀rɨ ìnzìjʉ ɨ̀ndɨ̀. 17Te isú vɨɨ dèè Yehova fè ìꞌbi àloo ìmgbélé vɨ́ɨvɨɨ ngónde Yona nɨ kɨ̀jʉ ra díká Yona ovʉ ìꞌbi ndee alɨa oꞌdú pɨpɨ na ìtú ɨnɨ iní be.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yona 1: MADI-URL
Highlight
ಹಂಚಿಕೊಳ್ಳಿ
ಕಾಪಿ
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Yona 1
1
Yona nɨ Yehova ti gàjʉ sɨ̀ vɨɨ
1Oꞌdú àloo yɨ̀, Yehova ꞌyo Yona Amitayi mvápi drʉ vɨɨ yɨ́ kɨ́nɨ̀, 2“Mɨ mu àkú ìmgbélé Nineve nɨ vɨɨ alɨa díká mɨ mu ꞌba ndee ɨnɨ bílé lɨ àrɨ̀yɨ̀kʉ ɨ̀zatà ɨnɨ ꞌole vɨɨ ɨnɨ ma nì ra, ànɨyɨ̀ lè ɨnɨ kʉ́ ɨ̀zatà ndee ɨnɨ rá.” 3Te Yona gà Yehova ti sɨ̀, ɨga eꞌyo dujʉ ɨ̀rɨ bʉ vɨɨ yɨ̀ vàlà àngʉ̀ omvele Tarasisi drʉ vɨɨ alɨa. Ànɨ ɨlʉ ɨ̀lèè kúti mélì tujʉ Yopa drʉ vɨɨ alɨa, isú vɨɨ dèè mélì àloo nɨ lèe drì koko. Tèvɨ́nɨ òfè àje àcìka ndee nɨ vɨɨ ra, díká tu mélì ndee alɨa dùjʉ Yehova bʉ vɨɨ yɨ̀ vàlà Tarasisia ra. 4Te Yehova pè vìlìrì nzìzà vɨ́ɨvɨɨ tia lɨjʉ mèrè ndee drìa yɨ̀, ànɨ vìlìrì ndee aꞌya mélì ndee lèjʉ ɨ̀rɨ yɨ́ fèjʉ nɨ àsʉjʉ àsʉ drʉ. 5Eꞌyo ꞌdɨ̀vɨɨ yɨ̀, ꞌba mélì ndee alɨa vɨɨ cá òrìyɨ̀ tʉ, fè ꞌba ndee eꞌdó màa òꞌba àálé oru yɨ̀ orɨa ꞌyowa mgbimgbi vɨɨ ɨnɨ bʉ àzàkoma àꞌíjʉ. Tevɨ́nɨ ꞌba ndee zé térí nzìzà mélì ndee alɨa vɨɨ yíá ànɨ mélì ndee ɨrɨ ca àwúàwú benì. ꞌDìvɨɨ isú dèè Yona fɨ nɨ la kara ava lɨjʉ mélì sotia vɨɨ alɨa oꞌdúko. 6Agú ìmgbélé mélì ndee drìlia drʉ vɨɨ mu Yona nɨ ɨ̀nga ꞌyo ɨ̀rɨ́ yɨ́ kɨ́nɨ̀, “Mɨ oꞌdú koo ɨ ngóningóni yà? Mɨ zi eꞌyo orɨa mɨ àwo vɨɨ tia àrɨ̀yɨ̀kʉ ɨco alóo àma òpa eꞌyo ɨ̀wa drʉ ꞌdɨ̀vɨɨ alɨa nɨ̀ fèjʉ àmanɨ drìjàjʉ kʉ benì.”
7Àzíꞌbá mélì ndee alɨa vɨɨ ꞌyó kɨ́nɨ̀, “Àma ꞌbé ɨ̀ꞌya nìjʉ drìleònzɨ ꞌdɨ̀vɨɨ ɨnga àrɨ ꞌbʉ yà vɨɨ benì díká ꞌbanɨ eꞌyo ndee ꞌbàjʉ ɨ̀rɨ rúá ànɨ.” Ɨnɨ nɨ eꞌyo ꞌdɨ̀vɨɨ ꞌojʉ ꞌba, ɨ̀ꞌya ndee zò Yona drìa. 8Butia zí Yona nɨ kɨ́nɨ̀, “Mɨ jɨ eꞌyo ɨ̀wa drʉ àma drìa vɨ́nɨ àrɨ eꞌyo yɨ̀ yà? Mɨ nga ngʉ̀a yà? Mɨ àrɨkòo nɨ yà? Mɨ ɨnga kárí ngoo alɨa yà? Díká mɨ rɨ àrɨ àzí nga ɨ yà?” 9Yona òmvɨ ɨnɨ yɨ́ kɨ́nɨ̀, “Ma Iburanio nɨ, ma Yehova Orɨ ꞌbù ꞌbàle nyawú be vɨɨ ìnzi ɨ, ꞌdɨ̀vɨɨ Orɨ yí ɨnɨ òꞌbàle nyawú be vɨɨ ɨ.”
10Ànɨyɨ̀ Yona nɨ ꞌyojʉ ꞌba mélì naa alɨa vɨɨ ɨnɨ yɨ́ nɨ dùu Yehova yɨ̀ vɨɨ ꞌba, ꞌba ndee cá òrì yɨ̀ tʉ̀ ànɨ kɨ́nɨ̀, “Eꞌyo mɨnɨ ꞌole ꞌdɨ̀vɨɨ ɨ̀rɨ eꞌyo ònzɨ nɨ.” 11Yí ndee nɨ ace rɨle òkpò ꞌbàle àsúú vɨɨ yɨ̀, ꞌba ndee zí Yona nɨ kɨ́nɨ̀, “Lè àma ꞌó mɨ ngóni yí ꞌdɨ̀vɨɨ nɨ orɨjʉ àma yɨ́ dàà?” 12Yona òmvɨ ɨnɨ yɨ́ kɨ́nɨ̀, “Àmɨ ꞌbé ma yíá ànɨyɨ̀ yí ꞌdɨ̀vɨɨ nɨ ngaa orɨɨ ra. Ma nì ra eꞌyo ꞌdɨ̀vɨɨ ɨnɨ drɨ́á ma fè nɨ̀.” 13ꞌBa ndee léé àꞌbaa Yona nɨ ꞌbe yíá kʉ, ráaka rɨ́ drìci lèjʉ mélì ndee tia jijʉ kúkutia àjalele drʉ. Te oꞌbí kpé àrɨ̀yɨ̀kʉ yí ndee òkpoa nɨ tule àsúú vɨɨ yɨ̀. 14ꞌDànaa butia zí Yehova nɨ àálé oru yɨ̀ kɨ́nɨ̀, “Kɨ́rɨ́kɨ̀rɨ̀ Yehova lá, mɨ fè àmayɨ́ panga agú eꞌyo koko ꞌdɨ̀vɨɨ drìa jàle vɨɨ yɨ̀ kʉ. Yehova lá, eꞌyo ꞌdɨ̀vɨɨ ꞌonɨ kòꞌbò mɨnɨ òtìle vɨɨ lé.” 15Tèvɨ́nɨ ꞌba ndee ꞌdú Yona nɨ ꞌbe mèrè ꞌole ngʉ̀làngʉ̀là vɨɨ alɨa ra díká mèrè ndee orɨ ace dàà. 16Ànɨyɨ̀ ꞌba ndee òrí Yehova nɨ tʉ̀, ɨté ɨtetaa Yehova yɨ́ rá díká só òyò ɨ̀rɨ ìnzìjʉ ɨ̀ndɨ̀. 17Te isú vɨɨ dèè Yehova fè ìꞌbi àloo ìmgbélé vɨ́ɨvɨɨ ngónde Yona nɨ kɨ̀jʉ ra díká Yona ovʉ ìꞌbi ndee alɨa oꞌdú pɨpɨ na ìtú ɨnɨ iní be.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
Highlight
ಹಂಚಿಕೊಳ್ಳಿ
ಕಾಪಿ
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved