प्रेरित.कामी 7
7
स्तेफनुस आला भासन
1“नोःआँ बात साथे एदनाअ एतान,” मेन केते स्तेफनुस के बड़े पुरोहित कुली लियाय।
2 #
एहेः 12:1
“ए बोकोकु आउर सेंयाड़-सजन कु आयुमेपे, जे बेरा आबु आली आपा अब्राहम हरान रे बसाः तरअः पहिल रे, मेसोपोटामिया रे ताही नेनाय, दो हिमीन रे महिमामय परमेसर दर्सन एमा लियाय, मेन केते स्तेफनुस उतारा एमा लिकुआय। 3‘आम अपन राईज तेकर घराईता के बाई केते, जे ठाँव के उदूः मिईङ होना ठाँव सेनोः जुनोः मे,’ मेन केते परमेसर बेता लियाय। 4#एहेः 11:31; एहेः 12:4‘तब हुनी कसादी कु आला राईज तरअः उडुंग केते हरान रे सेन केते बसाव नेनाय। हुनी आली आपा नास नाय तयोम परमेसर हुनी के, होना राईज तरअः नोःआँ राईज आगु लियाय, जे राईज रे आपे नेदरन तहिनोआपे। 5#एहेः 12:7; 13:15; 15:18; 17:8जब अब्राहम आलकु मियांड-मिन चेंगा काकु ताही नेना। हुनी के नोःआँ राईज केदो काय एमा लिया, नोःआँ जगुत ची जांगा दोहो लःअय होः ठाँव काय एमा लिया, बकिर हुनी वादा लःअय ची नोःआँ राईज आम के, तेकर तयोम आम आलकु बंसवाईर के एमा कुईंग। 6#एहेः 15:13,14बकिर परमेसर नोःआँ होः बेता लिकुआय, ची आम आलकु बंसवाईर चाईर साय बरीस जगुत एटाअकु आला राईज रे परदेसिया बनाव केते ताही कोआकु, आउर हुंकू के बंधाउवा बनाव किकुआकु, आउर हुंकू के सताव किकुआकु 7-8#उइठ 3:12#एहेः 17:10–14; एहेः 21:2–4; एहेः 25:26; एहेः 29:31—35:18जे जाईत रिनकु हुंकू धाँगड़ ताही कोआकु, हुंकू के ईङ अपने से डांड़ एमा कुईंग, आउर होना तयोम होंड़े तरअः उडुंग कोअते, निआँ राईज रे ईङ के सेवा-सुसार किङाकु।’ तब परमेसर अब्राहम लःअय खतना रअः करार ठहराव लःअय आउर नोःआँ लकान अब्राहम तरअः इसाहक जनमाव नेनाय, आउर आठ रोज रे हुनी आला खतना हुयाव नेना, आउर इसाहक तरअः याकुब, आउर याकुब तरअः बारह कुलपति जनमाव नेनाकु।
9 #
एहेः 37:11;
एहेः 37:28;
एहेः 39:2,21 “याकुब आलकु होपोन, हिसंगा ते अपन बोको जोसेफ के मिसर राईज सेनोः कु आला तीः रे आखरिंग लियाकु, सेरे होः परमेसर हुनी लोः ताही नेनाय, 10#एहेः 41:39–41परमेसर जामा बिपाईत तरअः छोड़ाव केते, मिसर रिनी राजा फिरौन आला नजाईर रे दया तेकर बुधी एमा लियाय, आउर राजा हुनी के मिस्र रिनी आउर अपन ओड़ाअ रिनी देख-रेखी बनाव लियाय। 11#एहेः 42:1,2हिमीन बेरा गोटा मिसर आउर कनान राईज रे मुरुक बिपाईत तेकर आकाल हीःग नेना, चलते आबु आलकु पुरखाकु के जोजोम लःअय अनाईज का भेटाव नेना, 12बकिर याकुब आयुम लःअय, ची मिसर राईज रे अनाईज एदनाअ, आबु आलकु पुरखाकु के पहिल खेप कुलगोःड लिकुआय। 13#एहेः 45:1; एहेः 45:16दुसरा खेप जोसेफ अपन बोकोकु के, ईङ आपे आली बोको जोसेफ हेके मेन केते उपचार लःअय, आउर फिरौन के जोसेफ घराईता रेनअः पता चलाव नेना। 14#एहेः 45:9,10,17,18; एहेः 46:27तब जोसेफ अपन आपा याकुब, आउर अपन ओड़ाअ रिनकु जामे के जे जामा मिलाव केते, पे कुरी पन्दरह झन होड़ ताही नेनाकु, के रा-राअः आगु कुलगोःड लिकुआय। 15#एहेः 46:1–7; एहेः 49:33याकुब मिसर राईज सेन नेनाय, होनाःड़े याकुब आउर आबु आलकु पुरखाकु होः गोएःग चबाअः नाकु। 16#एहेः 23:3–16; 33:19; 50:7–13; जहो 24:32होनाःड़े तरअः हुंकू आला मुरदा के सकेम ईदी केते, जेके अब्राहम दाम एम केते सकेम रे हमोर आलकु होपोन तरअः किरिंग ताही लःअय, होना मारघटा रे दोहो लियाकु।
17 #
उइठ 1:7,8 “बकिर परमेसर अब्राहम तरअः वादा थिलाआय, होना पुरायोः रअः समाई हेनाःड हीःग नेना, दो मिसर रे आबु आलकु होड़ गनती, ढेर बगरा योअ केनाकु 18हिमीन रे मिसर रे एटाअ राजा पाड़ी नेनाय, ची जोसेफ रअः बारे एतान होः काय पाड़ी केना। 19#उइठ 1:10,11; उइठ 1:22हुनी आबु जाईतकु लोः चंलाक केते, आबु आलकु पुरखाकु लोः नोःआँ जगुत खराब कामी लःअय ची हुंकू अपन बालेक चेंगा के जिवीःड आलकु तहिनोः लःअय गिगिड़ी पड़ाव नेना। 20#उइठ 2:2हिमीन बेरा मुसा आला जनम हुयाव नेना। हुनी परमेसर आला नजाईर रे मुरुक सुन्दर ताही नेनाय। हुनी पे महिना जगुत अपन आपाते ओड़ाअ रे आसुल ताही नेनाय, 21#उइठ 2:3–10जब हुनी के गिड़ी लियाकु, दो फिरौन आली माई ते हुनी के हालांग आगु लियाय, तेकर अपन होपोन लकान आसुल-हरा लियाय। 22मुसा के मिसरी कु आला जामा गुन सिखाव थिलियाकु, आउर हुनी क-कंहड़ी रे तेकर ककामी बनार रे सवांगिया ताही नेनाय।
23 #
उइठ 2:11–15
“जब हुनी आला चालीस बरीस बिताव नेना, दो हुनी ईङ इसराइली बोकोकु लोः भेटोईंग मेन केते, हुनी आला मन रे बिचार हीःग नेना। 24हुनी मियांड मिस्री होड़, मियांड इसराइली के हराकाईत नेल केते हुनी के बा-बंचाव सेन नेनाय, आउर मिसरी के गोएःग केते सासतावी रअः बदला रूवाड़ लःअय। 25मुसा आला बिचार ताही नेना, ची ईङ आलकु बोको समझाव कोआकु ची परमेसर ईङ तरअः हुंकू के उधार किकुआय, बकिर हुंकू काकु समझाव नेना। 26दोसरा हिला मुसा, बनहोंड़ इसराइली के हराकाईत नेल लिकनाय। हुनी नोःआँ कंहड़ी केते हुंकिन के मेमेल लःअय कुसिस लःअय, ‘गाती! आबेन बोको हेके, आबेन एता लःअय हुनी-नुई के घाघवाईल नाम ताना बेन?’ 27जे होड़ अपन खुड़-खिरकी रिनी के हराकाईती केनाय, हुनी नोकान कंहड़ी केते मुसा के ओचोः किदयाय ची ‘ओके आम के आले आली राजा आउर फ-फैसलाई ठहराव तःड मेआय?’ 28‘होला जे लकान मिसरी के गोएःग थिलियम, ईङ के होः गोगोएःग नाम तनाम एतान?’ 29#उइठ 18:3,4नोःआँ बात आयुम केते मुसा नीर नाय, तेकर मिदयान राईज रे परदेसिया पाड़ी केते ताही नेनाय। होनाःड़े हुनी आलकिन बरिया कोड़ा चेंगा हुयाव नेनाकिन।
30 #
उइठ 3:1–10
“जब चालीस बरीस बिताव ना दो, मियांड सिरमादूत सिनाई बुरु रेनअः टुंगरी रे, हुनी के तियांगोः झुंड़ रे धाईध तेरे दर्सन एमा लियाय। 31नोःआँ नेल केते मुसा के आचरज हुयाव नेना। तेकर नेनेल लःअय हेनाःड सेन नेनाय, दो परभु आला नोःआँ कंहड़ी आयुम नेना, 32‘ईङ आम आलकु पुरखाकु आली परमेसर, अब्राहम, इसाहक तेकर याकुब आली परमेसर हेके।’ मुसा बोरते एकला योअ तनाय, हुनी के फिन से नेनेल रेनअः डिड़ का हुयाव नेना। 33तब परभु हुनी के बेता लियाय, ‘अपन जांगा तरअः खड़पा ऊड़ुगेमे, एता लःअय ची जे एड़े आम तिंगु तनाम होना पबितर ठाँव हेके। 34ईङ साथेगी अपन होड़कु आला बिपाईत के, जे मिसर रे एदान कुआ नेल तदिङ, आउर हुंकू आला गेगेराङ तेकर हुंकू आला इईयाम आयुम तदिङ, हिना लःअय हुंकू के छोछोड़ाव अड़गु तानिङ। नहाअः एला, ईङ आम के मिस्र राईज कुलगोःड मेईङ।’
35 #
उइठ 2:14
“जे मुसा के होड़कु ‘ओके आम के आले आली राजा तेकर फ-फैसलाई ठहराव तःड मेआय?’ हुंकू नोःआँ कंहड़ी केते इनकार थिलयाकु, हिनी के परमेसर हाकिम आउर छो-छोड़ावी बनाव केते, हुनी सिरमादूत तरअः जे झुंड़ तरअः दर्सन एमा थिलयाय कुलगोःड लियाय। 36#उइठ 7:3; उइठ 14:21; गन 14:33निई मुसा, मिसर तेकर लाल समुदर आउर बितिल ओत तरअः चालीस बरीस जगुत छकरित कामी तेकर चिनहा देखाव-देखाव हुंकू के उडुंग आगु लिकुआय। 37#कन 18:15,18नुई हिनी मुसा हेके, जे इसराइलीकु के बेता लिकुआय, ‘परमेसर आपे आलकु बोकोकु मेसे, आपे लःअय ईङ लकान मियांड आगमजानी के कुलगोःड कियाय।’ 38#उइठ 19:1—20:17; कन 5:1–33नुई हिनी मुसा हेके, जे इसराइलीकु रआ पुरा कलीसिया, आबु आलकु पुरखाकु सिनाई बुरु रेनअः लतार रे बितिल ठाँव रे जवार थिनाकु, मुसा हुंकू लोः ताही नेनाय, हिमीन बेरा नोःआँ सिनाई बुरु तेङ रे सिरमादूत हुनी लोः बतियाव थिलाआय, आउर हुनी परमेसर आला जिवीःड बचन के नाम लःअय, आउर आबु के एमा लिबुआय।
39“बकिर आबु आलकु पुरखाकु, हुनी आला आ-आयुम काकु चहाव नेना, बकिर हुनी के ओचोः केते, अपन मन के मिसर पखा रूवाड़ लअकु। 40#उइठ 32:1तेकर हारुन#7:40 हारुन मुसा आली बड़े बोको हारुन थिनाय। के बेता लियाकु, आले लःअय नोकान देवता बनाई मे, जे आले तरअः मड़ांग-मड़ांग सेनाय, एता लःअय ची ‘नुई मुसा जे मिसर राईज तरअः उडुंग आगु लेलेआय, आले काले पड़ीआ ची हुनी एतान नेनाय।’ 41#उइठ 32:2–6हिना बेरा रे हुंकू मियांड बछा रअः मुरती बनाव केते, होना मुरती रअः मड़ांग रे बलिदान रकाःब लअकु, आउर अपन तीः तरअः बनाव लआ मुरती रअः परब मनाव लअकु। 42#आमो 5:25–27तब परमेसर हुंकू के देया केते, सिरमा रिनकु जे एदान कुआ के पुपुजा लःअय बाई किद कुआय,
“‘जाइसन आगमजानीकु आला पुथी रे लिखा लअः एदनाअ,
ए इसराइल रिनकु घराईता।
आपे बुरु रे चालीस बरीस जगुत जनवर बलिदान, अन्न बलिदान ईङ के गी रकाःब एकाय केनापे एतान?
43आपे मोले रेनअः तंबू,
तेकर रिफान देवता रअः इपील के,
अपन खांध रे गोअ केते ईदी बड़ाय केनापे। माने कि मुरती के जेके आपे पुपुजा लःअय बनाव थिलाअपे।
चाहे हिना लःअय ईङ आपे के बेबीलोन तरअः मड़ांग ईदी केते बाइसाव पेईङ।’
44 #
उइठ 25:9,40 “मरूभूमि रअः बुरु रे आबु आलकु पुरखाकु तलारे गोवाही रअः तंबू ताहिनेना। परमेसर मुसा के नोःआँ तंबू रअः बारे नोःआँ हुकूम एमा थिलयाय, आम जे नमुना नेल तदाम, हिना रेनअः मोताबिक होना तंबू के बनाय मे। 45#जहो 3:14–17आबु आलकु पुरखाकु नोःआँ राईज रे हीःग थिनाकु, हिमीन रे सकछी रेनअः कुम्बा के होः साँघे आगु थिलाअकु जे दाऊद आला बेरा जगुत आबु आला ताला रेगी ताही नेना। बकिर आबु आलकु पुरखाकु हीःग थिनाकु, हिमीन रे एटाअ जाईत रिनकु होड़ ताहिन केनाकु, आबु आलकु पुरखाकु परमेसर हुंकू के नोआँड़े तरअः हटाव लिकुआय। 46#2 समु 7:1–16; 1 इति 17:1–14दाऊद रे परमेसर आला दया ताहिनेना, तेकर अरजी लःअय ची हुनी याकुब आली परमेसर लःअय ताहीनोः ठाँव बनाय। 47#1 राजा 6:1–38; 2 इति 3:1–17बकिर बड़े बिनती ओड़ाअ के हुनी आली होपोन सुलेमान बनाव ची लःअय।
48“सेरे होः परम परधान परमेसर, मनवा बनाव लआ ओड़ाअ रे काय ताहिनोआ, जे लकान ची आगमजानी जसायस कंहड़ी तदाय,
49 #
जसा 66:1,2 “‘परभु कंहड़ीआय सिरमा ईङ आला राईज गदी हेके,
तेकर धरती ईङ आला जांगा लतार रेनअः चौकी हेके।’
‘आपे ईङ लःअय एतान खाता बड़े बिनती ओड़ाअ बनाव केआपे?
ईङ आला सथाअ रअः ठाँव ओकाःड़े हुयाव कोआ?’
50‘नोःआँ जामा जिनीस ईङ आला तीः रआ बनाव लआ नलागे एतान?,’ मेन केते परभु कंहड़ीयाय।”
51 #
जसा 63:10
“ए हुरमुठ मन आउर धरमीकु, परमेसर आला बात के आपे ना ची आ-आयुम नामापे! आउर समझाअ नामापे। आपे जामा बेरा पबितर आतमा रअः बिरोधे आपे, जे लकान ची आपे आलकु पुरखाकु बिरोधे केनाकु! 52आगमजानीकु रे ओके के, आपे आलकु पुरखाकु काकु सताव तडकुआ? हुंकू होड़कु परमेसर आला खभाईर एमोअ कु के गोएःग लिद कुआकु, हुनी धरमी होड़ के सःब ची लियापे आउर गोएःग लियापे जेकर हिजोअ रअः बारे रे ढेर पहिल तरअः गी उदूः आगुई केनाकु 53आपे के सिरमादूत तरअः मुसा आला कनहुन भेटाव नेना, बकिर आपे होना के कापे मनाव नेना।”
स्तेफनुस आला गोजोः
54स्तेफनुस आला बात के आयुम केते, बड़े पंचाईत रिनकु होड़कु मन रे मुरुक कायराव नाकु, आउर खिसते डाटा के रिड़िग दाकु। 55बकिर हुनी पबितर आतमा तरअः पेरेःग केते, सिरमा पखा नेल लःअय तेकर परमेसर आला महिमा के आउर ईसु के परमेसर आला जोम पखा तिंगु उनी नेल केते कंहड़ी लःअय। 56हिमीन रे, “नेलेपे! ईङ सिरमा के उघड़ाव ओना तेकर मनवा होपोन के परमेसर आला जोम पखा तिंगु उनी नेल दियीङ!,” कंहड़ी लःअय।
57तब हुंकू जोड़ से गुल केते लुतूर के तुबेःड केदाकु, तेकर मिसा तेरे हुनी तेङ रे झपटाव नाकु, 58तेकर हुनी के सहर तरअः बाहरी उडुंग केते, हुनी के टुकू रे छेछोम दियाकु। गोवाहकु अपन गेन्दरअ के साऊल नुमू रिनी मियांड जवान दुबाःड़े उडुंग केते, हुनी दुबाःड़े दोहोः तुलाअकु। 59जब स्तेफनुस के छेछोमी केनाकु, दो हुनी, “परभु ईसु ईङ आला आतमा के गरहानेपे,” नोकान मेन केते गोहराव नेनाय। 60तब हुनी इकड़ुम केते, जोड़ से आवाज रे कंहड़ी लःअय, “ए परभु, नोःआँ पाप नुकू एड़े आलुम लगाव के,” आउर नोःआँ कंहड़ी केते हुनी गोएःग नाय।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
प्रेरित.कामी 7: ASR
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ತಾಳೆಮಾಡಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 2023 NLCI CC BY-NC-ND 4.0
प्रेरित.कामी 7
7
स्तेफनुस आला भासन
1“नोःआँ बात साथे एदनाअ एतान,” मेन केते स्तेफनुस के बड़े पुरोहित कुली लियाय।
2 #
एहेः 12:1
“ए बोकोकु आउर सेंयाड़-सजन कु आयुमेपे, जे बेरा आबु आली आपा अब्राहम हरान रे बसाः तरअः पहिल रे, मेसोपोटामिया रे ताही नेनाय, दो हिमीन रे महिमामय परमेसर दर्सन एमा लियाय, मेन केते स्तेफनुस उतारा एमा लिकुआय। 3‘आम अपन राईज तेकर घराईता के बाई केते, जे ठाँव के उदूः मिईङ होना ठाँव सेनोः जुनोः मे,’ मेन केते परमेसर बेता लियाय। 4#एहेः 11:31; एहेः 12:4‘तब हुनी कसादी कु आला राईज तरअः उडुंग केते हरान रे सेन केते बसाव नेनाय। हुनी आली आपा नास नाय तयोम परमेसर हुनी के, होना राईज तरअः नोःआँ राईज आगु लियाय, जे राईज रे आपे नेदरन तहिनोआपे। 5#एहेः 12:7; 13:15; 15:18; 17:8जब अब्राहम आलकु मियांड-मिन चेंगा काकु ताही नेना। हुनी के नोःआँ राईज केदो काय एमा लिया, नोःआँ जगुत ची जांगा दोहो लःअय होः ठाँव काय एमा लिया, बकिर हुनी वादा लःअय ची नोःआँ राईज आम के, तेकर तयोम आम आलकु बंसवाईर के एमा कुईंग। 6#एहेः 15:13,14बकिर परमेसर नोःआँ होः बेता लिकुआय, ची आम आलकु बंसवाईर चाईर साय बरीस जगुत एटाअकु आला राईज रे परदेसिया बनाव केते ताही कोआकु, आउर हुंकू के बंधाउवा बनाव किकुआकु, आउर हुंकू के सताव किकुआकु 7-8#उइठ 3:12#एहेः 17:10–14; एहेः 21:2–4; एहेः 25:26; एहेः 29:31—35:18जे जाईत रिनकु हुंकू धाँगड़ ताही कोआकु, हुंकू के ईङ अपने से डांड़ एमा कुईंग, आउर होना तयोम होंड़े तरअः उडुंग कोअते, निआँ राईज रे ईङ के सेवा-सुसार किङाकु।’ तब परमेसर अब्राहम लःअय खतना रअः करार ठहराव लःअय आउर नोःआँ लकान अब्राहम तरअः इसाहक जनमाव नेनाय, आउर आठ रोज रे हुनी आला खतना हुयाव नेना, आउर इसाहक तरअः याकुब, आउर याकुब तरअः बारह कुलपति जनमाव नेनाकु।
9 #
एहेः 37:11;
एहेः 37:28;
एहेः 39:2,21 “याकुब आलकु होपोन, हिसंगा ते अपन बोको जोसेफ के मिसर राईज सेनोः कु आला तीः रे आखरिंग लियाकु, सेरे होः परमेसर हुनी लोः ताही नेनाय, 10#एहेः 41:39–41परमेसर जामा बिपाईत तरअः छोड़ाव केते, मिसर रिनी राजा फिरौन आला नजाईर रे दया तेकर बुधी एमा लियाय, आउर राजा हुनी के मिस्र रिनी आउर अपन ओड़ाअ रिनी देख-रेखी बनाव लियाय। 11#एहेः 42:1,2हिमीन बेरा गोटा मिसर आउर कनान राईज रे मुरुक बिपाईत तेकर आकाल हीःग नेना, चलते आबु आलकु पुरखाकु के जोजोम लःअय अनाईज का भेटाव नेना, 12बकिर याकुब आयुम लःअय, ची मिसर राईज रे अनाईज एदनाअ, आबु आलकु पुरखाकु के पहिल खेप कुलगोःड लिकुआय। 13#एहेः 45:1; एहेः 45:16दुसरा खेप जोसेफ अपन बोकोकु के, ईङ आपे आली बोको जोसेफ हेके मेन केते उपचार लःअय, आउर फिरौन के जोसेफ घराईता रेनअः पता चलाव नेना। 14#एहेः 45:9,10,17,18; एहेः 46:27तब जोसेफ अपन आपा याकुब, आउर अपन ओड़ाअ रिनकु जामे के जे जामा मिलाव केते, पे कुरी पन्दरह झन होड़ ताही नेनाकु, के रा-राअः आगु कुलगोःड लिकुआय। 15#एहेः 46:1–7; एहेः 49:33याकुब मिसर राईज सेन नेनाय, होनाःड़े याकुब आउर आबु आलकु पुरखाकु होः गोएःग चबाअः नाकु। 16#एहेः 23:3–16; 33:19; 50:7–13; जहो 24:32होनाःड़े तरअः हुंकू आला मुरदा के सकेम ईदी केते, जेके अब्राहम दाम एम केते सकेम रे हमोर आलकु होपोन तरअः किरिंग ताही लःअय, होना मारघटा रे दोहो लियाकु।
17 #
उइठ 1:7,8 “बकिर परमेसर अब्राहम तरअः वादा थिलाआय, होना पुरायोः रअः समाई हेनाःड हीःग नेना, दो मिसर रे आबु आलकु होड़ गनती, ढेर बगरा योअ केनाकु 18हिमीन रे मिसर रे एटाअ राजा पाड़ी नेनाय, ची जोसेफ रअः बारे एतान होः काय पाड़ी केना। 19#उइठ 1:10,11; उइठ 1:22हुनी आबु जाईतकु लोः चंलाक केते, आबु आलकु पुरखाकु लोः नोःआँ जगुत खराब कामी लःअय ची हुंकू अपन बालेक चेंगा के जिवीःड आलकु तहिनोः लःअय गिगिड़ी पड़ाव नेना। 20#उइठ 2:2हिमीन बेरा मुसा आला जनम हुयाव नेना। हुनी परमेसर आला नजाईर रे मुरुक सुन्दर ताही नेनाय। हुनी पे महिना जगुत अपन आपाते ओड़ाअ रे आसुल ताही नेनाय, 21#उइठ 2:3–10जब हुनी के गिड़ी लियाकु, दो फिरौन आली माई ते हुनी के हालांग आगु लियाय, तेकर अपन होपोन लकान आसुल-हरा लियाय। 22मुसा के मिसरी कु आला जामा गुन सिखाव थिलियाकु, आउर हुनी क-कंहड़ी रे तेकर ककामी बनार रे सवांगिया ताही नेनाय।
23 #
उइठ 2:11–15
“जब हुनी आला चालीस बरीस बिताव नेना, दो हुनी ईङ इसराइली बोकोकु लोः भेटोईंग मेन केते, हुनी आला मन रे बिचार हीःग नेना। 24हुनी मियांड मिस्री होड़, मियांड इसराइली के हराकाईत नेल केते हुनी के बा-बंचाव सेन नेनाय, आउर मिसरी के गोएःग केते सासतावी रअः बदला रूवाड़ लःअय। 25मुसा आला बिचार ताही नेना, ची ईङ आलकु बोको समझाव कोआकु ची परमेसर ईङ तरअः हुंकू के उधार किकुआय, बकिर हुंकू काकु समझाव नेना। 26दोसरा हिला मुसा, बनहोंड़ इसराइली के हराकाईत नेल लिकनाय। हुनी नोःआँ कंहड़ी केते हुंकिन के मेमेल लःअय कुसिस लःअय, ‘गाती! आबेन बोको हेके, आबेन एता लःअय हुनी-नुई के घाघवाईल नाम ताना बेन?’ 27जे होड़ अपन खुड़-खिरकी रिनी के हराकाईती केनाय, हुनी नोकान कंहड़ी केते मुसा के ओचोः किदयाय ची ‘ओके आम के आले आली राजा आउर फ-फैसलाई ठहराव तःड मेआय?’ 28‘होला जे लकान मिसरी के गोएःग थिलियम, ईङ के होः गोगोएःग नाम तनाम एतान?’ 29#उइठ 18:3,4नोःआँ बात आयुम केते मुसा नीर नाय, तेकर मिदयान राईज रे परदेसिया पाड़ी केते ताही नेनाय। होनाःड़े हुनी आलकिन बरिया कोड़ा चेंगा हुयाव नेनाकिन।
30 #
उइठ 3:1–10
“जब चालीस बरीस बिताव ना दो, मियांड सिरमादूत सिनाई बुरु रेनअः टुंगरी रे, हुनी के तियांगोः झुंड़ रे धाईध तेरे दर्सन एमा लियाय। 31नोःआँ नेल केते मुसा के आचरज हुयाव नेना। तेकर नेनेल लःअय हेनाःड सेन नेनाय, दो परभु आला नोःआँ कंहड़ी आयुम नेना, 32‘ईङ आम आलकु पुरखाकु आली परमेसर, अब्राहम, इसाहक तेकर याकुब आली परमेसर हेके।’ मुसा बोरते एकला योअ तनाय, हुनी के फिन से नेनेल रेनअः डिड़ का हुयाव नेना। 33तब परभु हुनी के बेता लियाय, ‘अपन जांगा तरअः खड़पा ऊड़ुगेमे, एता लःअय ची जे एड़े आम तिंगु तनाम होना पबितर ठाँव हेके। 34ईङ साथेगी अपन होड़कु आला बिपाईत के, जे मिसर रे एदान कुआ नेल तदिङ, आउर हुंकू आला गेगेराङ तेकर हुंकू आला इईयाम आयुम तदिङ, हिना लःअय हुंकू के छोछोड़ाव अड़गु तानिङ। नहाअः एला, ईङ आम के मिस्र राईज कुलगोःड मेईङ।’
35 #
उइठ 2:14
“जे मुसा के होड़कु ‘ओके आम के आले आली राजा तेकर फ-फैसलाई ठहराव तःड मेआय?’ हुंकू नोःआँ कंहड़ी केते इनकार थिलयाकु, हिनी के परमेसर हाकिम आउर छो-छोड़ावी बनाव केते, हुनी सिरमादूत तरअः जे झुंड़ तरअः दर्सन एमा थिलयाय कुलगोःड लियाय। 36#उइठ 7:3; उइठ 14:21; गन 14:33निई मुसा, मिसर तेकर लाल समुदर आउर बितिल ओत तरअः चालीस बरीस जगुत छकरित कामी तेकर चिनहा देखाव-देखाव हुंकू के उडुंग आगु लिकुआय। 37#कन 18:15,18नुई हिनी मुसा हेके, जे इसराइलीकु के बेता लिकुआय, ‘परमेसर आपे आलकु बोकोकु मेसे, आपे लःअय ईङ लकान मियांड आगमजानी के कुलगोःड कियाय।’ 38#उइठ 19:1—20:17; कन 5:1–33नुई हिनी मुसा हेके, जे इसराइलीकु रआ पुरा कलीसिया, आबु आलकु पुरखाकु सिनाई बुरु रेनअः लतार रे बितिल ठाँव रे जवार थिनाकु, मुसा हुंकू लोः ताही नेनाय, हिमीन बेरा नोःआँ सिनाई बुरु तेङ रे सिरमादूत हुनी लोः बतियाव थिलाआय, आउर हुनी परमेसर आला जिवीःड बचन के नाम लःअय, आउर आबु के एमा लिबुआय।
39“बकिर आबु आलकु पुरखाकु, हुनी आला आ-आयुम काकु चहाव नेना, बकिर हुनी के ओचोः केते, अपन मन के मिसर पखा रूवाड़ लअकु। 40#उइठ 32:1तेकर हारुन#7:40 हारुन मुसा आली बड़े बोको हारुन थिनाय। के बेता लियाकु, आले लःअय नोकान देवता बनाई मे, जे आले तरअः मड़ांग-मड़ांग सेनाय, एता लःअय ची ‘नुई मुसा जे मिसर राईज तरअः उडुंग आगु लेलेआय, आले काले पड़ीआ ची हुनी एतान नेनाय।’ 41#उइठ 32:2–6हिना बेरा रे हुंकू मियांड बछा रअः मुरती बनाव केते, होना मुरती रअः मड़ांग रे बलिदान रकाःब लअकु, आउर अपन तीः तरअः बनाव लआ मुरती रअः परब मनाव लअकु। 42#आमो 5:25–27तब परमेसर हुंकू के देया केते, सिरमा रिनकु जे एदान कुआ के पुपुजा लःअय बाई किद कुआय,
“‘जाइसन आगमजानीकु आला पुथी रे लिखा लअः एदनाअ,
ए इसराइल रिनकु घराईता।
आपे बुरु रे चालीस बरीस जगुत जनवर बलिदान, अन्न बलिदान ईङ के गी रकाःब एकाय केनापे एतान?
43आपे मोले रेनअः तंबू,
तेकर रिफान देवता रअः इपील के,
अपन खांध रे गोअ केते ईदी बड़ाय केनापे। माने कि मुरती के जेके आपे पुपुजा लःअय बनाव थिलाअपे।
चाहे हिना लःअय ईङ आपे के बेबीलोन तरअः मड़ांग ईदी केते बाइसाव पेईङ।’
44 #
उइठ 25:9,40 “मरूभूमि रअः बुरु रे आबु आलकु पुरखाकु तलारे गोवाही रअः तंबू ताहिनेना। परमेसर मुसा के नोःआँ तंबू रअः बारे नोःआँ हुकूम एमा थिलयाय, आम जे नमुना नेल तदाम, हिना रेनअः मोताबिक होना तंबू के बनाय मे। 45#जहो 3:14–17आबु आलकु पुरखाकु नोःआँ राईज रे हीःग थिनाकु, हिमीन रे सकछी रेनअः कुम्बा के होः साँघे आगु थिलाअकु जे दाऊद आला बेरा जगुत आबु आला ताला रेगी ताही नेना। बकिर आबु आलकु पुरखाकु हीःग थिनाकु, हिमीन रे एटाअ जाईत रिनकु होड़ ताहिन केनाकु, आबु आलकु पुरखाकु परमेसर हुंकू के नोआँड़े तरअः हटाव लिकुआय। 46#2 समु 7:1–16; 1 इति 17:1–14दाऊद रे परमेसर आला दया ताहिनेना, तेकर अरजी लःअय ची हुनी याकुब आली परमेसर लःअय ताहीनोः ठाँव बनाय। 47#1 राजा 6:1–38; 2 इति 3:1–17बकिर बड़े बिनती ओड़ाअ के हुनी आली होपोन सुलेमान बनाव ची लःअय।
48“सेरे होः परम परधान परमेसर, मनवा बनाव लआ ओड़ाअ रे काय ताहिनोआ, जे लकान ची आगमजानी जसायस कंहड़ी तदाय,
49 #
जसा 66:1,2 “‘परभु कंहड़ीआय सिरमा ईङ आला राईज गदी हेके,
तेकर धरती ईङ आला जांगा लतार रेनअः चौकी हेके।’
‘आपे ईङ लःअय एतान खाता बड़े बिनती ओड़ाअ बनाव केआपे?
ईङ आला सथाअ रअः ठाँव ओकाःड़े हुयाव कोआ?’
50‘नोःआँ जामा जिनीस ईङ आला तीः रआ बनाव लआ नलागे एतान?,’ मेन केते परभु कंहड़ीयाय।”
51 #
जसा 63:10
“ए हुरमुठ मन आउर धरमीकु, परमेसर आला बात के आपे ना ची आ-आयुम नामापे! आउर समझाअ नामापे। आपे जामा बेरा पबितर आतमा रअः बिरोधे आपे, जे लकान ची आपे आलकु पुरखाकु बिरोधे केनाकु! 52आगमजानीकु रे ओके के, आपे आलकु पुरखाकु काकु सताव तडकुआ? हुंकू होड़कु परमेसर आला खभाईर एमोअ कु के गोएःग लिद कुआकु, हुनी धरमी होड़ के सःब ची लियापे आउर गोएःग लियापे जेकर हिजोअ रअः बारे रे ढेर पहिल तरअः गी उदूः आगुई केनाकु 53आपे के सिरमादूत तरअः मुसा आला कनहुन भेटाव नेना, बकिर आपे होना के कापे मनाव नेना।”
स्तेफनुस आला गोजोः
54स्तेफनुस आला बात के आयुम केते, बड़े पंचाईत रिनकु होड़कु मन रे मुरुक कायराव नाकु, आउर खिसते डाटा के रिड़िग दाकु। 55बकिर हुनी पबितर आतमा तरअः पेरेःग केते, सिरमा पखा नेल लःअय तेकर परमेसर आला महिमा के आउर ईसु के परमेसर आला जोम पखा तिंगु उनी नेल केते कंहड़ी लःअय। 56हिमीन रे, “नेलेपे! ईङ सिरमा के उघड़ाव ओना तेकर मनवा होपोन के परमेसर आला जोम पखा तिंगु उनी नेल दियीङ!,” कंहड़ी लःअय।
57तब हुंकू जोड़ से गुल केते लुतूर के तुबेःड केदाकु, तेकर मिसा तेरे हुनी तेङ रे झपटाव नाकु, 58तेकर हुनी के सहर तरअः बाहरी उडुंग केते, हुनी के टुकू रे छेछोम दियाकु। गोवाहकु अपन गेन्दरअ के साऊल नुमू रिनी मियांड जवान दुबाःड़े उडुंग केते, हुनी दुबाःड़े दोहोः तुलाअकु। 59जब स्तेफनुस के छेछोमी केनाकु, दो हुनी, “परभु ईसु ईङ आला आतमा के गरहानेपे,” नोकान मेन केते गोहराव नेनाय। 60तब हुनी इकड़ुम केते, जोड़ से आवाज रे कंहड़ी लःअय, “ए परभु, नोःआँ पाप नुकू एड़े आलुम लगाव के,” आउर नोःआँ कंहड़ी केते हुनी गोएःग नाय।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ತಾಳೆಮಾಡಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
© 2023 NLCI CC BY-NC-ND 4.0