<div class="version vid1226 iso6393kdc" data-vid="1226" data-iso6393="kdc">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Vino vivo ulanga na isi vivimambukizwe hamoja na vinhu vose vili mumo. 2Siku da saba Imulungu kakala yeshilize sang'hano yake yose yaisang'hane, avo siku dijo da saba Imulungu kabwihila. 3Imulungu kainogela siku ya saba na kaitenda ing'ale, kwavija viyeshilize sang'hano yake ya kulumba kabwihila. 4Vino vivo ulanga na isi vivilumbigwe.</div><div class="s">Mgunda wa Edeni</div><div class="p">Kipindi acho Mndewa Imulungu viyalumbile ulanga na isi, 5mwiisi kukala kuduhu minoga na mbeyu zotile, kwavija Mndewa Imulungu kakala hanagala mvula bule, na kukala kuduhu munhu yakalile yolima, 6lakini mazi galawa hasi mwiisi na kudodeza isi.</div><div class="p"> 7Abaho Mndewa Imulungu kasola ulongo mdodo kulawa mwiisi na muulongo awo kalumba munhu, kamuhuvila munhu ayo mhumuzi ya ugima mvizonzo va mhula yake na munhu kawa na ugima.</div><div class="p"> 8Abaho Mndewa Imulungu kahanda mgunda ako Edeni, mwambu wa kudilawila zuwa, na mumo kamwika mbigalo ayo yamulumbile. 9Mndewa Imulungu kahandigiza kila biki dinogile na mibiki ilelaga matunda gofaya kudigwa. Hagati ya mgunda awo kukala na biki da ugima na biki da kujuwa ganogile na gehile.</div><div class="p"> 10Kukala na kizanda cha mazi gokilimila mumgunda awo wa Edeni, kulawa kuko kizanda acho kiigola kuwa vizanda vine. 11Twaga da kizanda cha ichanduso dokemigwa Pishoni, chokilima kuzunguluka isi yose ya Havila, ako kuko ili zahabu. 12Zahabu ya isi ayo inoga ng'hani. Kuko kuna mavuta gonung'hila goya gokemigwa bedola na mabwe ga bei ng'hulu gokemigwa shohamu. 13Twaga da kizanda cha kabili dokemigwa Gihoni, kizanda acho chokilima kuzunguluka isi yose ya Kushi. 14Twaga da kizanda cha kadatu dokemigwa Tigilisi, kizanda acho chokilima mwambu wa kudilawila zuwa wa Ashulu. Na kizanda cha ikane chokemigwa Fulate.</div><div class="p"> 15Abaho Mndewa Imulungu kamwika mbigalo ayo mumgunda awo wa Edeni, yaulime na kuulola goya. 16Mndewa Imulungu kamulagiza munhu ayo, &#8220;Kodaha kuja tunda da biki jojose dili mumgunda, 17lakini matunda ga biki da kujuwa ganogile na gehile, sikuuje. Siku donda uje kofa.&#8221;</div><div class="p"> 18Abaho Mndewa Imulungu kalonga, &#8220;Havinogile bule mbigalo kukala yaiyeka. Avo nomtendela miyage wa kumfaya kumtaza.&#8221; 19Avo kulawa mwiisi Mndewa Imulungu kasola ulongo kidogo, kalumba wanyama wose na ndege wose, abaho kamgalila mbigalo ija yalole vonda yawagwelele matwaga, na matwaga gayawagwee gago gakalile matwaga gao. 20Avo mbigalo ija kawagwaa matwaga wanyama wose ofugigwa na wanyama wa kumuhulo na ndege wose, lakini kuduhu hata imoja yamfaiye kumtaza.</div><div class="p"> 21Abaho Mndewa Imulungu kamtenda mbigalo ayo yawase utulo, na viyakalile muutulo kamogola lubavu lwake lumoja na kuhagubika hanhu aho kwa nyama. 22Na lubavu luyagomole kwa mbigalo kalutenda mtwanzi, kamgala kwa mbigalo ayo. 23Abaho mbigalo ayo kalonga,</div><div class="q">&#8220;Ona, dino zege dilawile mmizege yangu,</div><div class="q">na nyama ilawile mwiinyama yangu.</div><div class="q">Ino kokemigwa, &#8216;Mtwanzi,&#8217;</div><div class="q">kwavija kalawa kwa mbigalo.&#8221;</div><div class="m"> 24Lekaavo mbigalo komuleka tatake na mamake, na koilumba na mwehe wake, nao wabili awo okuwa kinhu kimoja.</div><div class="p"> 25Mbigalo ayo na mwehe wake wose wabili wakala mwazi, lakini hawonile kinyala bule.</div>
 </div>
 </div>
</div>

Vino vivo ulanga na isi vivimambukizwe hamoja na vinhu vose vili mumo. Siku da saba Imulungu kakala yeshilize sang'hano yake yose yaisang'hane, avo siku dijo da saba Imulungu kabwihila. Imulungu kainogela siku ya saba na kaitenda ing'ale, kwavija viyeshilize sang'hano yake ya kulumba kabwihila. Vino vivo ulanga na isi vivilumbigwe.

Kipindi acho Mndewa Imulungu viyalumbile ulanga na isi, mwiisi kukala kuduhu minoga na mbeyu zotile, kwavija Mndewa Imulungu kakala hanagala mvula bule, na kukala kuduhu munhu yakalile yolima, lakini mazi galawa hasi mwiisi na kudodeza isi.
Abaho Mndewa Imulungu kasola ulongo mdodo kulawa mwiisi na muulongo awo kalumba munhu, kamuhuvila munhu ayo mhumuzi ya ugima mvizonzo va mhula yake na munhu kawa na ugima.
Abaho Mndewa Imulungu kahanda mgunda ako Edeni, mwambu wa kudilawila zuwa, na mumo kamwika mbigalo ayo yamulumbile. Mndewa Imulungu kahandigiza kila biki dinogile na mibiki ilelaga matunda gofaya kudigwa. Hagati ya mgunda awo kukala na biki da ugima na biki da kujuwa ganogile na gehile.
Kukala na kizanda cha mazi gokilimila mumgunda awo wa Edeni, kulawa kuko kizanda acho kiigola kuwa vizanda vine. Twaga da kizanda cha ichanduso dokemigwa Pishoni, chokilima kuzunguluka isi yose ya Havila, ako kuko ili zahabu. Zahabu ya isi ayo inoga ng'hani. Kuko kuna mavuta gonung'hila goya gokemigwa bedola na mabwe ga bei ng'hulu gokemigwa shohamu. Twaga da kizanda cha kabili dokemigwa Gihoni, kizanda acho chokilima kuzunguluka isi yose ya Kushi. Twaga da kizanda cha kadatu dokemigwa Tigilisi, kizanda acho chokilima mwambu wa kudilawila zuwa wa Ashulu. Na kizanda cha ikane chokemigwa Fulate.
Abaho Mndewa Imulungu kamwika mbigalo ayo mumgunda awo wa Edeni, yaulime na kuulola goya. Mndewa Imulungu kamulagiza munhu ayo, “Kodaha kuja tunda da biki jojose dili mumgunda, lakini matunda ga biki da kujuwa ganogile na gehile, sikuuje. Siku donda uje kofa.”
Abaho Mndewa Imulungu kalonga, “Havinogile bule mbigalo kukala yaiyeka. Avo nomtendela miyage wa kumfaya kumtaza.” Avo kulawa mwiisi Mndewa Imulungu kasola ulongo kidogo, kalumba wanyama wose na ndege wose, abaho kamgalila mbigalo ija yalole vonda yawagwelele matwaga, na matwaga gayawagwee gago gakalile matwaga gao. Avo mbigalo ija kawagwaa matwaga wanyama wose ofugigwa na wanyama wa kumuhulo na ndege wose, lakini kuduhu hata imoja yamfaiye kumtaza.
Abaho Mndewa Imulungu kamtenda mbigalo ayo yawase utulo, na viyakalile muutulo kamogola lubavu lwake lumoja na kuhagubika hanhu aho kwa nyama. Na lubavu luyagomole kwa mbigalo kalutenda mtwanzi, kamgala kwa mbigalo ayo. Abaho mbigalo ayo kalonga,
“Ona, dino zege dilawile mmizege yangu,
na nyama ilawile mwiinyama yangu.
Ino kokemigwa, ‘Mtwanzi,’
kwavija kalawa kwa mbigalo.”
Lekaavo mbigalo komuleka tatake na mamake, na koilumba na mwehe wake, nao wabili awo okuwa kinhu kimoja.
Mbigalo ayo na mwehe wake wose wabili wakala mwazi, lakini hawonile kinyala bule.

듣기 Mwanduso 2