If you have would like a copy of this version please contact info@davarpartners.org

Cinsenga New Testament 2015

<div class="version vid1308 iso6393nse" data-vid="1308" data-iso6393="nse">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s">Linganizyo ya womwazya mbuto</div><div class="r">(Mk 4:1-9; Lk 8:4-8)</div><div class="p"> 1Nsiku yamene iyo, Yesu efuma mu ng&#700;anda nakuyonkhala ku mbali kwa cimmana. 2Winji wa &#373;anthu wewungana nomuzunguluka, tetyo elo&#373;a mu wato nonkhala pansi, nipo winji wala wepanama pa silya pa cimmana. 3Yesu e&#373;awuzya vinthu vinyinji mu malinganizyo.</div><div class="p">Ela&#373;ila kuti, &#8220;Munthu muyakine eluta kuyomwazya mbuto. 4Pecimwazya mbuto mu munda mwake, ziyakine ziponela mu mseu, nipo tunyoni twiwela nakulya. 5Ziyakine ziponela pa myala penzeve lito inyinji. Mbuto zala zimela mmangu cikomo ca lito itontho. 6Koma peyiwela zu&#373;a, tumumela twala twicipya cikomo cakuti mizyu iliyolo&#373;e pansi ngako nipo twiyuma. 7Mbuto ziyakine ziponela pa minga, ikula noceneka tumbuto twala. 8Ziyakine ziponela pa lito iweme notwala vitwalo, ziyakine makumi kumi (100), ziyakine makumi asanu na imo (60), ziyakine makumi atatu (30). 9Ali na matu, amvwishishe.&#8221;</div><div class="s">Cilingo ca linganizyo</div><div class="r">(Mk 4:10-12; Lk 8:9-10)</div><div class="p"> 10Pa vuli pake, asambili &#373;ake emukonsha kuti, &#8220;Cikomo ni cinji a&#373;a &#373;anthu mu&#373;ala&#373;izya mu malinganizyo?&#8221;</div><div class="p"> 11Yesu e&#373;ayasuka kuti, &#8220;Mwewo Mulungu wakuzi&#373;ishani visinsi vonse va Ufumu wa Kululu, koma kwa &#373;eve kuliyopewe. 12Pakuti wala ali na vinthu, akamupelepo viyakine, koma wala aliye kalikonse, akamupoke na katontho ka ali nako. 13Niye cikomo cake nula&#373;ila nawo mu malinganizyo, pakuti kulolesha ololeshalini, kumvwa akumvwalini cukanga kumvwishisha omvwishishalini. 14 Nipo mwa &#373;eve vinenelo va Mneneli Yesaya vukwanilishika vakuti:</div><div class="q1">&#8216;Mukokumvwa koma osamvwishisha,</div><div class="q2">nipo mukololesha koma osawona.</div><div class="q1"> 15Cendi mtima wa &#373;anthu &#373;a mtundu uyu wafunala,</div><div class="q2">&#373;asinkha matu &#373;awo,</div><div class="q2">nipo &#373;avala menso &#373;awo,</div><div class="q1">Kuyopa kuti angawone na menso &#373;awo,</div><div class="q2">nipo angamvwe na matu &#373;awo,</div><div class="q2">angamvwishe na mtima wawo,</div><div class="q1">Noyaluka mwa newo kuti ni&#373;apozye.&#8217;</div><div class="p"> 16&#8220;Koma ni woshukishiwa menso &#373;anu owona na matu &#373;anu akumvwa. 17Nukuwuzyani vyendi kuti aneneli anyinji na &#373;anthu olungama enzopangwishisha kuwona vamuwona, koma aliyoviwone &#373;eve; enzopangwishisha kumvwa vamukumvwa, koma aliyovimvwe.&#8221;</div><div class="s">Tanthauzo ya linganizyo ya womwazya mbuto</div><div class="r">(Mk 4:13-20; Lk 8:11-15)</div><div class="p"> 18&#8220;Mvwani lomba tanthauzo ya linganizyo ya womwazya mbuto: 19Aliyense akamvwa malizu &#373;a Ufumu koma osa&#373;amvwishisha, Muyipa wala akuza nofumyapo vokomolewa mu mtima mwawo. Ivi niye vomwazyiwa mu mseu. 20Nipo vomwazyiwa pa myala ni wala akumvwa malizu nosangalala ngako pamene apo, 21koma aliye mizyu mwa yeve, oyingonkhala patontho. Nipo matamano na manzunzo akaza cikomo ca malizu, munthu wala otaya cicetekelo. 22Mbuto zenzoponela pa minga, a&#373;a ni &#373;ala akumvwa Malizu, koma otangwanishiwa na va pa calo, kutemwa cuma nolu&#373;ako Malizu &#373;ala, tetyo osatwala vitwalo. 23Mbuto zomwazyiwa pa lito iweme ni &#373;ala akumvwa malizu no&#373;amvwishisha. Otwala vitwalo, makumi kumi (100), payakine makumi asanu na imo (60) payakine makumi atatu (30).&#8221;</div><div class="s">Linganizyo ya namsongole na tiligu</div><div class="p"> 24Yesu e&#373;awuzya linganizyo iyakine, ela&#373;ila kuti, &#8220;Ufumu wa Kululu tingaulinganizye na munthu okomola mbuto ziweme mu munda mwake. 25Anyanchito &#373;ake peenze lele, mulwani wake ewela nokomolamo namsongole pakati pa tiligu nofumako. 26Mbuto zala pezekula notwala vitwalo, namsongole ewonekela. 27Tetyo anyanchito eciyowuzya asikulu wawo kuti, &#8216;Asikulu, kansi muliyokomolemo mbuto iweme mu munda mwanu? Nga muli tyani namsongole?&#8217;</div><div class="p"> 28&#8220;Yeve e&#373;ayasuka kuti, &#8216;Mulwani niye wacita tetyo.&#8217;</div><div class="p">&#8220;Anyanchito ela&#373;ila soti kuti, &#8216;Tilute tikavifumyemo?&#8217;</div><div class="p"> 29&#8220;Koma yeve eyasuka kuti, &#8216;Yayi, popangwa kunyula namsongole, munyulile pamo na tiligu. 30Vilekeni vikulile pamo mpaka nsita yowezya, nipo nikawuzye owezya kuti awunjike namsongole nomanga pamo kuti awushoke, koma akawunjike tiligu mu cimphaka cangu.&#8217;&#8221;</div><div class="s">Linganizyo ya kambuto katontho ngako</div><div class="r">(Mk 4:30-32; Lk 13:18-19)</div><div class="p"> 31Yesu e&#373;awuzya soti linganizyo iyakine, ela&#373;ila kuti, &#8220;Ufumu wa Kululu tingaulinganizye na kambuto katontho kecikomola munthu mu munda mwake. 32Ni kambuto katontho ngako pa mbuto zonse, koma kakakomolewa kokula ngako kupula va mu munda vonse nipo koku&#373;a cimuti, nipo tunyoni twa mululu tuwela nopangamo tuvumbo mu misambo yake.&#8221;</div><div class="p"> 33E&#373;awuzya soti linganizyo iyake yakuti, &#8220;Ufumu wa Kululu uli soti ngani cofufumishila mkate, ceciyavizya na unga unyinji wokwanila miyeso itatu mwanakazi muyakine, mpaka mkate wonse wifufumila.&#8221;</div><div class="p"> 34Yesu ela&#373;ila vonse ivi mu malinganizyo kuwuzya &#373;anthu; aliyola&#373;ile kalikonse osase&#373;enzesha linganizyo. 35 Ivi venzokwanilisha vecila&#373;ila mneneli Yesaya kuti,</div><div class="q1">&#8220;Nikala&#373;ile nawo mu malinganizyo;</div><div class="q2">nikawulule venze vofisika kufuma pecilengewa calo ca pansi.&#8221;</div><div class="s">Ola&#373;ila tanthauzo ya linganizyo ya namsongole na tiligu</div><div class="p"> 36Pa vuli pake Yesu esiya winji wala, nakuyolo&#373;a mu ng&#700;anda. Asambili &#373;ake emusenga kuti, &#8220;Titanthauzileni linganizyo ya namsongole wa mu munda.&#8221;</div><div class="p"> 37Yesu eyasuka kuti, &#8220;Okomola mbuto iweme ni Mwana wa Munthu. 38Munda ni calo ca pansi, nipo mbuto iweme ni &#373;ana &#373;a Ufumu wa Kululu. Namsongole ni &#373;ana &#373;a Muyipa wala, 39nipo mulwani e&#373;akomola ni Satana. Nsita yowezya ni posilizyila pa calo, nipo owezya ni angelo.</div><div class="p"> 40&#8220;Ngani mwakuwunjikila namsongole nowushoka na mulilo, niye mwaticika&#373;ele pa kusila kwa calo. 41Mwana wa Munthu akatume angelo, nipo akawunjike kunja kwa Ufumu wake vonse vucimwisha na wonse ofwaya Matetulo, 42no&#373;apoza mu ng&#700;anjo ya mulilo. Ku malo &#373;ala kuka&#373;e kulila nokukuta menu. 43Apo wolungama aka&#373;ale ngani zu&#373;a mu Ufumu wa Awusu wawo. Ali na matu, amvwishishe.&#8221;</div><div class="s">Linganizyo ya cuma cofisika</div><div class="p"> 44&#8220;Ufumu wa Kululu uli ngani cuma cofisika mu munda, cakuti munthu muyakine akacikumba ocifisa soti. Nipo na cisangalalo cake, oluta nositisha vonse va ali navo nosita munda wala.</div><div class="p"> 45&#8220;Ufumu wa Kululu uli soti ngani wa malonda opangwa viweme vodula. 46Nipo pecivifwana ivi, eciyositisha vonse venze navo nogula vodula ivi.&#8221;</div><div class="s">Linganizyo ya kombe</div><div class="p"> 47&#8220;Ufumu wa Kululu uli soti ngani kombe yepozewa pa cimmana nokata masa&#373;i osiyana&#8211;siyana. 48Nipo peyizula, &#373;anthu eyidonsela ku silya nosalula masa&#373;i. Aweme e&#373;ayika mu ciya, nipo ayipa e&#373;ataya. 49Tetyo, ni pa kusila kwa calo, angelo patiakawele kuzopatula &#373;anthu ayipa pa &#373;anthu wolungama, 50no&#373;ataya mu ng&#700;anjo ya mulilo. Ku malo &#373;ala kuka&#373;e kulila nokukuta menu.&#8221;</div><div class="s">Cuma ca kale na ca lomba</div><div class="p"> 51Yesu e&#373;akonsha kuti, &#8220;Mwamvwishisha vonse ivi?&#8221;</div><div class="p">Nipo asambili &#373;ake eyasuka kuti, &#8220;Eee.&#8221;</div><div class="p"> 52E&#373;awuzya kuti, &#8220;Msambizyi aliyense wasambizyiwa va Ufumu wa Kululu ali ngani asikulu &#373;a ng&#700;anda, oleta vinthu va lomba na va kale kufuma mu cuma cake.&#8221;</div><div class="s">Yesu okaniwa ku Nazaleti</div><div class="p"> 53Yesu pecisilizya kula&#373;ila va malinganizyo efumako kwala. 54Pecifwika ku citwa ca kwawo, etatika kusambizya &#373;anthu mu kacisi wa Ayuda. &#372;ala enzokumvwa ekanganishiwa nola&#373;ila kuti, &#8220;Kansi ezitola kuni nzelu izi na mphamvu? 55Kansi uyu ni mwanalini wa mmisili? Anyina ni Maliyalini? Nipo enekwawo ni Yakobe na Yosefe na Simoni na Yudalini? 56Azilongosi &#373;ake wonse alilini na sewo? Evifumya kuni vonse ivi?&#8221; 57Tetyo emukana#13:57 Tetyo emukana Keno kula&#373;ila kuti, Tetyo etaya cicetekelo mwa yeve..</div><div class="p">Koma Yesu e&#373;awuzya kuti, &#8220;Mneneli opewa mcinzi kulikonse kwangalute, koma okaniwa na &#373;a ku munzi kwawo na &#373;a ku banja yake.&#8221; 58Nipo aliyocite vokanganisha vinyinji kwala, cikomo ca kusacetekela kwawo.</div>
 </div>
 </div>
</div>

Nsenga New Testament © The Bible Society of Zambia, 2015.

Nsiku yamene iyo, Yesu efuma mu ngʼanda nakuyonkhala ku mbali kwa cimmana. Winji wa ŵanthu wewungana nomuzunguluka, tetyo eloŵa mu wato nonkhala pansi, nipo winji wala wepanama pa silya pa cimmana. Yesu eŵawuzya vinthu vinyinji mu malinganizyo.
Elaŵila kuti, “Munthu muyakine eluta kuyomwazya mbuto. Pecimwazya mbuto mu munda mwake, ziyakine ziponela mu mseu, nipo tunyoni twiwela nakulya. Ziyakine ziponela pa myala penzeve lito inyinji. Mbuto zala zimela mmangu cikomo ca lito itontho. Koma peyiwela zuŵa, tumumela twala twicipya cikomo cakuti mizyu iliyoloŵe pansi ngako nipo twiyuma. Mbuto ziyakine ziponela pa minga, ikula noceneka tumbuto twala. Ziyakine ziponela pa lito iweme notwala vitwalo, ziyakine makumi kumi (100), ziyakine makumi asanu na imo (60), ziyakine makumi atatu (30). Ali na matu, amvwishishe.”


Pa vuli pake, asambili ŵake emukonsha kuti, “Cikomo ni cinji aŵa ŵanthu muŵalaŵizya mu malinganizyo?”
Yesu eŵayasuka kuti, “Mwewo Mulungu wakuziŵishani visinsi vonse va Ufumu wa Kululu, koma kwa ŵeve kuliyopewe. Pakuti wala ali na vinthu, akamupelepo viyakine, koma wala aliye kalikonse, akamupoke na katontho ka ali nako. Niye cikomo cake nulaŵila nawo mu malinganizyo, pakuti kulolesha ololeshalini, kumvwa akumvwalini cukanga kumvwishisha omvwishishalini. Nipo mwa ŵeve vinenelo va Mneneli Yesaya vukwanilishika vakuti:
‘Mukokumvwa koma osamvwishisha,
nipo mukololesha koma osawona.
Cendi mtima wa ŵanthu ŵa mtundu uyu wafunala,
ŵasinkha matu ŵawo,
nipo ŵavala menso ŵawo,
Kuyopa kuti angawone na menso ŵawo,
nipo angamvwe na matu ŵawo,
angamvwishe na mtima wawo,
Noyaluka mwa newo kuti niŵapozye.’
“Koma ni woshukishiwa menso ŵanu owona na matu ŵanu akumvwa. Nukuwuzyani vyendi kuti aneneli anyinji na ŵanthu olungama enzopangwishisha kuwona vamuwona, koma aliyoviwone ŵeve; enzopangwishisha kumvwa vamukumvwa, koma aliyovimvwe.”


“Mvwani lomba tanthauzo ya linganizyo ya womwazya mbuto: Aliyense akamvwa malizu ŵa Ufumu koma osaŵamvwishisha, Muyipa wala akuza nofumyapo vokomolewa mu mtima mwawo. Ivi niye vomwazyiwa mu mseu. Nipo vomwazyiwa pa myala ni wala akumvwa malizu nosangalala ngako pamene apo, koma aliye mizyu mwa yeve, oyingonkhala patontho. Nipo matamano na manzunzo akaza cikomo ca malizu, munthu wala otaya cicetekelo. Mbuto zenzoponela pa minga, aŵa ni ŵala akumvwa Malizu, koma otangwanishiwa na va pa calo, kutemwa cuma noluŵako Malizu ŵala, tetyo osatwala vitwalo. Mbuto zomwazyiwa pa lito iweme ni ŵala akumvwa malizu noŵamvwishisha. Otwala vitwalo, makumi kumi (100), payakine makumi asanu na imo (60) payakine makumi atatu (30).”

Yesu eŵawuzya linganizyo iyakine, elaŵila kuti, “Ufumu wa Kululu tingaulinganizye na munthu okomola mbuto ziweme mu munda mwake. Anyanchito ŵake peenze lele, mulwani wake ewela nokomolamo namsongole pakati pa tiligu nofumako. Mbuto zala pezekula notwala vitwalo, namsongole ewonekela. Tetyo anyanchito eciyowuzya asikulu wawo kuti, ‘Asikulu, kansi muliyokomolemo mbuto iweme mu munda mwanu? Nga muli tyani namsongole?’
“Yeve eŵayasuka kuti, ‘Mulwani niye wacita tetyo.’
“Anyanchito elaŵila soti kuti, ‘Tilute tikavifumyemo?’
“Koma yeve eyasuka kuti, ‘Yayi, popangwa kunyula namsongole, munyulile pamo na tiligu. Vilekeni vikulile pamo mpaka nsita yowezya, nipo nikawuzye owezya kuti awunjike namsongole nomanga pamo kuti awushoke, koma akawunjike tiligu mu cimphaka cangu.’”


Yesu eŵawuzya soti linganizyo iyakine, elaŵila kuti, “Ufumu wa Kululu tingaulinganizye na kambuto katontho kecikomola munthu mu munda mwake. Ni kambuto katontho ngako pa mbuto zonse, koma kakakomolewa kokula ngako kupula va mu munda vonse nipo kokuŵa cimuti, nipo tunyoni twa mululu tuwela nopangamo tuvumbo mu misambo yake.”
Eŵawuzya soti linganizyo iyake yakuti, “Ufumu wa Kululu uli soti ngani cofufumishila mkate, ceciyavizya na unga unyinji wokwanila miyeso itatu mwanakazi muyakine, mpaka mkate wonse wifufumila.”
Yesu elaŵila vonse ivi mu malinganizyo kuwuzya ŵanthu; aliyolaŵile kalikonse osaseŵenzesha linganizyo. Ivi venzokwanilisha vecilaŵila mneneli Yesaya kuti,
“Nikalaŵile nawo mu malinganizyo;
nikawulule venze vofisika kufuma pecilengewa calo ca pansi.”

Pa vuli pake Yesu esiya winji wala, nakuyoloŵa mu ngʼanda. Asambili ŵake emusenga kuti, “Titanthauzileni linganizyo ya namsongole wa mu munda.”
Yesu eyasuka kuti, “Okomola mbuto iweme ni Mwana wa Munthu. Munda ni calo ca pansi, nipo mbuto iweme ni ŵana ŵa Ufumu wa Kululu. Namsongole ni ŵana ŵa Muyipa wala, nipo mulwani eŵakomola ni Satana. Nsita yowezya ni posilizyila pa calo, nipo owezya ni angelo.
“Ngani mwakuwunjikila namsongole nowushoka na mulilo, niye mwaticikaŵele pa kusila kwa calo. Mwana wa Munthu akatume angelo, nipo akawunjike kunja kwa Ufumu wake vonse vucimwisha na wonse ofwaya Matetulo, noŵapoza mu ngʼanjo ya mulilo. Ku malo ŵala kukaŵe kulila nokukuta menu. Apo wolungama akaŵale ngani zuŵa mu Ufumu wa Awusu wawo. Ali na matu, amvwishishe.”

“Ufumu wa Kululu uli ngani cuma cofisika mu munda, cakuti munthu muyakine akacikumba ocifisa soti. Nipo na cisangalalo cake, oluta nositisha vonse va ali navo nosita munda wala.
“Ufumu wa Kululu uli soti ngani wa malonda opangwa viweme vodula. Nipo pecivifwana ivi, eciyositisha vonse venze navo nogula vodula ivi.”

“Ufumu wa Kululu uli soti ngani kombe yepozewa pa cimmana nokata masaŵi osiyana–siyana. Nipo peyizula, ŵanthu eyidonsela ku silya nosalula masaŵi. Aweme eŵayika mu ciya, nipo ayipa eŵataya. Tetyo, ni pa kusila kwa calo, angelo patiakawele kuzopatula ŵanthu ayipa pa ŵanthu wolungama, noŵataya mu ngʼanjo ya mulilo. Ku malo ŵala kukaŵe kulila nokukuta menu.”

Yesu eŵakonsha kuti, “Mwamvwishisha vonse ivi?”
Nipo asambili ŵake eyasuka kuti, “Eee.”
Eŵawuzya kuti, “Msambizyi aliyense wasambizyiwa va Ufumu wa Kululu ali ngani asikulu ŵa ngʼanda, oleta vinthu va lomba na va kale kufuma mu cuma cake.”

Yesu pecisilizya kulaŵila va malinganizyo efumako kwala. Pecifwika ku citwa ca kwawo, etatika kusambizya ŵanthu mu kacisi wa Ayuda. Ŵala enzokumvwa ekanganishiwa nolaŵila kuti, “Kansi ezitola kuni nzelu izi na mphamvu? Kansi uyu ni mwanalini wa mmisili? Anyina ni Maliyalini? Nipo enekwawo ni Yakobe na Yosefe na Simoni na Yudalini? Azilongosi ŵake wonse alilini na sewo? Evifumya kuni vonse ivi?” Tetyo emukana.
Koma Yesu eŵawuzya kuti, “Mneneli opewa mcinzi kulikonse kwangalute, koma okaniwa na ŵa ku munzi kwawo na ŵa ku banja yake.” Nipo aliyocite vokanganisha vinyinji kwala, cikomo ca kusacetekela kwawo.

듣기 Mat 13