 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

عَبْرَامَ عُمِّ دِغَ مِصْرَ، وَرْتِ لٜسْدِ ڢٛمْبِنَ بٜى دٜبّٛ مَاکٛ عٜ کٛ عٛمَرِ ڢُو؞ لُوطُ طٛنّٛ بٜى مَاکٛ؞
عَبْرَامَ عٛ دِسْکُطٛ مَسِنْ؞ عٛمَرِ دَبَّاجِ عٜ شَرْدِ عٜ کَنغّٜىٰرِ؞ عٛيٜحِ سٜطَّ سٜطَّ دِغَ لٜسْدِ ڢٛمْبِنَ حَا يٛتِّ بَيْتِلَ، حَا نٛکُّورٜ لَيْمَارُ مَاکٛ ندُ عٛدَرْنُنٛ نَانٜ حَکُّندٜ بَيْتِلَ عٜ عَيُ، حَا نٛکُّورٜ ندٜ عٛمَحُنٛ حِرْسِرْدٜ نَانٜ بٛو؞ حَا تٛنْ عَبْرَامَ عٜوْنِ عِنْدٜ جَوْمِرَاوٛ ندٜرْ دٛعَ؞ لُوطُ، جَحْدُطٛ بٜى عَبْرَامَ، وٛودِ دَمّٛوجِ عٜ نَعِ عٜ شُوطِ لَيْمَاجِ مَاکٛ؞ لٜسْدِ مَاجُمْ حٜعَايْ حَا ࢡٜنجٛوطٛدٛ نغَمْ مَرْلٜ مَࢡّٜ طُوطِ مَسِنْ حَا ࢡٜمبَاوَايْ جٛوطٛدَاغٛ؞ جٛکِّرْغٛلْ عُمِّ حَکُّندٜ وَيْنَاࢡٜ عَبْرَامَ عٜ وَيْنَاࢡٜ لُوطُ؞ وَکَّتِ مَنْ کَنَانِعٜنْ عٜ ݠٜرٜزِّعٜنْ طٛنّٛ ندٜرْ لٜسْدِ مَاجُمْ؞
ندٜنْ عَبْرَامَ وِعِ لُوطُ‏: «تَا جٛکِّرْغٛلْ وٛنَ حَکُّندٜ عَمْ بٜى مَاطَ، حَکُّندٜ وَيْنَاࢡٜ عَمْ بٜى وَيْنَاࢡٜ مَاطَ نغَمْ عٜنْ بَنْدِرَاࢡٜ؞ نَا لٜسْدِ ڢُو طٛنْ يٜىٰسٛ مَاطَ نَ؟ سٜىٰدُ بٜى عَمْ‏! تٛ عَيِطِ يَحُغٛ غَلْ جُنغٛ نَنٛ، مِيَحَنْ حَا ࢩَامٛ؞ تٛ عَيِطِ يَحُغٛ غَلْ جُنغٛ ࢩَامٛ، مِيَحَنْ غَلْ نَنٛ؞» لُوطُ ࢡَنغْتِ غِتٜ مُوطُمْ، يِعِ وَادِوٛلْ عُرْدُنْ ڢُو نٛ سٛوڢْرِ بٛوطُّمْ، حَا يٛتِّ شٛعَرْ؞ حِدّٜکٛ اَللَّه نَتِّنَ سٛدٛمَ عٜ غٛمٛرَّ، نغٛلْ نَنْدِنٛ بَنَ جَرْنٜ جَوْمِرَاوٛ، بَنَ لٜسْدِ مِصْرَ؞ لُوطُ سُࢡَنِ حٛورٜ مُوطُمْ وَادِوٛلْ عُرْدُنْ ڢُو، عٛدِلِّ غَلْ ڢُونَانغٜ؞ بَنَ نٛنْ ࢡٜشٜىٰدِرِ؞ عَبْرَامَ جٛوطِ ندٜرْ لٜسْدِ کَنَانَ، لُوطُ بٛو جٛوطِ ندٜرْ غُرٜ وَادِوٛلْ؞ عٛدَرْنِ شُوطِ لَيْمَاجِ مَاکٛ حَا يٛتِّ سٛدٛمَ؞ يِمْࢡٜ بٜرْنِوٛلْ سٛدٛمَ ࢡٜ حَلُّࢡٜ، ࢡٜطٛنّٛ مبَطَ حَکّٜ مَسِنْ حٜىٰدِ جَوْمِرَاوٛ؞
ندٜ لُوطُ سٜىٰدِ بٜى مَاکٛ، جَوْمِرَاوٛ وِعِ عَبْرَامَ‏: «ࢡَنغْتُ غِتٜ مَاطَ، لَارْ دِغَ نٛکُّورٜ ندٜ عَوٛنِ حَا غَلْ وٛيْلَ عٜ ڢٛمْبِنَ عٜ ڢُونَانغٜ عٜ حِيرْنَانغٜ؞ نغَمْ لٜسْدِ ندِ نغِعَتَ ڢُو، حَا مَاطَ عٜ دَࢩْغٛلْ مَاطَ ندٛکَّنْمِ ندِ نغَمْ ڢٛرٛيْ؞ مِطُطِّنَنْ دَࢩْغٛلْ مَاطَ بَنَ نجَارٜىٰندِ؞ تٛ غٛطّٛ وَاوِ لِمُغٛ نجَارٜىٰندِ مَايٛ، عٛوَاوَنْ لِمُغٛ دَࢩْغٛلْ مَاطَ بٛو؞ عُمَّ، وِدَّ لٜسْدِ، ندٜرْ نجُوتِرْکَ عٜ نجَاجِرْکَ مَارِ ڢُو، نغَمْ مِحٛکّٜتٜ ندِ؞» عَبْرَامَ عُمِّدِ بٜى شُوطِ لَيْمَاجِ مُوطُمْ، وَرِ جٛوطِ لٜسْ لٜطّٜ مَوْطٜ حَا مَمْرٜ، بَنغٜ حٜبُرُونْ؞ تٛنْ عٛمَحَنِ جَوْمِرَاوٛ حِرْسِرْدٜ؞

듣기 لَاتَانٛوجِ 13