Bible translation: Lubukusu © Bible Society of Kenya, 2007 Recording of the New Testament ℗ Hosanna, 2019

Lubukusu- 2007 KENBS (NT) Drama

Lubukusu- 2007 KENBS (NT) Non Drama

<div class="version vid2654 iso6393bxk" data-vid="2654" data-iso6393="bxk">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu ne Sakayo</div><div class="p"> 1Yesu engila mu Yeriko ne ali khu lukeendo lwewe. 2Abao omuiinda bali Sakayo owaba omukhongo we khurosia busuuru. 3Ekoomba khubona Yesu amanye ali omundu lukano siina, ne se anyala khumubona tawe sikila babaandu baba bakali, mala niye aba omwiimbi. 4Nio atima ebweeni aniina khu mukhuyu nio amubone sikila Yesu aba alabirira khu ngila eyo. 5Nga Yesu ola a mukhuyu akalama angaaki, mala aboolela Sakayo ali, &#8220;Sakayo yiikha khangu, sikila endaalo yino khukhwola ningile munju mwowo.&#8221;</div><div class="p"> 6Nio Sakayo ekha khangu mala akaanila Yesu ne liliekhoya likali. 7Babaandu boosi ba babona barakikha khukhwelung'unya, ne baloma bali, &#8220;Omundu yuno achiile khuba omukeni wo mundu omwoni!&#8221;</div><div class="p"> 8Sakayo enyokha mala aboolela Omwami ali, &#8220;Lola Omwami, ndaelesia bataambi enusu eye kimiaandu kiase. Ne naaba ne nabea omundu yesi yesi khu siindu siosi siosi, ndamukoboselia sikelo esio khukhwola khane.&#8221;</div><div class="p"> 9Ne Yesu amukobosia ali, &#8220;Endaalo yino buonia bwechile munju yino, sikila omundu yuno yesi ali owe lisaaye lia Aburahamu. 10#Mat. 18.11 Sikila Omwana wo Mundu echa khuyiima ne khuonia babatiba.&#8221;</div><div class="s">Lukano lwe chirupia</div><div class="r">(Mat. 25.14-30)</div><div class="p"> 11 # 
 Mat. 25.14-30
 Nga babaandu baba ne barekereesie kano, Yesu achiililila ababoolela lukano. Sikila aba siimbi khwola Yerusalemu ne babaandu bebaasianga bali Bubwami bwa Wele bwaba siimbi khubonekha. 12Nio ababoolela ali, &#8220;Abao omukhongo owaba ne alikho acha mu sibala sie aleeyi anyoole bubwami, mala ne anyoolile bubwami obwo, akobole engo. 13Nakharekukha tawe, alaanga bakholi bewe ekhumi mala abaelesia chirupia, ababoolela ali, &#8216;Nyoola bukhala mu rupia chino nabwila ngobola.&#8217; 14Babaandu be mu sibala siewe bamubiila, nio baruma bakholi enyuma wewe bali, &#8216;Se khwenya omundu yuno akhwamiie tawe.&#8217;</div><div class="p"> 15&#8220;Omundu oyo akholwa omwami mala akobola engo. Arusia lilaka khangu bakholi nibo aelesia chirupia balangwe amanye bukhala nibwo baba ne banyoolile. 16Owe khunyoa echa ebweeni wewe amuboolela ali, &#8216;Omwami, erupia niyo wambelesia yareerire bukhala bwe chichiindi ekhumi.&#8217; 17Omwami oyo aboolela omukholi ali, &#8216;Oli omukholi omulayi, wakholile bulayi! Sikila wabele omusuubilwa mu makeekhe, ndakhukhola obe omwimeelesi we chingoba ekhumi.&#8217; 18Omukholi okhola khabili echa aloma ali, &#8216;Omwami, erupia yowo yareerire bukhala bwe chichiindi chiraano.&#8217; 19Ne omwami, amuboolela ali, &#8216;Olaba omwimeelesi khu ngoba chiraano.&#8217;</div><div class="p"> 20&#8220;Omukholi omumaliilisi echa aloma ali, &#8216;Omwami, erupia yowo niyeeyi. Nakiboa mu sitambala mala nakikisa. 21Nakhuria, sikila ewe oli omundu omurafu. Obukulanga nisio okhabiikha tawe, lundi okesanga nibio okhamiicha tawe.&#8217; 22Omwami amuboolela ali, &#8216;Oli omukholi omubi, ndakhukhalakila khuloondekhana ne lilomaloma liowo wamwene! Wamanya oli ese ndi omundu omurafu, mbukulanga biikhali bibiase tawe, lundi ngesaanga nibio khamiicha tawe. 23Nono siina, sisiakila ne waloba khura erupia yase mu bengi oli nicha nyoolelakho bukhala?&#8217;</div><div class="p"> 24&#8220;Nio omwami oyo aboolela abo ba baaba ne bemileo ali, &#8216;Munuule erupia niyo ali nayo muelesie oyo oli nacho ekhumi.&#8217; 25Omwami, &#8216;Yuno ali nacho ekhumi!&#8217; 26#Mat. 13.12; Mk. 4.25; Lk. 8.18 Abakobosia ali, &#8216;Muboolela ndi buli mundu oli ne sisiindu alaebwa bibiindi, ne oyo okhali na siindu tawe, akhaba sitiiti nisio ali nasio alanuulwa. 27Ne basiku base bakheenyanga ese mbe omwami wabwe tawe, bareere ano mala mubeere ebweeni wase!&#8217; &#8221;</div><div class="s">Khukhwingila mu Yerusalemu ne bikalakala</div><div class="r">(Mat. 21.1-11; Mk. 11.1-11; Yn. 12.12-19)</div><div class="p"> 28Yesu nga amala khuloma kano, achiililila ne lukeendo lwewe lwe khucha Yerusalemu. 29Nga ne embiya e Betifake ne Betania a sikulu sia Miseituni, aruma babeeka bewe babili, 30ne khubaa kamalaka kano ali, &#8220;Cha mu sirekere sie ataayi esio, nga ne mwingilamo, mulanyoola epunda enjoka niyo omundu akhakeendelakho tawe. Kikangulule mala mukireere ano. 31Omundu yesi yesi aaba ne amureeba ali, &#8216;Siina sikila ne mukikangulula,&#8217; muboolele muli Omwami akienya.&#8221;</div><div class="p"> 32Nio babeeka bacha mala banyoola buli siindu nga baba ne baboolelwe. 33Ne oli balikho bakangulula epunda, babeeneyo bareeba bali, &#8220;Siina sikila ne mukikangulula?&#8221; 34Bakobosia bali, &#8220;Omwami akienya,&#8221;</div><div class="p"> 35Mala bakirerera Yesu. Nio baala chingubo chabwe khu punda eyo ne khukhwikhasiakho Yesu. 36Nga Yesu akeendela khu punda, babaandu baala chingubo chabwe khu ngila epunda yachikeendelakho.</div><div class="p"> 37Nga Yesu ne embiya Yerusalemu, niio engila esungukhila khu sikulu sia Miseituni, babeeka bewe boosi barakikha khukhwekhoya ne khufumia Wele ne kumumilo kwe angaaki khulwe kimilimo kimiboofu nikio baba ne baboone. 38#Chiny. 118.26 Ne baboola bali, &#8220;Wele biita chikhabi omuruki owichila mu lisina lio Mwami! Kumuleembe kube mwikulu ne luyali lube khu Wele!&#8221;</div><div class="p"> 39Nio Bafarisayo balala mu sipupu baboolela Yesu bali, &#8220;Omwekisia sisia babeeka bowo.&#8221;</div><div class="p"> 40Yesu abakobosia ali, &#8220;Muboolela enywe ndi basila kamabaale kalarakikha khu khufumia.&#8221;</div><div class="s">Yesu alila sikila Yerusalemu</div><div class="p"> 41Yesu nga ne ola siimbi ne lukoba lwa Yerusalemu alubona mala arakikha khululila ne aloma ali, 42&#8220;Abaanga mu manyile endaalo eya luno bibiindu bibienyekha nio kumuleembe kubeo! Ne kakhali luno biakisiibwe se mubibona tawe! 43Siise silikho siicha, basiku benywe bakhamubotookhelele mala bamwibwaakale khukhwama chimbeka choosi. 44Balimubunisilia enywe elala, ne babaandu balimo. Ne se balilekha libaale khulindi tawe, sikila se mwakhebulila siise nisio Wele echelamo khumuonia enywe tawe.&#8221;</div><div class="s">Yesu engila mu Lukaangu</div><div class="r">(Mat. 21.12-17; Mk. 11.15-19; Yn. 2.13-22)</div><div class="p"> 45Nga Yesu ne engila mu Lukaangu arakikha khutimania baboofuli baruremo, 46#Isa. 56.7; Yer. 7.11 ababoolela ali, &#8220;Liaandikwa lili, &#8216;Enju yase elaba Enju eye lisaba,&#8217; Ne kakhali enywe mwakikholile libina lie banuuli!&#8221;</div><div class="p"> 47 # 
 Lk. 21.37
 Buli endaalo Yesu ekisianga mu Lukaangu. Basaayi bakhulu, baandiki ne babemeelesi be babaandu beenya khumwiira; 48ne kakhali se banyoola bubweyaangu bwe khukhola bario tawe, sikila babaandu boosi bachiililila khumurekeeresia mu burekereefu bukali.</div>
 </div>
 </div>
</div>

Yesu engila mu Yeriko ne ali khu lukeendo lwewe. Abao omuiinda bali Sakayo owaba omukhongo we khurosia busuuru. Ekoomba khubona Yesu amanye ali omundu lukano siina, ne se anyala khumubona tawe sikila babaandu baba bakali, mala niye aba omwiimbi. Nio atima ebweeni aniina khu mukhuyu nio amubone sikila Yesu aba alabirira khu ngila eyo. Nga Yesu ola a mukhuyu akalama angaaki, mala aboolela Sakayo ali, “Sakayo yiikha khangu, sikila endaalo yino khukhwola ningile munju mwowo.”
Nio Sakayo ekha khangu mala akaanila Yesu ne liliekhoya likali. Babaandu boosi ba babona barakikha khukhwelung'unya, ne baloma bali, “Omundu yuno achiile khuba omukeni wo mundu omwoni!”
Sakayo enyokha mala aboolela Omwami ali, “Lola Omwami, ndaelesia bataambi enusu eye kimiaandu kiase. Ne naaba ne nabea omundu yesi yesi khu siindu siosi siosi, ndamukoboselia sikelo esio khukhwola khane.”
Ne Yesu amukobosia ali, “Endaalo yino buonia bwechile munju yino, sikila omundu yuno yesi ali owe lisaaye lia Aburahamu. Sikila Omwana wo Mundu echa khuyiima ne khuonia babatiba.”


Nga babaandu baba ne barekereesie kano, Yesu achiililila ababoolela lukano. Sikila aba siimbi khwola Yerusalemu ne babaandu bebaasianga bali Bubwami bwa Wele bwaba siimbi khubonekha. Nio ababoolela ali, “Abao omukhongo owaba ne alikho acha mu sibala sie aleeyi anyoole bubwami, mala ne anyoolile bubwami obwo, akobole engo. Nakharekukha tawe, alaanga bakholi bewe ekhumi mala abaelesia chirupia, ababoolela ali, ‘Nyoola bukhala mu rupia chino nabwila ngobola.’ Babaandu be mu sibala siewe bamubiila, nio baruma bakholi enyuma wewe bali, ‘Se khwenya omundu yuno akhwamiie tawe.’
“Omundu oyo akholwa omwami mala akobola engo. Arusia lilaka khangu bakholi nibo aelesia chirupia balangwe amanye bukhala nibwo baba ne banyoolile. Owe khunyoa echa ebweeni wewe amuboolela ali, ‘Omwami, erupia niyo wambelesia yareerire bukhala bwe chichiindi ekhumi.’ Omwami oyo aboolela omukholi ali, ‘Oli omukholi omulayi, wakholile bulayi! Sikila wabele omusuubilwa mu makeekhe, ndakhukhola obe omwimeelesi we chingoba ekhumi.’ Omukholi okhola khabili echa aloma ali, ‘Omwami, erupia yowo yareerire bukhala bwe chichiindi chiraano.’ Ne omwami, amuboolela ali, ‘Olaba omwimeelesi khu ngoba chiraano.’
“Omukholi omumaliilisi echa aloma ali, ‘Omwami, erupia yowo niyeeyi. Nakiboa mu sitambala mala nakikisa. Nakhuria, sikila ewe oli omundu omurafu. Obukulanga nisio okhabiikha tawe, lundi okesanga nibio okhamiicha tawe.’ Omwami amuboolela ali, ‘Oli omukholi omubi, ndakhukhalakila khuloondekhana ne lilomaloma liowo wamwene! Wamanya oli ese ndi omundu omurafu, mbukulanga biikhali bibiase tawe, lundi ngesaanga nibio khamiicha tawe. Nono siina, sisiakila ne waloba khura erupia yase mu bengi oli nicha nyoolelakho bukhala?’
“Nio omwami oyo aboolela abo ba baaba ne bemileo ali, ‘Munuule erupia niyo ali nayo muelesie oyo oli nacho ekhumi.’ Omwami, ‘Yuno ali nacho ekhumi!’ Abakobosia ali, ‘Muboolela ndi buli mundu oli ne sisiindu alaebwa bibiindi, ne oyo okhali na siindu tawe, akhaba sitiiti nisio ali nasio alanuulwa. Ne basiku base bakheenyanga ese mbe omwami wabwe tawe, bareere ano mala mubeere ebweeni wase!’ ”


Yesu nga amala khuloma kano, achiililila ne lukeendo lwewe lwe khucha Yerusalemu. Nga ne embiya e Betifake ne Betania a sikulu sia Miseituni, aruma babeeka bewe babili, ne khubaa kamalaka kano ali, “Cha mu sirekere sie ataayi esio, nga ne mwingilamo, mulanyoola epunda enjoka niyo omundu akhakeendelakho tawe. Kikangulule mala mukireere ano. Omundu yesi yesi aaba ne amureeba ali, ‘Siina sikila ne mukikangulula,’ muboolele muli Omwami akienya.”
Nio babeeka bacha mala banyoola buli siindu nga baba ne baboolelwe. Ne oli balikho bakangulula epunda, babeeneyo bareeba bali, “Siina sikila ne mukikangulula?” Bakobosia bali, “Omwami akienya,”
Mala bakirerera Yesu. Nio baala chingubo chabwe khu punda eyo ne khukhwikhasiakho Yesu. Nga Yesu akeendela khu punda, babaandu baala chingubo chabwe khu ngila epunda yachikeendelakho.
Nga Yesu ne embiya Yerusalemu, niio engila esungukhila khu sikulu sia Miseituni, babeeka bewe boosi barakikha khukhwekhoya ne khufumia Wele ne kumumilo kwe angaaki khulwe kimilimo kimiboofu nikio baba ne baboone. Ne baboola bali, “Wele biita chikhabi omuruki owichila mu lisina lio Mwami! Kumuleembe kube mwikulu ne luyali lube khu Wele!”
Nio Bafarisayo balala mu sipupu baboolela Yesu bali, “Omwekisia sisia babeeka bowo.”
Yesu abakobosia ali, “Muboolela enywe ndi basila kamabaale kalarakikha khu khufumia.”

Yesu nga ne ola siimbi ne lukoba lwa Yerusalemu alubona mala arakikha khululila ne aloma ali, “Abaanga mu manyile endaalo eya luno bibiindu bibienyekha nio kumuleembe kubeo! Ne kakhali luno biakisiibwe se mubibona tawe! Siise silikho siicha, basiku benywe bakhamubotookhelele mala bamwibwaakale khukhwama chimbeka choosi. Balimubunisilia enywe elala, ne babaandu balimo. Ne se balilekha libaale khulindi tawe, sikila se mwakhebulila siise nisio Wele echelamo khumuonia enywe tawe.”


Nga Yesu ne engila mu Lukaangu arakikha khutimania baboofuli baruremo, ababoolela ali, “Liaandikwa lili, ‘Enju yase elaba Enju eye lisaba,’ Ne kakhali enywe mwakikholile libina lie banuuli!”
Buli endaalo Yesu ekisianga mu Lukaangu. Basaayi bakhulu, baandiki ne babemeelesi be babaandu beenya khumwiira; ne kakhali se banyoola bubweyaangu bwe khukhola bario tawe, sikila babaandu boosi bachiililila khumurekeeresia mu burekereefu bukali.

듣기 Lk. 19