GENESI 22 - 인기 성경 구절

공유

Gomme Aborahama felo fao a go reela leina, ya ba “Morena-o-a-bona”; le lehono ba sa re: Thabeng mo Morena a bonwago.

Modimo a re: Tšea morwa wa gago e lego o tee, yo o mo ratago, yena Isaka, o ye nageng ya Moriya; gona moo o mo dire sehlabelo thabeng ya gona, ye ke tlogo go laetša yona.

Morongwa a re: O se ke wa iša seatla go lesogana leo! O se ke wa mo dira selo; ka gobane bjale ke lemogile gore o boifa Modimo, gomme ga wa ka wa gana go nneela morwa wa gago o tee eo.

Aborahama a re: Modimo o tlo inyakela nku ya sehlabelo. Mme ba sepela gammogo e le ba babedi.

Ke re: Ke tlo go šegofatša gagolo; bana ba gago ke tlo ba atiša gagolo bjalo ka dinaledi tša legodimong, le bjalo ka lešabašaba la lebotong la lewatle; mme bana ba gago e tlo ba beng ba dikgoro tša manaba a bona. Gomme ditšhaba ka moka tša lefase di tlo šegofala ka peu ya gago ka baka la gobane o kwele lentšu la ka.

Ka morago ga ditaba tšeo Modimo o lekile Aborahama, a bolela le yena a re: Aborahama! Yena a re: Ke nna e!

Ke mo Morongwa wa Morena a mmiditšego a le godimo a re: Aborahama! Aborahama! Yena a re: Ke nna e!

Morongwa wa Morena a buša a bitša Aborahama a le godimo, a re: Morena o re: Ke enne ka nna, ka ge ke bone se o se dirilego, o sa ka wa ntima morwa wa gago e lego o tee.

Ge ba fihla felo mo Modimo a go boletšego, Aborahama a aga aletare gona moo, a beanya dikgong, a tlema Isaka morwa wa gagwe, a mmea aletareng godimo ga dikgong.