ငဝ်ႈ 17 - 인기 성경 구절

공유

မိူဝ်ႈ​ဢၼ်​ဢသၢၵ်ႈ​ ဢႃႇပြမ်ႇ၊ လႆႈ​ၵဝ်ႈ​သိပ်း​ၵဝ်ႈ​ပီ​ၼၼ်ႉ​ ထႃႇဝရႃႉ​ၽြႃး၊ ပေႃႇမႃး​တီႈ​မၼ်း​လႄႈ​လၢတ်ႈ​ဝႃႈ၊ၵဝ်​ပဵၼ် “ ၽြႃးပဵၼ်ၸဝ်ႈ၊ၸဝ်ႈ​ဢၼၼ်ႇတႃႉ​တၼ်းၶူဝ်း၊ ဢေႃႈ။ ၵႂႃႇ​မႃး​ၵႃႈတီႈ​ၽၢႆႇၼႃႈ​ၵဝ်​လႄႈ​မီး​တင်း​ၸေးၸိမ်ႇ​လူၺ်ႈ​တၢင်း​ဢၼ်​လီ​ဢၼ်​ငၢမ်း​တႃႉ။

ၸိုဝ်ႈ​မႂ်း​တၵ်း​ဢမ်ႇ​လႆႈ​ႁွင်ႉဝႃႈ၊ ဢႃႇပြမ်ႇ၊ တၵ်း​လႆႈ​ၸိုဝ်ႈ​ဝႃႈ၊ ဢႃႇပြႃႇႁၢမ်ႇ၊ ဢေႃႈ။ လွင်ႈ​မၼ်း​ၸမ်ႉ၊ၵဝ်​ႁဵတ်း​ႁႂ်ႈ​မႂ်း​ပဵၼ်​ပေႃႈ​မဵဝ်း​ၵူၼ်း​ၼမ်ၼႃႇ​ယဝ်ႉ။

“ၵဝ်​တၵ်း​ႁႂ်ႈ​ၵတိ​သဵတ်ႈၸႃႇ​ၵဝ်​တႄႇ​မၼ်ႈ​ၵူႈၸူဝ်ႈၵူႈပၢၼ်​ၵႃႈတီႈ​မႂ်း ဢိၵ်ႇတင်း​ၸိူဝ်ႉၶိူဝ်း​ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​သိုပ်ႇ​တၢမ်​တၢမ်​သေလႄႈ​ၵဝ်​တၵ်း​ပဵၼ်​ၽြႃးပဵၼ်ၸဝ်ႈ​မႂ်း​ဢိၵ်ႇတင်း​ၸိူဝ်ႉၶိူဝ်း​မႂ်း​ဢေႃႈ။

“ၵတိ​ပတိၺိၺ်ႇ​ဢၼ်​ၵဝ်​ဝႆႉ​တီႈ​မႂ်း​ၸမ်ႉ၊မႂ်း​တၵ်း​ပဵၼ်​ပေႃႈ​မဵဝ်း​ၵူၼ်း​ၼမ်ၼႃႇ​ဢေႃႈ။

ၵူၺ်းၵႃႈ၊ၽြႃးပဵၼ်ၸဝ်ႈ​ဝႃႈ၊ “ဢမ်ႇၸႂ်ႈ​ၵူၺ်း။ မေး​မႂ်း​ ၸႃႇရႃႇ၊ တၵ်း​ၵိူတ်ႇလဵင်ႉ​လုၵ်ႈၸၢႆး​မႃး​လႄႈ​မႂ်း​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​မၼ်း​ဝႃႈ၊ ဢိၸၢၵ်ႈ၊ ဝႃႈၼႆ​ဢေႃႈ။ ၵဝ်​တၵ်း​ႁဵတ်း​ႁႂ်ႈ​ၵတိ​ပတိၺိၺ်ႇ​ၵဝ်​တႄႇ​ယူႇ​ဝူင်ႈၵၢင်​ၵဝ်​တင်း​မၼ်း​ဢိၵ်ႇတင်း​ၸိူဝ်ႉၶိူဝ်း​မၼ်း​တႃႇသေႇ​ဢေႃႈ။ ၵတိ​ပတိၺိၺ်ႇ​ၼၼ်ႉ​တၵ်း​ပဵၼ်​ၵတိ​ပတိၺိၺ်ႇ​ထႃႇဝရႃႉ​ဢေႃႈ။

ၵဝ်​တၵ်း​ဢဝ်​မိူင်း​ ၶႃႇၼၼ်ႇ၊ ဢၼ်​မႂ်း​ပဵၼ်​ၶႅၵ်ႇ​ယူႇ​တေႃႈလဵဝ်​ၼႆႉ​ဢၢပ်ႈပၼ်​ႁႂ်ႈ​ပဵၼ်​မိူင်း​မႂ်း ဢိၵ်ႇတင်း​ၸိူဝ်ႉၶိူဝ်း​မႂ်း​သေႇ​သေႇ​သေယဝ်ႉ၊ၵဝ်​တၵ်း​ပဵၼ်​ၽြႃး​ၶဝ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ဢႃႇပြႃႇႁၢမ်ႇ၊ ၶုပ်ႉၶဝ်ႇ​ဢဝ်​ၼႃႈ​မၼ်း​မူပ်ႇ​ၸပ်း​လိၼ်​ယူႇ​လႄႈ​ယုမ်ႉၶူဝ်​သေလႄႈ​လၢတ်ႈ​ၼႂ်း​ၸႂ်​ဝႃႈ၊ “ၵူၼ်း​ထဝ်ႈ​ဢၼ်​မီး​ဢသၢၵ်ႈ​ပၢၵ်ႇ​ပီ​ၼႆႉ​ၸွင်ႇ​တေ​မီး​လုၵ်ႈ​လႆႈ​ယူႇ​လူးၵွၼ်ႇ​ႁိုဝ်း၊ ၸႃႇရႃႇ၊ ဢၼ်​မီး​ဢသၢၵ်ႈ​ၵဝ်ႈ​သိပ်း​ပီ​ၼႆႉ​ၵေႃႈ​ၸွင်ႇ​တေ​ၵိူတ်ႇ​လုၵ်ႈ​လႆႈ​ယူႇ​လူးၵွၼ်ႇ​ႁိုဝ်း၊” ဝႃႈ​ၼင်ႇ​ၼႆ​ၵႃႈၼႂ်း​ၸႂ်​သေယဝ်ႉ၊

ၽြႃးပဵၼ်ၸဝ်ႈ​သမ်ႉ​လၢတ်ႈ​တီႈ​ ဢႃႇပြႃႇႁၢမ်ႇ၊ လႄႈ​ဝႃႈ၊ “မေး​မႂ်း​ၼၼ်ႉ​ၵေႃႈ​တေ​ဢမ်ႇ​လႆႈ​ႁွင်ႉ​ၸိုဝ်ႈ​ဝႃႈ၊ ၸႃႇရေး၊ တႄႇၸႃႉ​ဢဝ်​တေႃႈလဵဝ်​ၼႆႉ​ၵႂႃႇ​တေ​လႆႈ​ႁွင်ႉ​ၸိုဝ်ႈ​ဝႃႈ၊ ၸႃႇရႃႇ၊ ဝႃႈ​ၼင်ႇ​ၼႆ​ဢေႃႈ။

ႁႂ်ႈလႆႈ​ပဵၼ်​လၢၵ်ႈၶၼႃႇ​သၢၵ်ႈသေႇ​ၵတိ​ပတိၺိၺ်ႇ​ဝူင်ႈၵၢင်​မႂ်း​တင်း​ၵဝ်​ၸိုင်၊တႄႇ​ဢဝ်​မိူဝ်ႈလဵဝ်​ၼႆႉ​ၵႂႃႇ၊

ၼႂ်းဝႃႈၼၼ်​သေၵေႃႈ ၵတိ​သဵတ်ႈၸႃႇ​ၵဝ်​တၵ်း​တႄႇ​ၵႃႈၼိူဝ်​လုၵ်ႈၸၢႆး​မႂ်း​ ဢိၸၢၵ်ႈ၊ ဢၼ်​ ၸႃႇရႃႇ၊ တၵ်း​ၵိူတ်ႇလဵင်ႉ​မိူဝ်ႈ​ဢၼ်​ၶွပ်ႈၶူပ်ႇ​ၶိင်ႇ​ၼႆႉ​ပီၼႃႈ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​သေယဝ်ႉ၊

ၵူၼ်းၸၢႆး​ဢၼ်​ၵိူတ်ႇလဵင်ႉ​မႃး​ၵႃႈတီႈ​ႁိူၼ်း​သူ​သေဢမ်ႇဝႃႈ၊ၵူၼ်းၸၢႆး​ဢၼ်​ၵိူတ်ႇလဵင်ႉ​မႃး​ၵႃႈၼႂ်း​ႁိူၼ်း​ၶႃႈ​ဢၼ်​သူ​သိုဝ်ႉ​ဢဝ်​သေဢမ်ႇဝႃႈ၊ၵေႃႉ​ဢၼ်​ဢသၢၵ်ႈ​လႆႈ​ပႅတ်ႇ​ဝၼ်း​ၼၼ်ႉ​တၵ်း​လႆႈ​ၶၢမ်ႇ​တၢင်း​ဢၼ်​ႁဵတ်း​မၢင်ႇၵလႃႇ​ပၢတ်ႇပၢႆၼင်​ၵူႈ​ၵေႃႉ​ဢေႃႈ။- တၢင်း​ဢၼ်​ႁဵတ်း​မၢင်ႇၵလႃႇ​ပၢတ်ႇပၢႆၼင်​ၵူႈၵေႃႉၵူႈၵူၼ်း​ၼၼ်ႉ​ပဵၼ်​လၢၵ်ႈၶၼႃႇ​တီႈ​ၼိူဝ်ႉ​တီႈ​ၼင်​သူ​လွင်ႈ​ဢၼ်​ၵတိ​ပတိၺိၺ်ႇ​ၵဝ်​ၼႆႉ​တႄႇ​ယူႇ​ထႃႇဝရႃႉ​ၵႃႈၼိူဝ်​သူ​ၼၼ်ႉ​ဢေႃႈ။