ငဝ်ႈ 19 - 인기 성경 구절

공유

မေး​ လေႃးတႃႉ၊ ၸမ်ႉ၊ဝၢႆႇ​တူၺ်း​ၶိုၼ်း​တၢင်းလင်​လႄႈ​ပဵၼ်​သဝ်​ၵိူဝ်​ၵႂႃႇ​သေ​ဢေႃႈ။

မၼ်း​ယင်း​တိုဝ်​လႄႈ​ယူႇ​ဢေႃႈ။ ၵွပ်ႈပိူဝ်ႈ​ဢၼ်​ ထႃႇဝရႃႉ​ၽြႃး၊ ဢဵတ်းလူ​ၶဝ်​လႄႈ​တမၢၼ်ႇၵၢင်ႁၢဝ်​ၸိူဝ်း​ၼၼ်ႉ​တိုတ်ႉၸၼ်​ဢဝ်​မိုဝ်း​မၼ်း​ဢိၵ်ႇတင်း​မိုဝ်း​မေး​မၼ်း​တင်း​မိုဝ်း​လုၵ်ႈယိင်း​မၼ်း​သွင်​ၵေႃႉ​ၼၼ်ႉ​သေလႄႈ​ဢွၵ်ႇ​ဝဵင်း​ၵႂႃႇ​ဢေႃႈ။

မိူဝ်ႈ​ၼၼ်ႉ​တမၢၼ်ႇၵၢင်ႁၢဝ်​ပႃး​ၼိုင်ႈ​လၢတ်ႈ​ဝႃႈ၊ “လႅၼ်ႈပၢႆႈ​ႁႂ်ႈ​ဢသၢၵ်ႈ​သူ​လႆႈ​လွတ်ႈ​တႃႉ။ ယႃႇပေ​ဝၢႆႇ​တူၺ်း​ၶိုၼ်း​တၢင်းလင်။ ယႃႇပေ​ၵိုတ်း​ၵႃႈၼႂ်း​ပၢင်ႇပဵင်း​ၼႆႉ။ လႅၼ်ႈပၢႆႈ​ၶိုၼ်ႈ​လွႆ​ၵႂႃႇ​ႁႂ်ႈ​လွတ်ႈ​တၢင်းတၢႆ​တႃႉ၊” ဝႃႈ​ၼင်ႇ​ၼႆ​ဢေႃႈ။

ၼႂ်းဝႃႈၼၼ်​သေၵေႃႈ​မိူဝ်ႈ​ဢၼ်​ၽြႃးပဵၼ်ၸဝ်ႈ​ယႃႉၽဵဝ်ႈ​ဝဵင်း​ၸိူဝ်း​ၼၼ်ႉ​ပႅတ်ႈ​သေ​ၵႃႈတီႈ​ပၢင်ႇပဵင်း​တီႈ​ဢၼ်​ လေႃးတႃႉ၊ ယူႇသဝ်း​မႃး​ၼၼ်ႉ​ၸိုင်၊မၼ်းၸဝ်ႈ​ၶုၵ်းၸႂ်လႆႈ​ ဢႃႇပြႃႇႁၢမ်ႇ၊ ယူႇ​လႄႈ​ပွႆႇ​ၶႂၢင်း​ လေႃးတႃႉ၊ လွတ်ႈ​သေ​ႁႂ်ႈလႆႈ​ယူႇ​လူင်ႉ​လီ​လွတ်ႈ​လီ​ဢေႃႈ။