ငဝ်ႈ 21 - 인기 성경 구절

공유

ထႃႇဝရႃႉ​ၽြႃး၊ မႃး​လူ​မႃး​တူၺ်း​ ၸႃႇရႃႇ၊ ၸွမ်း​ၵႃႈ​ၼင်ႇ​ဢၼ်​ဝႃႈ​ဝႆႉ​လႄႈ​ႁဵတ်း​ပၼ်​ၵႃႈ​ၼင်ႇ​ဢၼ်​ၵတိ​ၸဝ်ႈ​မီး​ၼၼ်ႉ၊

ၽြႃးပဵၼ်ၸဝ်ႈ​ငိၼ်း​သဵင်​လုၵ်ႈဢွၼ်ႇ​ၼၼ်ႉ​လႄႈ​တမၢၼ်ႇၵၢင်ႁၢဝ်​ၽြႃးပဵၼ်ၸဝ်ႈ​လုၵ်ႉ​သေ​ၽႃႉၵၢင်ႁၢဝ်​မွၵ်ႇလၢတ်ႈ​တီႈ​ ႁႃႇၵရႃႉ၊ လႄႈ​ဝႃႈ၊ “ ႁႃႇၵရႃႉ၊ ႟။ ႁဵတ်းသင်​လႄႈ​မႂ်း​ယၢပ်ႇၸႂ်​ၶီၸႂ်​ယူႇ။ ယႃႇပေ​မႆႈၸႂ်။ ၽြႃးပဵၼ်ၸဝ်ႈ​ငိၼ်း​သဵင်​လုၵ်ႈၸၢႆး​ဢွၼ်ႇ​ၼၼ်ႉ​ယဝ်ႉ၊- လုၵ်ႉ​တႃႉ။ ၵႂႃႇ​ႁွပ်ႇဢုမ်ႈ​ဢဝ်​မၼ်း​လီ​လီ​တႃႉ။ ၵဝ်​တၵ်း​ႁႂ်ႈ​မၼ်း​ပဵၼ်​မဵဝ်း​ၸိူဝ်ႉၸၢတ်ႈ​ၵူၼ်း​ဢၼ်​ယႂ်ႇ​ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸႃႇရႃႇ၊ ပႃး​ပတိၵ်ႈသၼ်ႇထေႇ​သေယဝ်ႉ၊ၵိူတ်ႇလဵင်ႉ​လုၵ်ႈၸၢႆး​မႃး​မိူဝ်ႈ​ဢၼ်​ ဢႃႇပြႃႇႁၢမ်ႇ၊ ထဝ်ႈ​ၼႃႇ​ၼၼ်ႉ​ဢေႃႈ။ လုၵ်ႈၸၢႆး​ၼၼ်ႉ​ၵိူတ်ႇလဵင်ႉ​မႃး​ၼႂ်း​ၶိင်ႇၵႃႇလႃႉ​ဢၼ်​ၽြႃးပဵၼ်ၸဝ်ႈ​မၵ်းၶၢၼ်း​ဝႆႉ​ၼၼ်ႉ​ဢေႃႈ။

ၸႃႇရႃႇ၊ လၢတ်ႈ​လႄႈ​ဝႃႈ၊ “ၽြႃးပဵၼ်ၸဝ်ႈ​ပၼ်​ႁႂ်ႈ​ၵဝ်​လႆႈ​သိူဝ်းပျေႃႇ​လႄႈ​ယုမ်ႉၶူဝ်​ဢေႃႈ။ ၶဝ်​ၸိူဝ်း​ဢၼ်​လႆႈ​ငိၼ်း​ၶၢဝ်ႇ​ၼၼ်ႉ​ၵေႃႈ​တၵ်း​ယုမ်ႉၶူဝ်​လူၺ်ႈ​ၵၼ်​တင်း​ၵဝ်​ဢေႃႈ၊” ဝႃႈ​ၼင်ႇ​ၼႆ​သေယဝ်ႉ၊

ၽြႃးပဵၼ်ၸဝ်ႈ​လၢတ်ႈ​တီႈ​ ဢႃႇပြႃႇႁၢမ်ႇ၊ လႄႈ​ဝႃႈ၊ “ယႃႇပေ​ယၢပ်ႇၸႂ်​လူၺ်ႈ​လုၵ်ႈၸၢႆး​ဢွၼ်ႇ​တင်း​ၶႃႈ​မႂ်း​ ႁႃႇၵရႃႉ၊ ၼႆႉ။ ႁဵတ်း​ၸွမ်း​ၸိူဝ်ႉ​ၼင်ႇ​ဢၼ်​ ၸႃႇရႃႇ၊ လၢတ်ႈ​ၼၼ်ႉ​တႃႉ။ ၵွပ်ႈပိူဝ်ႈ​ၸိူဝ်ႉႁိုဝ်​ဝႃႈၼႆ​ၸမ်ႉ၊ၸိူဝ်ႉၶိူဝ်း​မႂ်း​တၵ်း​တႄႇ​ၼိူဝ်​ ဢိၸၢၵ်ႈ၊ ၵူၺ်း​ဢေႃႈ။

တီႈ​လုၵ်ႈၸၢႆး​မႂ်း​ဢၼ်​လႆႈ​တီႈၶႃႈ​ၽူႈယိင်း​ၼႆႉ​ၵေႃႈ​ၵွပ်ႈပိူဝ်ႈ​ပဵၼ်​လုၵ်ႈၸၢႆး​မႂ်း​ၼၼ်ႉ​ၵဝ်​တၵ်း​ႁႂ်ႈ​မၼ်း​လႆႈ​ပဵၼ်​ၸိူဝ်ႉၶိူဝ်း​မဵဝ်း​ၵူၼ်း​မဵဝ်း​ၼိုင်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။