ငဝ်ႈ 24 - 인기 성경 구절

공유

မၼ်း​သူးတွင်း​လႄႈ​ဝႃႈ၊ “ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ၊ၸဝ်ႈ​ ဢႃႇပြႃႇႁၢမ်ႇ၊ ၼၼ်ႉ​တီႈၶႃႈ။ ဝၼ်း​မိူဝ်ႈၼႆႉ​ၶႅၼ်းတေႃႈ​ႁႂ်ႈ​တၢင်းၵျၢမ်ႇတၢင်းပွင်​ၶႃႈၸဝ်ႈ​ဢွင်ႇ​မႅင်ႇ​သေလႄႈ၊ႁႂ်ႈ​ၵတိ​တေႃႇ​ၸဝ်ႈႁဝ်း​တႄႇပဵၼ်​မႃး​ၵႃႈၼိူဝ်​ၸဝ်ႈ​ၶႃႈၸဝ်ႈ​သေၵမ်း​တီႈၶႃႈ။

ၶႃႈၸဝ်ႈ​တေ​ယွၼ်း​ၵႃႈတီႈ​သၢဝ်​သေၵေႃႉၵေႃႉ​ႁႂ်ႈ​မၼ်း​ၶျႃး​ပုင်း​ၼမ်ႉမၼ်း​လူင်း​ပုၼ်ႈ​ၶႃႈၸဝ်ႈ​တေ​ၵိၼ်​ၼၼ်ႉ​ဢေႃႈ။ သင်​ဝႃႈ​သၢဝ်​ၼၼ်ႉ​ဝႃႈ၊ ‘ၵိၼ်​သေၵမ်း။ တီႈ​ၵလႃႇဢုၵ်ႈ​ၸိူဝ်း​ၼၼ်ႉ​ၵေႃႈ​တၵ်း​တေ​တိုၵ်း​ပၼ်​ဢေႃႈ၊’ ဝႃႈၼႆ​ၸိုင်၊ႁႂ်ႈ​ၽူႈသၢဝ်​ၼၼ်ႉ​ပဵၼ်​ၵေႃႉ​ဢၼ်​ၸဝ်ႈႁဝ်း​မႄးႁႅၼ်း​ပၼ်​ပုၼ်ႈ​ ဢိၸၢၵ်ႈ၊ ဢၼ်​ပဵၼ်​ၶႃႈၸႂ်ႉ​ၸဝ်ႈႁဝ်း​ၼၼ်ႉ​သေၵမ်း။ ပေႃး​ပဵၼ်​မႃး​ၸိူဝ်ႉ​ၼင်ႇ​ၼႆ​ၸိုင်၊ၶႃႈၸဝ်ႈ​လႆႈ​ႁု​လွင်ႈ​ဢၼ်​ၸဝ်ႈႁဝ်း​ႁႂ်ႈ​ၵတိ​ၸဝ်ႈႁဝ်း​တႄႇပဵၼ်​ၵႃႈၼိူဝ်​ၸဝ်ႈၼၢႆး​ၶႃႈၸဝ်ႈ​ၼၼ်ႉ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ဢိၸၢၵ်ႈ၊ ၸင်ႇ​ဢွၼ်​ ရေႇပႅၵ်ႉၵႃႉ၊ ၶဝ်ႈ​ၵႃႈၼႂ်း​သုမ်ႉထဵင်​ဢၼ်​မႄႈ​မၼ်း​ ၸႃႇရႃႇ၊ လႆႈ​ယူႇ​မႃး​ၼၼ်ႉ​သေယဝ်ႉ၊ၵမ်း​ၼၼ်ႉ ရေႇပႅၵ်ႉၵႃႉ၊ ၵေႃႈ​လႆႈ​ပဵၼ်​မေး​မၼ်း​ယဝ်ႉ​ဢေႃႈ။ ဢိၸၢၵ်ႈ၊ ႁၵ်ႉပႅင်း​ ရေႇပႅၵ်ႉၵႃႉ၊ ၼႃႇ​လႄႈ​လႆႈ​ၼိမ်ၸႂ်​ယဵၼ်​ၸႂ်​ၵႃႈၼႂ်း​တၢင်း​ဢၼ်​မႄႈ​မၼ်း​တၢႆ​ၼၼ်ႉ​ဢေႃႈ။

ၶဝ်​ပၼ်တၢင်းလီ​တီႈ​ ရေႇပႅၵ်ႉၵႃႉ၊ လႄႈ​ဝႃႈ၊ “ ရေႇပႅၵ်ႉၵႃႉ၊ ႟။ ႁႂ်ႈ​မႂ်း​ပဵၼ်​မႄႈ​မိုၼ်ႇ​မႄႈ​သႅၼ် သေၵမ်း​လူၺ်ႈ။ ႁႂ်ႈ​ၸိူဝ်ႉၶိူဝ်း​မႂ်း​ပႄႉၼႅင်ႇ​ဝဵင်း​ရၢၼ်ႇသူႇ​မႂ်း​တင်းလၢႆ​သေၵမ်း​လူၺ်ႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ၶႂ်ႈႁႂ်ႈ​မႂ်း​တိူင်ႇၵၢဝ်ႇ​ၵတိ​ၵႃႈၼႂ်း​ၸိုဝ်ႈသဵင်​ ထႃႇဝရႃႉ​ၽြႃး၊ ဢၼ်​ပဵၼ်​ၽြႃး​ၵၢင်ႁၢဝ်​ဢိၵ်ႇတင်း​လိၼ်မိူင်း​ၼင်ႇ​ႁိုဝ်​မႂ်း​တၵ်း​ဢမ်ႇ​ဢဝ်​မႄႈယိင်း​မိူင်း​ ၶႃႇၼၼ်ႇ၊ မႃး​ပဵၼ်​မေး​လုၵ်ႈၸၢႆး​ၵဝ်။- မႂ်း​တၵ်း​လႆႈ​ၵႂႃႇ​မိူဝ်း​ၸူး​ဝၢၼ်ႈ​ၵဝ်ႇ​မိူင်းလင်​ၵဝ်​သေလႄႈ​ႁႃ​မႄႈယိင်း​ၵႃႈၼႂ်း​ပီႈၼွင်ႉ​ၸိူဝ်ႉၶိူဝ်း​ၵဝ်​ပုၼ်ႈ​တၵ်း​ပဵၼ်​မေး​လုၵ်ႈၸၢႆး​ၵဝ်​ ဢိၸၢၵ်ႈ၊ ဢေႃႈ၊” ဝႃႈ​ၼင်ႇ​ၼႆ​ဢေႃႈ။