ငဝ်ႈ 28 - 인기 성경 구절

공유

ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၵဝ်​တၵ်း​ၸွမ်း​ပႂ်ႉ​မႂ်း​ယူႇ​ၼႂ်း​တၢင်း​ဢၼ်​မႂ်း​ၵႂႃႇ​ၵူႈတီႈၵူႈလႅၼ်​ၼၼ်ႉ​လႄႈ၊သမ်ႉ​ဢဝ်​မႂ်း​ၶိုၼ်း​မႃး​ၸူး​တီႈ​မိူင်း​ၼႆႉ​လူးၵွၼ်ႇ​ဢေႃႈ။ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ႁဵတ်း​ၸွမ်း​ၵႃႈ​ဢၼ်​ၵဝ်​လၢတ်ႈ​ဝႆႉ​တီႈ​မႂ်း​ၼႆႉ​ယဝ်ႉ​တူဝ်ႈ​ၸိုင်၊ၵဝ်​တၵ်း​ဢမ်ႇ​ပႅတ်ႈ​မႂ်း​ဝႆႉ​ၵူၺ်း၊” ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး၊ ၸုၵ်း​ယူႇ​ၵႃႈၼိူဝ်​ၶူဝ်လႆ​ၼၼ်ႉ​လႄႈ​ဝႃႈ၊ “ၵဝ်​ပဵၼ်​ ထႃႇဝရႃႉ​ၽြႃး၊ ၽြႃး​ ဢႃႇပြႃႇႁၢမ်ႇ၊ ၽြႃး​ ဢိၸၢၵ်ႈ၊ ၼၼ်ႉ​ဢေႃႈ။ ၵဝ်​တၵ်း​ဢဝ်​မိူင်း​ဢၼ်​မႂ်း​ၼွၼ်း​ယူႇ​ၼႆႉ​ပၼ်​တီႈ​မႂ်း​ဢိၵ်ႇတင်း​ၵႃႈတီႈ​ၸိူဝ်ႉၶိူဝ်း​လုၵ်ႈလၢၼ်​မႂ်း​ဢေႃႈ။

ယႃႇၵုပ်ႈ၊ တိုၼ်ႇ​မႃး​လႄႈ​လၢတ်ႈ​ဝႃႈ၊ “ ထႃႇဝရႃႉ​ၽြႃး၊ မီး​ယူႇ​ၵႃႈတီႈ​ၼႆႈ​ဢမၢၼ်ႇၶၼ်ပဵၼ်​ဢေႃႈ။ ၵဝ်​ယင်း​ဢမ်ႇ​ႁု​လွင်ႈ​ဢၼ်​မၼ်းၸဝ်ႈ​မီး​ယူႇ​ၵႃႈတီႈ​ၼႆႈ​ၼၼ်ႉ၊” ဝႃႈ​ၼင်ႇ​ၼႆ​လႄႈ၊

မိူဝ်ႈ​ၼၼ်ႉ၊ ယႃႇၵုပ်ႈ၊ ဝႆႉၵတိ​သဵတ်ႈၸႃႇ​လႄႈ​ဝႃႈ၊ “ပေႃး​ၸဝ်ႈႁဝ်း​တၵ်း​မီး​ယူႇ​လူၺ်ႈ​ၵၼ်​တင်း​ၵဝ်ၶႃႈ​သေလႄႈ၊ၸွမ်း​ပႂ်ႉ​ၼႂ်း​သဵၼ်ႈတၢင်း​ဢၼ်​ၵဝ်ၶႃႈ​ၵႂႃႇ​ၼႆႉ​လႄႈ​ပၼ်​ႁႂ်ႈ​ၵဝ်ၶႃႈ​လႆႈ​ၵိၼ်​လႆႈ​ၼုင်ႈ​ယူႇ၊- ပေႃး​ၵဝ်ၶႃႈ​လႆႈ​ပွၵ်ႈ​မိူဝ်း​လူင်ႉ​လီ​လွတ်ႈ​လီ​ၸူး​တီႈ​ႁိူၼ်း​ပေႃႈ​ၵဝ်ၶႃႈ​ၸိုင်၊ၵမ်း​ၼၼ်ႉ ထႃႇဝရႃႉ​ၽြႃး၊ တၵ်း​ပဵၼ်​ၽြႃးပဵၼ်ၸဝ်ႈ​ၵဝ်ၶႃႈ​ၶႃႈ​ဢေႃႈ။- မၢၵ်ႇႁိၼ်​ဢၼ်​ၵဝ်ၶႃႈ​ပူၵ်းတင်ႈ​ဝႆႉ ႁႂ်ႈ​ပဵၼ်​သဝ်လၵ်း​တီႈ​မၢတ်ႈ​တီႈ​တွင်း​ၼႆႉ​ၵေႃႈ​တၵ်း​လႆႈ​ပဵၼ်​ပိၵ်ႈမၢၼ်ႇ​ၽြႃးပဵၼ်ၸဝ်ႈ​ဢေႃႈ။ ၼႆႉ​ၵူၺ်းဢမ်ႇၵႃး၊ၵႃႈၼႂ်း​တၢင်းလီ​မၢင်ႇၵလႃႇ​ဢုၵ်ႉၸႃႇ​ၶူဝ်းလဵင်း​ၵႃႈ​ဢၼ်​ၸဝ်ႈႁဝ်း​ပၼ်​ၵဝ်ၶႃႈ​ၼၼ်ႉ​သိပ်း​ပုၼ်ႈ​ပုၼ်ႈ​ၼိုင်ႈ​တၵ်း​လူႇ​ပၼ်​တီႈ​ၸဝ်ႈႁဝ်း​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸိူဝ်ႉၶိူဝ်း​မႂ်း​တၵ်း​ၼမ်​ၵိုၼ်း​တၢၼ်ႇ​မုၼ်ႈလိၼ်​လႄႈ​ၽႄႈ​ဢွၵ်ႇ​ၵႂႃႇ​ဢေႃႈ။ ၶဝ်​တၵ်း​ၸွတ်ႇတူဝ်ႈ​ၵႂႃႇ​သီႇၸဵင်ႇ​ပႅတ်ႇ​ၼႃႈ​ဢေႃႈ။ ၵႃႈၼႂ်း​မႂ်း​ဢိၵ်ႇတင်း​ၸိူဝ်ႉၶိူဝ်း​မႂ်း​ၼၼ်ႉ​ၵူၼ်း​မဵဝ်း​တင်းသဵင်ႈတင်းလူင်​တၵ်း​လႆႈ​ၶၢမ်ႇ​ဢဝ်​တၢင်းလီ​မၢင်ႇၵလႃႇ​ဢေႃႈ။

မၼ်း​ႁွင်ႉ​ႁဵၵ်ႈ​ပၼ်​ၸိုဝ်ႈ​တီႈ​ၼၼ်ႈ​ဝႃႈ၊ ပေႇႀလႃႉ၊ ဢေႃႈ။ ၸိုဝ်ႈ​ၵဝ်ႇ​ဝဵင်း​ၼၼ်ႉ​ႁွင်ႉ​ႁဵၵ်ႈ​ဝႃႈ၊ လုၸႃႉ၊ ဢေႃႈ။