Yoane 10 - 인기 성경 구절

공유

Wiya aitoya sakolo ngo mbo iyeke la mbo aoleke la mbo asɛɛsɛlɛsɛkɛ bɛkɔkɔ; Imi nd’ayiki mbo bayaleke la liwawi la bayaleke la lilya.

Imi yende Botingani bolau; Botingani bolau atomacha liwawi liande ko ndowela bɛkɔkɔ.

Bɛkɔkɔ yami bitokaka limiki liami, la Imi nd’asoluwa yao la bitotutaka’mi

Imi nd’atofaefayao liwawi lia layalaya, bitilasɛɛsɛlɛkɛ la angwɛnɛ boto wɔnɔkɔlɔ yao nda bosamba wami.

Imi yende Bome; boto ɛɔtɔkɔ ko lami, inde kotekama, atɔɔtɔkɔ la atokuswakuswa, l’ani atoosha bieka yola.

Nde Imi yende Botingani Bolau la iluwi nde eyami bɛkɔkɔ la eyami nd’aluwi ko Imi

Sango wami oyafäkä’mi yao, alongeli nde batotina, angwɛnɛ angɔmɔi wokɔkɔlɔ ndɔɔnɔkɔlɔ ango yeka nda bosamba wande. Imi la Sango twende ko ɔmwito.

kwa Sango nd’aluwi Imi, ko Imi imɔ nd’aluwi Sango la isomacha liwawi liami ko ndowela bɛkɔkɔ.

Angwɛnɛ boto wɔnɔkɔlɔ liao ende’mi, nde Imi nd’atomacha liao ko Imi angɛnɛ. Yende l’isosha shomacha liao la yende imɔ l’isosha shɔɔlɔ liao liasi. Sango angɛnɛ nd’atelaka’mi ekela-ye.

Eokao Yesu loonga lau liasi mbo— Wewe, wewe itoonga lanu mbo Imi yende bome ende bɛkɔkɔ.

Bokuwi wa bosombo oyati botingani, oyatisɛlɛ bɛkɔkɔ eyande angɛnɛ, atɔɛn’inde ngɔi etoya, inde komacha bɔkɔkɔ, kokwa botili; limɔ ngɔi koungwakela bɛkɔkɔ, inde komelekesa yao mya.

Wewe, wewe, itoonga lanu mbo— Boto oyaitɔɔtɔkɔ ko la bome nda likula lia bɛkɔkɔ, kangä ndoakala liao la elela yasi, ambo ona ende wiya la booni