JOHN 16 - 인기 성경 구절

공유

Mhahiko I nekoce kepo nekopo ayo nelü menü ba ketola. Cejülü neko kemezhe zoto, vele neko nezü vekrü yite; I cejüo pi kuyi ketala.

Kehothi sheri ketho Rüpü kevorice pü neko cho thapü kethokolü süto; pütho püju po taho, vele pü keseko pü po süto, mu vori ketoko pü nekoce po süto.

Tsüketso neko azalü mhapüri chomo zolu, chote, khapü neko tsü süto, side nepo nenüko thitsüyi ketola.

Sizizo sheri I nekoce ketho posüto, I ta keta nekola kevezo, kekrelamori I tata molize, thelü tho kemelu voriho; vele I mhace tata süze I pü ketsüpü nekoce süto. Pü vori tisa cejü kephoma mejo süto, kemezi mu sheco po süto.

Neko süla tsücehi nekolü su bate, vele I neko zü kengo sala to, neko melü nelü nenü phi tato, mu kenü süo mipüri necelü süpü tata ho. Sünha neko mhapüri aketso sa hote. I nekoce potü süto, neko mha kehopüri azalü cho süze a Po süo khapü neko tsü zoto.

I nekoce potü süto, neko krato mu neko lü shü tato, vele cejüo unü phito, neko thelü shüshu tato, vele neko lü keshü süo kenuco neko nüshu de rechü tato.