LUKE 7 - 인기 성경 구절

공유

Süla I nce posüto, pü kephoma krophi zori vapütsüsüte, kekrelamori pü kekhrü neshu tila, vele kedopü kekhrü kebako kedopü lebi va kesüzo. Pü thenopü ce pokesü, n kephomako vapü ntsü süte ho.

Pü thenopü ce po kesü, n kemelü la nkela süteho, nnüde tavo tate, site.

Püphece usaco kratha, pümhüjü popü püphe vade püpitha khi shüsü, de püphe mebosü, süsa tirü süo pü kenhüsü.

Mori Ita nce vorei kesümi mole, vele no jüpü posü lize, athekü-o sürhoyito. Kekrelamori I sheri kekukhrotayo, akhrosheri thipahemiko ba, I püpo tavote, sizi süze pü tavotayi; mu kekrepüce, tavorite zisüsüze, pü tavoriyo; mu athekü mice n mhahio thisüte sizi süze pü thisüyo. Pü süko po kesüce Jisu püngo thita, de regüpra pükhüko pesüde, püsameji ketakoce poti, I nekoce posüto, I thüma ukemelü kene hibiti ngomo, Isreal lü zosheri bamo.

Hitücehi pü kethimi kekrothi kesürho sü, thathi ketako, therükesu ukebü ketako, mu mhücemi kekro mhüthipü mhangosü. Jisu süla unicepoti, neni tavote, de John ceposüte, mhücemi mhangoyi bate, pheyhomi chotayi bate, lepra kethiko thi menüsüte, nizhümi mhafü seyibate, kesasmiko thimerhüyi bate, jüyikeve popü kediko cesü bate.