Roma 8 - 인기 성경 구절

공유

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

Mə kɔꞌ kɨɨ nə fwi nyaa yimuꞌ, laa tuu fa kəmuꞌ kee lùu shɔ faŋ kaꞌ ŋkə gaasə nsiŋ vɨ ŋkawnə Nwi me. Kaꞌ yiku kee yɨ̀sə me, kaꞌ məbwey kee yɨ̀sə me, tɨꞌnə me nshiisə-ŋiisə Nwi me, tɨꞌnə me vɨɨ məsɔꞌ mbi, tɨꞌnə me nu faŋ ŋkə lùu taa mbi ndwə, tɨꞌnə me nu faŋ ŋkə jɨjwi, tɨꞌnə me vəwutə vəmɔ́ꞌ, tɨꞌnə me fa faŋ ŋkə lùu yizɔ, tɨꞌnə me fa faŋ ŋkə lùu ŋiꞌ nsi, tɨꞌnə me fa day faŋ Nwi nə naysə̀, kìi wutə maa məgaasə nsiŋ vɨ ŋkawnə Nwi yɔ́ me. Nwi nə də̀ ŋkawnə yi yɔ́ tɨ́ nsiŋ fɨ yiba tɨta ŋwaa-nsiŋ Yeso Kristo.

Nɨniŋ, faŋ nsiŋ duꞌtə nsiŋ fì Zwitə Ley Nwi nə, Zwitə kɔ́ taa kɨ gaŋtə nsiŋ maa məshɔꞌtə Nwi, buꞌ faŋ nsiŋ bɨbwa, kee kɨ̀ɨ nə nu ŋkɨə faŋ kaꞌ nsiŋ shɔ̀ꞌtə Nwi shɔ, ŋkə kùꞌnə me. Nɨniŋ, Zwitə Ley Nwi bùꞌ ghɔ tɨ́ Nwi tɔ nsiŋ, sɨsɔŋ maa ghaŋ mɔ́ꞌ faŋ kaꞌ wə kee gì nə shuu wi me.

Faŋ ŋkə lùu nɨniŋ nə, kaꞌ nsiŋ zwètə kə fɨ fuŋ? - Viŋ zɔ! Faŋ Nwi lùu maa kwiŋ ŋwaa-nsiŋ nə, sii kaꞌ baa kɔ̀ŋ ndə kɔ̀ŋ nsiŋ?

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Nu mətə sɨ maa vətɔ və mbasə ŋwaa wə yaa kɨ jwi nə yiku. Nu mətə sɨ maa nu Zwitə Ley Nwi, ndɔ jwi nə məbwey vəlwaŋ, nə məduꞌ-nyɔŋ.

Nsiŋ ghɔꞌ vənu vɔ́ vənshə ŋkee dɨdɨꞌ buꞌ wə ghɔ́, faŋ ŋwə nə kàw nsiŋ nə.

Mə bɨꞌtə ŋkee yinsəŋ laa, ŋɨꞌ njyə faŋ nsiŋ ye ndwə nə, kee lùu nu, faŋ nsiŋ lumə yikwalə njyə faŋ Nwi ndɔ kɨ kɔ tɨ́ nsiŋ ntee nə me.

Sii kaꞌ gaasə ndə gaasə nsiŋ fɨ taa ŋkawnə Kristo? Fa kee lùu shɔ me, faŋ nsiŋ kɔlə ŋìi taa ŋɨꞌ, tɨꞌnə me vɨ shoꞌ ghuu ŋaa-nsiŋ, tɨꞌnə me jɨŋ zasə nsiŋ, tɨꞌnə me njwisə bəə fɨ maa nsiŋ, tɨꞌnə me faŋ nsiŋ lùu shuu yiku, tɨꞌnə me vɨ kəə zwilə nsiŋ.

Nɨniŋ, Nwi faŋ ŋwə kɨ̀ɨ nə vənu fɨ taa fwisə vɨɨ, kɨ̀ɨ nə nu ŋkɨə faŋ Zwitə Ley Nwi kɔ́ bɨꞌtə, buꞌ laa Zwitə kɔ́ buꞌ ghɔ tɨ́ Nwi tɔ vɨɨ ley Nwi, yuu ŋkə kùꞌnə maa ŋkɨɨ Nwi.

Lùu nɨniŋ buꞌ laa vɨɨ vənshə faŋ Zwitə Ley Nwi sɔ̀ꞌ vəŋ, buu Nwi ndi vəŋ yaa vaŋ Nwi.

Vɨɨ mbɨə faŋ vəŋ toꞌ ghuu yitoꞌ vəŋ maa nuŋsə mbasə ŋwaa vəŋ, yaa kɨ kəə sheꞌ vətɔ və mbasə ŋwaa vəŋ. Luu nə, vɨɨ mbɨə faŋ vəŋ toꞌ maa Zwitə Ley Nwi, kəə sheꞌ vənu və Zwitə Ley Nwi.

Faŋ Nwi nə kee bee sɨ̀ŋtə maa ŋwiŋ wi binə me, kɔ ŋwə tɨ́ yiku tɔ nsiŋ vənshə nə, buu ŋkə lùu kəley laa ŋwə ndɔ kɨ key nsiŋ nə vənu vənshə fɨ yiba jɨŋ ŋwə nɨzi.

Zwitə Ley Nwi kɔ́ faynə ŋwaa ghɔ zwitə kaŋ-nsiŋ tɨ́ kaꞌ nsiŋ kɔꞌ kɨɨ laa nsiŋ lùu vaŋ Nwi. Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

Wə ntɨə faŋ ŋwə tə̀ sɨ maa vətɔ və mbasə ŋwaa, gù wuu mbeenə Nwi, buꞌ laa ŋwə kee zɔnə ntɨsə Nwi me. Yinsəŋ, kaꞌ ŋwə kee zɔ̀nə me.

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

Nsiŋ kɔꞌ kɨɨ laa, vətɔ vənshə faŋ Nwi nə bɔ̀ŋ nə, sɨsɔŋ, zɔ məza yaa məza məbi wee.