ཡོ་ཧ་ནན། 8 - 인기 성경 구절

공유

དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། བདག་ནི་འཇིག་རྟེན་གྱི་འོད་ཟེར་ཡིན༌ཞིང༌། ངའི་རྗེས་སུ་འབྲང་མཁན་རྣམས་མུན་པའི་ནང་དུ་བགྲོད་པ་མ་ཡིན་པར་ཚེ་སྲོག་གི་འོད་དང་ལྡན་པར་འགྱུར་ཞེས་གསུངས་པ༌དང༌།

ཁྱོད་རྣམས་ཀྱིས་བདེན་པ་ཉིད་དེ་ཤེས་པར་འགྱུར་ཞིང་བདེན་པ་ཉིད་ཀྱིས་ཀྱང་ཁྱོད་རྣམས་ལ་རང་དབང་ལྡན་པར་མཛད་ངེས་ཡིན་ཞེས་གསུངས་སོ།།

དེ་ནས་སྐྱབས་མགོན་ཡེ་ཤུས་རང་ཉིད་ལ་དད་པ་ཡོད་པའི་ཡ་ཧུ་དཱ་པ་རྣམས་ལ་འདི་སྐད༌དུ། གལ་ཏེ་ཁྱོད་རྣམས་བདག་གི་བཀའ་ཡི་ནང་དུ་གནས་ན། ཁྱོད་ཅག་ནི་དངོས་གནས་བདག་གི་རྗེས་འབྲང་པ་ཡིན༌ལ།

དེའི༌ཕྱིར། སྲས་ཀྱིས་ཁྱོད་རྣམས་ལ་རང་དབང་ལྡན་པར་མཛད་ན་ཁྱོད་ཅག་ལ་དངོས་གནས་རང་དབང་ལྡན་པ་ཡིན།

དེ་རྣམས་ཀྱིས་ཁོང་ལ་ཡང་ཡང་ཞུས་པ་ན་ཁོང་གིས་དབུ་ཡར་དགྱེ་ནས་འདི་སྐད༌དུ། ཁྱོད་རྣམས་ལས་སྡིག་པའི་དྲི་མས་མ་གོས་པ་དེས་ཐོག་མར་བུད་མེད་དེ་ལ་རྡོ་ཡིས་རྒྱག་རུང་ཞེས་གསུངས་པ༌དང༌།

ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། སྡིག་པ་བྱེད་མཁན་ཐམས་ཅད་ནི་སྡིག་པའི་བྲན་གཡོག་ཡིན།

དེ་ནས་སྐྱབས་མགོན་ཡེ་ཤུ་ཡར་ལངས་ནས་བུད་མེད་དེ་ལ་འདི་སྐད༌དུ། བུད་མེད། མི་དེ་རྣམས་གང་དུ་སོང༌ངམ། སུས་ཀྱང་ཁྱོད་ལ་ཉེས་ཆད་མ་བཅད་དམ་ཞེས་གསུངས་པ༌ལ། བུད་མེད་ན༌རེ། ཇོ་བོ༌ལགས། བདག་ལ་ཉེས་ཆད་མ་བཅད་ཅེས་ཞུས་སོ།། དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁྱོད་རང་ཕྱིར་སོང༌དང༌། བདག་གིས་ཀྱང་ཁྱོད་ལ་ཉེས་ཆད་གཅོད་པར་མི༌བྱའོ།། ཁྱོད་ཀྱིས་དེང་ཕྱིན་སྡིག་པ་མ་བྱེད་ཅིག་ཅེས་གསུངས༌སོ།།