Čơdơ̆ng Phŭn 11 - 인기 성경 구절

공유

Yêhôwa laĭ: “Anai nê, abih bang ƀing gơñu jing sa djuai mơnuih, pơhiăp amăng sa tơlơi pơhiăp. Gơñu phrâo pơphŭn pơdơ̆ng đôč samơ̆ jing kar hăng anŭn laih, tơdơi adih gơñu či dưi ngă yơh abih bang bruă gơñu pơmĭn kiăng ngă. Bĕ ƀing ta trŭn, ngă pơlŭk pơlăk hĭ boh pơhiăp gơñu, kiăng kơ ƀing gơñu ƀu thâo hluh tơlơi pơhiăp kơ tơdruă gơñu ôh.”

Gơñu laĭ: “Bơ ta, brơi ƀing ta pơdơ̆ng bĕ kơ ƀing ta pô sa boh plei prŏng laih anŭn pơdơ̆ng sa boh rơñan hmâo jŭng glong truh pơ adai kiăng kơ ƀing ta dưi hmâo tơlơi hing ang laih anŭn ƀu čơlah čơlap amăng djŏp lŏn tơnah ôh.”

Yua kơ anŭn, arăng iâu anih anŭn jing Babel, yua kơ ƀơi anih anŭn Yêhôwa ngă pơlŭk pơlăk hĭ boh pơhiăp kơ abih lŏn tơnah, laih anŭn mơ̆ng anih anŭn Ñu ngă brơi ană mơnuih bra hyu pơ djŏp anih.

Hlăk anŭn abih bang lŏn tơnah anai hmâo kơnơ̆ng sa tơlơi pơhiăp đôč laih anŭn yua hrŏm hơbĭt khul boh pơhiăp.

Yêhôwa trŭn rai kiăng lăng plei prŏng hăng rơñan ƀing ană tơčo ană mơnuih hlăk dŏ pơdơ̆ng.

Tui anŭn mơ̆ng anih anŭn, Yêhôwa pơčơlah hĭ ană mơnuih amăng djŏp djang lŏn tơnah, laih anŭn bruă pơdơ̆ng plei prŏng dơ̆ng glaĭ hĭ.