Čơdơ̆ng Phŭn 27 - 인기 성경 구절

공유

Rơkâo kơ Ơi Adai brơi ih ia ngom mơ̆ng adai, Brơi lŏn ih jing hiam Hmâo lu pơdai laih anŭn ia tơpai boh kơƀâu. Brơi lu ană plei pla mă bruă kơ ih Lu boh čar či kơkuh kơ ih! Gĭt gai bĕ ayŏng adơi ih, Ƀing ană đah rơkơi amĭ ih leng kơ či bon kơkuh kơ ih! Hlơi pô hơtơ̆m pah ih, ñu či mă tŭ tơlơi hơtơ̆m pah mơ̆n, Hlơi pô hơơč mơyun kơ ih, ñu či hmâo tơlơi mơyun hiam!”

Êsâo laĭ: “Djơ̆ mơ̆ kar hăng anăn hmâo pơanăn kơ ñu jing Yakôp, hmâo dua wơ̆t laih ñu plah mă anih kâo? Ñu hmâo sua mă laih tơlơi dưi jing pô ană kơčoa kâo, ră anai ñu ăt sua mă tơlơi mơyun hiam kâo dơ̆ng mơ̆n.” Giơ̆ng anŭn ñu laĭ dơ̆ng: “Ih ƀu pioh glaĭ brơi kâo sa tơlơi mơyun hiam hơgĕt pơkŏn dơ̆ng ôh hă?”

Isak, ama Êsâo, laĭ: “Anai nê, anih ih dŏ jing anih lŏn ƀu hiam ôh, Laih anŭn ƀu hmâo ia ngom mơ̆ng adai. Ih či hơdip yua mơ̆ng đao gưm, Laih anŭn ngă hlŭn kơ adơi ih. Samơ̆ tơ ih hyu pơ anai pơ adih, Ih či joh hĭ ač adơi ih ƀơi tơkuai ih.”

Êsâo laĭ: “Ơ ama! Ih kơnơ̆ng hmâo sa tơlơi hơơč mơyun đôč hă? Rơkâo ih ăt hơơč mơyun brơi kơ kâo đa, ơ ama!” Giơ̆ng anŭn, ñu ur hia.