JUAN 5 - 인기 성경 구절

공유

Sa pagkamatuud, sa pagkamatuud, nagasiling ako sa inyo, ang nagapamati sang akon polong kag nagatoo sa nagpadala sa akon, may kabuhi nga walay katapusan; indi sia paghukman, kondi naglaton gikan sa kamatayon pa kabuhi.

Sang nakita sia ni Jesus nga nagahamyang kag nakahibalo nga madugay na sia sa sinang kahimtangan, nagsiling sia sa iya, “Buut ka bala mag-ayo?”

Ginausisa ninyo ang mga kasulatan, bangud nga nagahunahuna kamo nga sa ila may kabuhi kamo nga walay katapusan; kag ini sila amo ang nagasaksi nahanungud sa akon; apang indi kamo buut magkari sa akon agud nga may kabuhi kamo.

Si Jesus nagsiling sa iya, “Tindug ka, dalha ang imo higdaan, kag maglakat.” Kag sa gilayon nag-ayo ang tawo, kag nagdala sang iya higdaan kag naglakat. Karon adlaw nga inugpahuway yadto.

Si Jesus nagsiling sa ila, “Sa pagkamatuud, sa pagkamatuud, nagasiling ako sa inyo, ang Anak indi makahimo sing bisan ano sa iya kaugalingon, kondi lamang ang nakita niya nga ginahimo sang Amay; kay ang bisan ano nga ginahimo niya, ini ginahimo man sang Anak sa amo nga bagay.