JUAN 1 - 인기 성경 구절

공유

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna

Idi punganay adda ti Verbo, ket ti Verbo adda iti Dios, ket ti Verbo isu, Dios.

Ket ti silaw aglawag iti sipnget, ket ti sipnget isu dina inawat.

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

Dagiti isu-amin napaaddada gapu kencuana, ket no isu awan, awan ti napaadda cadagiti adda. Adda idi kencuana ti biag, ket ti biag isu idi ti silaw dagiti tao.

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

Isu adda idi iti lubong ket ti lubong napaadda gapu kencuana; ket ti lubong dina nailasin. Immay cadagiti cucuana, ket dagiti taona isu saanda nga inawat.

Adda idi ti silaw a pudno, a manglawag iti amin a tao nga umay ditoy lubong.

Ta ti linteg naited gapu ken ni Moises; ti parabur ken ti kinapudno immayda gapu ken Jesu-Cristo.