JUAN 3 - 인기 성경 구절

공유

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

Ket daytoy ti pacaocoman, ta ti silaw immay iti lubong, ket dagiti tao inayatda ti sipnget a nangnangrona ngem iti lawag; ta dakes idi dagiti aramidda.

Isu masapul a dumackel, ngem siac masapul a bumassitac.

Ta amin nga agaramid ti dakes, guraenna ti lawag ket saan nga umay iti lawag, di la ket ta dagiti aramidna mababalaw.

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

Ket no casano iti panangibayog ni Moises iti uleg idiay let-ang, casta met a masapul a ti Anac ti tao maibayog

Ti Ama ayatenna ti Anac, ket amin dagiti banag impaimanan kencuana.