MATHAYO 5 - 인기 성경 구절

공유

Naka muntû atimuntagia taa amîkunîkîra. Amîtûûgagîîria bantû aûkîîru kaingo îmûrîkîra bonthe bara barî nyomba înu. Ta ûgu i ta bu werû bwenu bûbatîîrue bûmûrîkîra antû kaingo boona mantû mara bûrûthaga i mantû meega, bakumia Abaagu ûra arî îgûrû.”

“Na kaîrî biû bûrî werû kîrî antû ba nthîgûrû. Bûkari ta bûra ntûûra yakîîtwe karîmaani îtaithîka.

Kîthaarimo i kîrî bara batheru nkoro, bakoona Ngai na meetho.

Kîthaarimo i kîrî bara barî na yûûra na bûûta ya kûrûtha bûra kwagîrîte, bakaabaa.

Îndî naani ga nkûbwîra, endagaani anthû beenu na rombagîraani bara babûnyamaaragia.

“Kîthaarimo i kîrî bara beebonaga bo ti gîntû kîrî Ngai, ûnene bwa îgûrû i bwao.

Kîthaarimo i kîrî bara bareetaga ûkiri, bageetwa aana ba Ngai.

Kîthaarimo i kîrî bara barî na kîîthikîîro nkorooni, Ngai akabaûmîîria.

Kîthaarimo i kîrî bara bathîînagua n'ûntû bwa kûrûngama ûmmaani, ûnene bwa îgûrû i bwao.

Kîthaarimo i kîrî bara barî kîao, Ngai akabeegua kîao.

“Kîthaarimo i kîrî biû rîra antû babûruma, rîra babûnyamaaria, kana babûtuîrîîra mantû maingî maathûûku n'ûntû bwa bûra bûrî baakwa. Rîra bakûbûrûtha ûgu, kenaani. Gwîruani mûno n'ûntû kîewa kîenu îgûrû i kîînene. Ûgu i ta bu baanyamaariirie bara baarî iroria mbere yenu.”

Kîthaarimo i kîrî bara babooreeru, bakeewa nthîgûrû îtuîke yao.

Yiesû auga, “Kîrî antû biû bûrî mwonyo. Îndî mwonyo ûkathira mûcamo ûtiîkîrîka uu kaîrî. Ûkarire ûgu ûtirî gîtûmi kaîrî nwa gûteewa nja ûgakinyangwa n'antû.

Nwa mwanka bûtuîke baagîru ta bûra Abaagu ûra arî îgûrû arî ûmwagîru.”

Weegua ûrîenda kuuga ‘Yîî,’ uga ‘Yîî.’ Na weegua ûrîenda kuuga ‘Arî,’ uga ‘Arî.’ Bûngî nkûrûki ya ûgu i Nkoma abureetaga.”

Yiesû auga, “Ibwiyî kwîrîîtwe, ‘Ûra agaatûra ûra ûngî riitho wana we natûrwe rîake. Na ûra agaakûûra ûra ûngî îgego wana we nakûûrwe rîake.’ Îndî naani ga nkûbwîra, ûtikaarigîîrie muntû akûrûthîra ûthûûku. Muntû akaaya gûkûringa îkoobi rûthea rwa ûrîo, mûgarûrîre kinya rwa ûmotho aringe.

Ûkaaya kwîgua riitho rîaku rîa ûrîo rîtûmaga wîyia, rîtûre. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro. Kana ûkaaya kwîgua njara yaku ya ûrîo îtûmaga wîyia, mîgiite. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro.”