Sɛ́aŋ 1 - 인기 성경 구절

공유

Kɛbán kímuʼ, pá pə́yímusíəd kɔŋɛʼ, pá páyáág oʼto a nyɔ́lɛ́, ayɛ́boyɛ́ʼkɛn toɛn lɛ́ páán pɔɔ́n pá Táán.

Kɔ a niə́bə́ə ná Táán ayɛ́ɛ́lɛ moom muim, Nɔgɛ́ɛ́ nóyɛ́ɛ noándɛ kɔ kalaʼ. Nóyɛ́ɛ a ɛbá ɛ́ Táán. Nólɛ́ nɔmɔɛ́d nóyɛ́ɛ Táán.

Kisəə kɛ́yɛ́ɛ agonom a mbin a kaadɛ, mbin ɛdɛáʼkɛ kuwíiyi.

Nɔgɛ́ɛ́ nóyáán mɔɔd, nuə́ləndin a kɛgaágadɛ kiə́s. Nólɛ na ɔʼtɛ́m ólaŋ a kúfuʼ, na fɔ́lɔ́b. Tɛádála nugəm nuə́ŋ, nugəm nó Táán Sɛ amɛ́ʼkɛn na kɛmbóg kiə́ŋ kɛ́ Mɔɔ́n.

Yiim yɛ́ Táán ayɛ́ɛ́lɛ, a nólɛ́ aa ɛ́yáyɛ́lɛ́ɛ́. Ímuʼ na ímuʼ yɛ́ ɛ́yáyɛ́lɛ́ɛ́ fiɛ́d nólɛ́ kusəə, ɛ́dɛɔ́gɔ A nólɛ́ aa yoom yiim ɛ́yɛ́ɛ na ɔlaa. Ɔlaa wóow aa úyíímín pɔɔd na kisəə.

A koany kaáyɛnɛ, Sɛ́aŋ aáság kodála Yə́sus əə́giim ná nyɔ́lɛ́ alɛɛ́. Náa ɔnɔ́: «Taa, ogo aa nyóon oo, Mɔɔ́n o nodóm o Táán. Nyɔ́lɛ́ aa oóliogi mabɛ́ má pɔɔd piim pá a nsí

Nɔgɛ́ɛ́ nóyɛ́ɛ a nsí yɛ́ɛnɛ. Na nólɛ́ aa Táán ayɛ́ɛ́lɛ yiim. Kɛbán kímuʼ, pɔɔd pá a nsí pə́yímuúʼtə́m. Nɔgɛ́ɛ́ núyíím ná ndɛg yəəŋ ɛlɛɛ́, pɔ́lɛ́ pə́mə́yiin kumuúsiəd.

Nɔgɛ́ɛ́ áa nóyɛ́ɛ kisəə kɛ́ fɔ́lɔ́b. Kɛ́lɛ́ kíyíím a nsí yɛ́ɛnɛ lɛ́ ná kɛ́nomɛn pɔɔd piim.

Na Moyíis aa Táán ayɛ́bɛyɛ́ʼkɛn pɛcɛm piə́ŋ. Náa na Yə́sus Kilíʼtus aa mawɔʼ na fɔ́lɔ́b imə́biyíímin.