ཡོ་ཧ་ནན། 2 - 인기 성경 구절

공유

དེ་ལྟར་ཡེ་ཤུས་ག་ལིལ་ཡུལ་གྱི་གྲོང་ཁྱེར་ཀ་ནཱ་ལ་ངོ་མཚར་བའི་རྟགས་དང་པོ་བསྟན་ཏེ། རང་གི་གཟི་བརྗིད་མངོན་པར་མཛད་པས་ཉེ་གནས་རྣམས་ཀྱིས་ཁོང་ལ་དད་པ་བྱས་སོ།

ཡེ་ཤུས་ཁོང་ལ་“ཨ་མ་ལགས། ཁྱེད་ཀྱིས་ཅིའི་ཕྱིར་ང་རང་དོན་དེ་དང་འབྲེལ་བ་ཡོད་པར་བྱ་འདོད་དམ། ངའི་དུས་ཚོད་ད་དུང་མ་སླེབས་”ཞེས་གསུངས།

ཡེ་ཤུས་གཡོག་པོ་ཚོར་“བན་འདི་ཚོ་ཆུ་ཡིས་རྒྱོངས་”ཞེས་བཀའ་གནང་བས་ཁོ་ཚོས་བན་ཡོངས་སུ་ཁེངས་པར་ཆུས་བཀང༌། ཁོང་གིས་“ད་བཅུས་ནས་གསོལ་དཔོན་ལ་སྐྱོལ་དང་”ཞེས་གསུངས་པ་དང་གཡོག་པོས་དེ་ལྟར་བྱས།

ལན་དུ་ཡེ་ཤུས་“མཆོད་ཁང་འདི་བཤིག་ན་ངས་ཉིན་ཞག་གསུམ་ལ་སླར་ཡང་རྩིག་པར་བྱའོ་”ཞེས་གསུངས།

ཁོང་གིས་ཐག་པའི་རྟ་ལྕག་ཅིག་མཛད་ནས། སྒོ་རའི་ནང་ནས་ལུག་དང་བ་གླང་ཐམས་ཅད་ཕྱིར་བཏོན་པ་དང༌། དངུལ་རྗེ་མཁན་གྱི་ལྕོག་ཙེ་མགོ་རྟིང་བསློགས་ནས་དངུལ་སྒོར་གཏོར། ཕུག་རོན་ཚོང་མཁན་རྣམས་ལ་“འདི་ཐམས་ཅད་འདི་ནས་ཕྱིར་ཁྱེར་ཞིག ངའི་ཡབ་ཀྱི་གནས་མཆོག་ནི་ཚོང་རར་མ་བྱོས་”ཞེས་བཀའ་གནང༌།