GENESIS 7 - 인기 성경 구절

공유

Tin, LALPAN Nova hnênah chuan, “Nang leh i chhûngte zawng zawng chu lawngah lût rawh u; nang zawng tûnlai ṭhangthar zîngah hian ka mit hmuhin mi fel tak i nih hi ka hria che a ni.

Tin, tui chu ni za leh ni sawmnga chhûng zawng chuan leiah hian a awm ta pûng mai a.

Nova chu kum zaruk a nih kum, a thla hnihna ni sâwm leh ni sarih nîah, chumi ni ngei chuan tui thûk zau tak hna zawng zawngte chu a lo sah ta vek a, vân tukverhte pawh a lo inhawng ta bawk a.

Tichuan, lei chunga thil nung awm tinrêng: mihring te, ran te, rannung te, chunglêng savate chu tihboralin an awm a; lei ata tihboralin an awm ta. Nova leh lawnga a hnêna awmte chauh chu zuahin an awm ta a.

Tin, ni sawmli leh zan sawmli chhûng zawng leiah hian ruahpui vânâwn a sûr ta a.