1 Коринфянэнгэ 11 - 인기 성경 구절

공유

Адя́кэ-паць и тахта́й пало́ вечэря и пхэндя́: “Дава́ тахта́й исын нэво́ Дэвлэ́скиро завето пир миро рат: кэрэ́н дава́ ада́кицы мо́лы, кицы́ мо́лы тумэ́ явэ́на тэ пьен лэ́стыр (ла́тыр), соб (кай) тэ рипирэ́н Ман.” Пал-дова́ со ада́кицы мо́лы, кицы́ мо́лы тумэ́ явэ́на тэ хан дава́ маро́ и тэ пьен дава́ тахта́й, тумэ́ пирипхэнэна чачипэ́н пал Ра́скирэ-Дэвлэ́скиро мэрибэ́н, пака Ёв явэ́ла.

Пал-дова́ со мэ Кокорэстыр Ра́стыр-Дэвлэ́стыр прилыём дова́ сыклякирибэ́н, саво́ мэ пиридава тумэ́нгэ, со Рай Дэвэ́л дрэ кодоя рат, ке́ли Ёв сыс здыно, лыя́ маро́, парикирдя Дэвлэ́скэ, пхагирдя́ лэс и пхэндя́: “Дава́ исын Мирэ́ Маса́, савэ́ исын отдынэ́ ваш тумэ́нгэ: кэрэ́н адя́кэ тэ рипирэ́н Ман.”

А мэк кажно ману́ш тэ пропатякирэл пэс и пир дава́ ха́ла маро́ и пьела тахтастыр. Палдава́, кон ха́ла и пьела тахтастыр би дара́киро анги́л Дэвлэ́стэ, одова́ ману́ш сы́рбы ха́ла и пьела Дэвлэ́скиро сэ́ндо пэ пэ́стэ, и сы́рбы отлыджалапэ би патыва́киро кэ Христосо́скирэ Маса́.

Палдава́, ко́ли вари-кон ха́ла маро́ ци пьела Ра́скирэ-Дэвлэ́скиро тахта́й би патыва́киро (би дара́киро) анги́л Лэ́стэ, одова́ ману́ш явэ́ла банго́, со ёв на кутякирэла Ра́скирэ-Дэвлэ́скирэ маса́ и рат.

Кэрэ́н адя́кэ-паць, сыр и мэ, пал-дова́ со мэ кэра́ва адя́кэ-паць, сыр Христо́со.