Jn 3 - 인기 성경 구절

공유

Feyine nè lô koŋ mbi yin ɛ ŋaŋ è me fo wán ə wen wɛ əbmok ge fo naa ndɛ ɛytem se wen, é əb jia yî lɛy, dî è yɛ ki ɛychii yɛ ɛy jia yî mɛy.

Feyine nè báà tinse wán ə wen ɛ mbi ge əb gwiy è sak ghel. Əb nè tinse ge əb gwiy è boyse ghel boysen.

Jesus suuy se wen ge: Mɛ suuy əbluuy se wɛ̀ ge, lòó wel jia yɛn ɛysake Feyin buu ge ɛ́ kase bii wen kefɛɛ.

Feyine jia náà sak wel wɛ əb foon ɛytem se wan ə wen nɛ̂ vin, dî nɛ naa ndɛ wɛ əb báà fo ɛytem se wen lu nɛ Feyine sakmen wen bek ge əb báà fo ɛytem se mɛy-mɛy wan ə Feyin.

Feyine sake mbi yin ɛ jii ghan ge: Ɛybane gwiymen se mbi, dî ghele se koŋe nɛ lu nfiine chia ɛyban bek ge ghene nɛɛy mbee.

Kenəə ə wel nɛ̂ vi lu se yɛ nduu kɛn ɛ mbiy, nɛ kome fiile ɛybam.

Wel wɛ əb nɛɛyen mbee bane ɛyban, nɛ̀ lòó əb jia fəy è gwiy ɛ ɛyban bek ge əb báà se koŋe ge ghele yɛ yɛne əbnəə əbbee wɛ əb nɛɛyen.

Naa ndɛ wɛ əb foon ɛytem se wan vin yî yɛ ki ɛychii yɛ ɛy jia yî mɛy, dî nɛ naa ndɛ wɛ əb tunsen wan vine jia yî yɛ ki ɛychii, è jia yî boy se ɛyyafse ɛytem nə Feyine.

Ka Moses nè losen yio ɛ fekak ɛ əbliy wɛ ghene nè luun ɛ əbkwak, lu ghɛɛ-ghɛɛ ka ɛ́ náà lose Wanwel

Baye koŋe wán ə wen, è me vii əbnəə əbjim ɛ wene keghoo.