Jn 6 - 인기 성경 구절

공유

Jesus me suuy se ghene ge: Mɛ lu əbfua-əbyíɛ́ne wɛ əb fóon ɛychii. Naa ndɛ wɛ əb gwiyen se mɛ jia bo yɛ yio jiŋ, nɛ̀ kendoŋe moo jia bo yɛ yume wel vi wɛ əb foon ɛytem se mɛ.

Kefaa kɛ ke fóon ɛychii lu Keyioy ə Feyin. Wel se wene ngeŋ lòó əb jia nɛɛy kenəə se kiile. Giɛ sɛ mɛ suŋnen se ghɛn lòò se Keyioy nɛ̂ kine nɛ lu sɛ se fóon ɛychii.

Ghàà ghɛn yɛ fɛl bek əbfua-əbyíɛ́ne wɛ əb sɛɛ bef. Ghɛn sɛy yɛ fɛl nɛ lu se wɛ əb sɛɛ lu kɛn luun, gwiye nɛ̀ ɛychii yɛ ɛy jia yî mɛy, əbfua-əbyíɛ́ne nɛ̂ vine lu nɛ nɛ̂y fo Wanwel se ghɛn. Feyin wɛ Bay dinmen ge yi ke se ɛyfɛl yɛ əb fɛ́len.

Kenəə kɛ Ba ə wom kɛŋen lu ge wel əbjim wɛ əb yɛnen wan è fo ɛytem se wene náà kiile ɛychii yɛ ɛy jia yî mɛy, nɛ mɛ náà lose ghene se ɛykuo ɛ kechii kenləysen.

Jesus fise ge: Ɛyfɛl yɛ Feyine kɛŋen ge ghɛn yɛ fɛl lu ge: Ghɛn fó ɛytem se wel vi wɛ yi nè tumen.

Wel əbjim wɛ Ba ə wom foon se mɛ nɛ̂y gwiy se mɛ. Mɛ jia yî jum ghii dii ghɛ ɛ́ gwiyen se mɛ

Simon Bita fise ge: Báàba, lòó ghɛs ndu se ndɛ? Wɛ̀ ki giɛ sɛ se fóon ɛychii yɛ ɛy jia yî mɛy.

Mɛ lu əbfua-əbyíɛ́ne wɛ əb lòòn ɛ ɛyyio nɛ lu wɛ əb foon ɛychii. Yiɛ naa ndɛ əbfua-əbyíɛ́ne nɛ̂ vin é əb yî yɛ chii ndu kɛn nduun. Əbfua-əbyíɛ́ne nɛ̂ vine lu əbghun ə wom wɛ mɛ nɛ̂y fo se boyse ghele ghɛ mbi fɛne.

Lòó wel jia gwiy se mɛ buu ge gufte Bay wɛ əb nè tumen mɛ ge əb gwiy san; nɛ mɛ náà lose wen se ɛykuo ɛ kechii kenləysen.

Əbfua-əbyíɛ́ne wɛ Feyine fóon lu vii wɛ əb lòòn ɛ ɛyyio è gwiy è se foo ɛychii se mbi.

Mɛ lu əbfua-əbyíɛ́ne wɛ əb foon ɛychii.

Jesus liɛ ntukse keban shi, è bɛ̀ɛ̀lè Feyin, è fo ɛ́ giate se ghel ghɛ ɛ́ nè diom, əb bɛɛle Feyin se səəse fɛy, è fo ɛ́ giate se ghele, wel əbjim yíɛ́ ka əb nè kɛŋen. Wel əbjim yíɛ́ è kul, Jesus suuy se ghon-ɛyfɛl nə wene ge: Ghɛn biŋte wɛ əb bɛɛsen fɛ kefaa lɛy se lólò.

Nɛy se lu nɛ ghon-ɛyfɛl nə Jesuse jɛlmen ɛ məme jio ka tetaŋ tetal kene tekɛɛk dì, ghene yɛn Jesus nɛ əb jɛle ɛ ketuu moo baksen gwiye se kenək, è me se fane. Jesus suuy se ghene ge: Ghàà ghɛn yɛ fan, lu mɛ Jesus.